என் எண்ணங்கள்

Get-Together மீண்டும் சந்திப்பு

2012-02-03T09:30:00.000+05:30

காஞ்சிபுரத்தில் தங்கள் பழைய ஸ்கூலில் 46 வருஷங்களுக்குப் பிறகு சென்ற 4 டிசம்பர் 2011-ல் சந்தித்த பிறகு, விஜயாவும் அவளது தோழிகளும் டெலிஃபோன் தொடர்பில் இருந்து கொண்டே இருந்தனர்.

மீண்டும் எல்லாரும் தங்கள் வீட்டில் சந்திக்கலாம் என ஸ்ரீமதி தேவசுந்தரி சொல்ல, அது போலவே சுமார் 20 பேர் அவரது தாம்பரம் வீட்டில் ஃபிப்ரவரி 2ஆம் தேதி [வியாழனன்று] சந்தித்தனர். விஜயா காலை 8-15க்கு கிளம்பி அடையாறு சென்று ஸ்ரீமதி சாந்தியுடன் காரில் சென்றாள்.

ஒவ்வொருவராக வந்து கலந்து கொண்டனர். மைசூரிலிருந்து ஒருவரும், மதுரையிலிருந்து ஒருவரும் இதற்காகவே சென்னை வந்தது குறிப்பிடத் தக்கது. காஞ்சிபுரத்திலிருந்து சுமார் 10 பேர் வந்தனர்.

தேவசுந்தரியும் அவரது தங்கை, தம்பியும் தடபுடலாக விருந்து சமைத்தனர். சப்பாத்தி, குருமா, புலவ், ராய்த்தா, தயிர் சாதம், ஐஸ்கிரீம் என இன்னும் பல ஐட்டங்கள் செய்தனர். எல்லாரும் பேசிக்கொண்டு சாப்பிட்ட பின்னர் சாயங்காலம் வீடு/ ஊர் திரும்பினர்.

ராஜப்பா
0930
3-2-2012

மயிலாப்பூரில் நாங்கள் 31-1-2012

2012-02-01T09:00:00.000+05:30

நேற்று (31 ஜனவரி) எங்கள் [41-வது] திருமண ஆண்டு நாள். மாலை 4-15 க்கு வீட்டிலிருந்து கிளம்பி, மயிலாப்ப்பூர் மசூதி தெருவிலுள்ள வீர ஆஞ்சநேயர் கோயிலுக்குச் சென்றோம். ஆஞ்சநேயர் வெண்ணெய் காப்பு சாத்திக் கொண்டு தரிஸனம் அளித்தார். அவரையும், ஸீதா சமேத ஸ்ரீ ராமரையும் சேவித்து விட்டு, ஸ்ரீ வேதாந்த தேஸிகர் கோயிலுக்கு நடந்தோம்.

ஸ்ரீ அலமேலு தாயார் ஸமேதராக ஸ்ரீநிவாஸப் பெருமாள் இங்கு எழுந்தருளியிருக்கிறார். பெருமாள் புன்னகை தவழும் முகத்தோடு மிகவும் அழகாக காட்சியளிக்கிறார்; அவரது அழகில் நம் மனசு கொள்ளை போய்விடுகிறது. மிக அருகில் நின்று பெருமாளை நீண்ட நேரம் சேவித்தோம்.

250 வருஷங்களுக்கு முன்னால் முதலில் இங்கு வேதாந்த தேஸிகர் கோயில் மட்டும் தான் இருந்தது; பின்னர் சமீபத்தில் 1924-ல் ஸ்ரீநிவாஸப் பெருமாள் கோயில் நிறுவப்பட்டது. இங்குள்ள லக்ஷ்மி ஹயக்ரீவர் ஸ்ரீ வேதாந்த தேஸிகரின் “உபாஸன தெய்வம்”; மிக சக்தி வாய்ந்தவர். கோயிலில் சக்கரத்தாழ்வார், ஸ்ரீ ராமர், ஸ்ரீ நரஸிம்ஹர் ஆகியோருக்கு சன்னதிகள் உள்ளன.

அடுத்து, ஸ்ரீ ஆதிகேஸவ பெருமாள் கோயில். மிகவும் பழமையானது. 12 ஆழ்வார்களில் ஒருவரான ஸ்ரீ பேயாழ்வார் அவதரித்த இடம் மயிலாப்பூர். இந்தக் கோயிலில் பேயாழ்வாருக்கு ஒரு சன்னதி இருக்கிறது.

ஆதி கேஸவ பெருமாள்

ஆதிகேஸவப் பெருமாளையும் அருகில் நின்று தரிஸனம் செய்தோம். தாயார் மரகதவல்லித் தாயார். மயூரவல்லி தாயார் என்ற பெயரும் உண்டு.

ஆதி கேஸவப் பெருமாள்

மயூரவல்லித் தாயார்

ஹயக்ரீவர், கோதண்டராமர், சக்கரத்தாழ்வார், கருடாழ்வார், நரஸிம்ஹர், ஆண்டாள் ஆகியோருக்கு தனித்தனி சன்னதிகள் உள்ளன. யாவரையும் சேவித்து வணங்கினோம். இந்தக் கோயிலின் தீர்த்தக் குளம் சர்வதீர்த்தம், ஹரிஹரதீர்த்தம் என்கிற பெயர்களுடன், தற்போது “சித்திரைக் குளம்” என புகழ்பெற்றது. ஆதி கேஸவப்பெருமாளின் தெப்போத்ஸவம் போன வாரம்தான் (26-01-2012) நடந்தது; உத்ஸவம் மிக அழகாக இருக்கும்.

மயிலாப்பூர் பழமையும் பெருமையும் ஒருங்கே அமையப் பெற்ற திருத்தலம். புகழ்பெற்ற ஏழு சிவாலயங்கள், நிறைய பெருமாள் கோயில்கள், கணக்கற்ற விநாயகர் கோயில்கள், ஆஞ்சநேயர் கோயில்கள், ஸ்ரீ முண்டகக்கண்ணி அம்மன், கோலவிழி அம்மன் முதலான அம்மன் கோயில்கள், சாயிபாபா கோயில், ஸ்ரீராமகிருஷ்ணர் மடம், ஸ்ரீவிவேகானந்தர் இல்லம் போன்றவை மயிலாப்பூரில் உள்ளன. முதலில், தெற்கு மாட வீதியில் அமைந்துள்ள ஸ்ரீ வெள்ளீஸ்வரர் கோயிலுக்குப் போனோம்.

விஷ்ணுவின் வாமன அவதாரத்தில் கண்பார்வை இழந்த சுக்ராச்சாரியார் இழந்த தம் பார்வையை மீண்டும் பெறுவதற்கு, சிவனை வேண்டி தவம் பண்ண மயிலைக்கு வந்தார். சிவனை வணங்கி வழிபட்டு தன் கண்பார்வையை சுக்ராச்சாரியார் மீண்டும் பெற்ற தலம். சுக்ராச்சாரியாரின் பெயரிலேயே ஈஸ்வரன் “ஸ்ரீசுக்ரீஸ்வரர்” என்றும், தமிழில் “ ஸ்ரீவெள்ளீஸ்வரர்” என்றும் அழைக்கப்படுகிறார். கோயில் மிகவும் பழமையான, அழகான திருக்கோயில்.

கோயிலில் நுழைந்ததும் முதலில் நமக்கு காக்ஷி கொடுப்பது ஸித்தி-புத்தி ஸமேத செல்வ விநாயகர். மூலவர் வெள்ளீஸ்வரர் கிழக்கு நோக்கி அருள் பாலிக்கிறார். அம்பிகை காமாக்ஷி அம்மன். மிகவும் அழகிய அம்பிகை. நாள் முழுதும் பார்த்துக் கொண்டே இருக்கலாம். முத்துக் குமாரஸ்வாமி என்ற பெயரில் முருகனுக்கு சன்னதி. ஸூரியன், வீரபத்ரன், அண்ணாமலையார், உண்ணாமுலை அம்பிகை, நால்வர், சேக்கிழார், காசி விஸ்வநாதர், நடராஜர், பைரவர் ஆகியோர் இங்கு எழுந்தருளியுள்ளனர். தக்ஷிணாமூர்த்தியும், துர்க்கையும் உள்ளனர். வெளிப்புற பிராகாரத்தில் சனி பகவானுக்கு சன்னதியும், நவகிரஹங்களும் இருக்கின்றன.

சனி பகவானுக்கு நேர் எதிரே சுக்ராச்சாரியார் சிவனை வழிபடும் காக்ஷி தென்படுகிறது. ஐந்து நிலைகொண்ட ராஜ கோபுரத்துடன், ஸ்ரீ வெள்ளீஸ்வரர் கோயில் கம்பீரமாக திகழ்கிறது.

அங்கிருந்து, ஸ்ரீ கற்பகாம்பாள் ஸமேத கபாலீஸ்வரர் கோயிலிற்கு சென்றோம். இரண்டு சன்னதிகளிலும் நல்ல தரிஸனம் கிடைத்தது. நேற்று அம்மனுக்கு ஏகதின லக்ஷார்ச்சனை பண்ணினார்கள். இதே போன்று, வெள்ளீஸ்வரர் கோயிலிலும் காமாக்ஷி அம்மனுக்கு ஏகதின லக்ஷார்ச்சனை நடைபெற்றது. இரண்டையும் சிறிது நேரம் பார்த்தோம்.

இவ்வாறாக, எங்கள் 41-ஆம் ஆண்டு கல்யாண நாள் பக்தியில் கழிந்தது; ஒரு சுகானுபவம்.

கற்பகாம்பாள் மெஸ்ஸில் டிஃபன் முடித்துக் கொண்டு வீடு திரும்பினோம்.

ராஜப்பா
1-2-2012
காலை 9 மணி

ஸ்ரீ மத் பாகவதம் 11 வது ஸ்கந்தம் - ஸ்ரீ வேளுக்குடி கிருஷ்ணன்

2012-01-29T09:00:00.000+05:30

11-வது ஸ்கந்தம் இன்று (17-11-2011) காலை துவங்கியது. இது 31 அத்தியாயங்கள் அடங்கியது.

இந்த 11-ஆம் ஸ்கந்தம் முதல் அத்தியாயத்தில் யது குலம் அழியப் போகிறது என்பதற்கான அறிகுறிகள் சொல்லப்படுகின்றன. குருக்ஷேத்திர யுத்தத்தில் பல பேரை அழித்த பகவான் ஸ்ரீகிருஷ்ணன், இப்போது கர்வமும் திமிரும் படைத்த தன்னுடைய யது குலத்தையே அழிக்க திருவுள்ளம் கொண்டார்.

யதுகுல சிறுவர்கள் எப்படி சாம்பா என்னும் சிறுவனை ஒரு பிள்ளைத்தாய்ச்சி பெண் போல நடிக்க வைத்து ரிஷிகளை ஏமாற்ற நினைத்தார்கள், விஸ்வாமித்ரா, அசிதா,கண்வா, துர்வாஸா, ப்ருகு, ஆங்கீரா, காஷ்யபா, வாமதேவா. அத்ரி, வஸிஷ்டா ஆகிய ரிஷிகள் கோபமடைந்து எப்படி ”ஒரு உலக்கையினால் உங்கள் யதுகுலமே நாசமாகும்,” என சபித்தார்கள், எப்படி உலக்கை யதுகுலத்தையும் ஸ்ரீகிருஷ்ணனையும் முடித்தது என்பதை முதல் அத்தியாயம் விளக்குகிறது [11:01]

11:02 நாரதர் வசுதேவருக்கு பாகவத தர்மத்தை விளக்குகிறார். விதேஹ நாட்டு மஹாராஜா நிமி ஒன்பது யோகேந்திரர்களிடம் “பாகவத தர்மத்தை” விளக்கிச் சொல்லுமாறு வேண்ட, ஒவ்வொரு ரிஷியாக தர்மத்தைப் பற்றி சொல்லுகிறார்கள்.

11:03 இதில் பகவானின் மாயா குறித்து விவரமாக மஹாராஜா நிமிக்கு சொல்லப்படுகிறது. கர்ம யோகமும் விளக்கப்படுகிறது.

11:04 பகவானின் பல்வேறு அவதாரங்கள் பற்றி சொல்லப்படுகிறது. ஹமஸா, தத்ராத்ரேயா, ஸனக குமாரர்கள், ரிஷபதேவா, ஹயக்ரீவா அவதாரங்கள் சொல்லப்ப்டுகின்றன.

வராஹனாக அவதரித்து ஹிரண்யாக்‌ஷனை அழித்தது; கூர்மனாக மந்தர மலையை தூக்கியது; நரஸிம்ஹனாக ஹிரண்யகஸிபுவை அழித்தது; வாமன ரூபத்தில் பலி மஹாராஜவை முடித்தது; பரஸுராமனாக் க்ஷத்திரயர்களை 21 முறை அழித்தது; ஸ்ரீராமனாக ராவணனை அழித்தது; ஸ்ரீகிருஷ்ணனாக கௌரவர்களையும் யதுகுலத்தையும் முடித்தது; இன்னும் புத்த மற்றும் கல்கி அவதாரங்களைப் பற்றியும் விவரமாக மஹாராஜா நிமிக்கு சொல்லப்படுகிறது.

11:05 நான்கு வருணங்கள் மற்றும் நான்கு யுகங்களில் பகவானின் விசேஷங்கள் விளக்கப்படுகின்றன. இத்துடன் வஸுதேவருக்கு நாரதர் சொன்னவை முடிவுறுகின்றன.

11வது ஸ்கந்தம் தொடரும்.

ராஜப்பா
29-01-2012
காலை 9 மணி

மெரீனா கடற்கரை (5) Marina Beach

2012-01-23T08:30:00.000+05:30

நேற்று மாலை (22-ஜனவரி) நாங்கள் மெரீனா கடற்கரை சென்றோம். திருவான்மியூரில் பஸ்ஸுக்காக 20-25 நிமிஷங்கள் காக்க வேண்டியிருந்தது. இங்கிருந்து திருவல்லிக்கேணி உழைப்பாளர் சிலை வரை பஸ் டிக்கெட் ரூ 13.00 . அங்கு இறங்கி நடக்க ஆரம்பித்தோம். சமீபத்தில் நெருப்புக்கு இரையான சேப்பாக் அரண்மனை - தற்போது ”எழிலகம்” - இருளில் மூழ்கியிருந்தது.

உழைப்பாளர் சிலை

மெரீனா கடற்கரை மிக ரம்மியமாக, அழகாக இருக்கிறது. ஒரு பக்கம் வங்கக்கடல், இன்னொரு பக்கம் 300 வருஷ தொன்மையான வரலாற்றுப் புகழ்பெற்ற கட்டிடங்கள். நடக்க பளபளக்கும் நடைபாதை. எங்கும் ஒளி வெள்ளம். ஓ, மெரீனாவின் அழகே தனிச் சிறப்புதான். அதுவும் நேற்று மெல்லிய குளிர் காற்று இதமாக வீசிக் கொண்டிருந்தது.

விவேகானந்தர் இல்லத்திற்கு (ICE HOUSE) எதிரில் 15 நிமிஷங்கள் அமர்ந்து ஆர்ப்பரிக்கும் அலைகளை ரசித்தோம். பின்னர் காந்திஜி சிலை நோக்கி நடந்தோம்.

VIVEKANANDAR ILLAM [ICE HOUSE]

இன்னும் 4 நாளில் வர இருக்கும் குடியரசு தின விழாவிற்காக காந்திஜி “எண்ணெய் தேய்த்து குளித்து” பளபள என ஜொலித்தார். விழாவிற்கான ஏற்பாடுகள் வேகமாக நடந்து கொண்டிருந்தன. “செந்தமிழ் நாடெனும் போதினிலே ...” பாட்டு எங்கும் ஒலித்துக் கொண்டிருந்தது.

ராணி மேரிக் கல்லூரி பஸ் நிறுத்தத்தில் பஸ் ஏறி வீடு திரும்பினோம். Queen Mary என எழுதுவதற்கு பதிலாக Queen MARRY" என பஸ் நிறுத்தத்தில் எழுதியிருக்கிறார்கள்.

Queen Mary's College

இரண்டு மணி நேரம் மிக இனிமையாக கழிந்தது.

ராஜப்பா
08:30 AM
23 Jan 2012

பொங்கல் - 2012

2012-01-16T11:33:00.000+05:30

இந்த 2012 ஆம் வருஷம் ஜனவரி 15 ஆம் ஞாயிற்றுக்கிழமை பொங்கல் பண்டிகை வந்தது. காலை 0840 முதல் 0940 வரை பொங்கல் பானை வைக்க சிறந்த நேரம் என்று படித்தேன். முதல் நாளே காய்கறிகளும், கரும்பும் (ஒரு ஜோடி வலை ரூ50), இஞ்சிக் கொத்து, மஞ்சள் கொத்தும், மாவிலையும் வாங்கி விட்டோம்.

பொங்கலன்று காலை கிருத்திகாவும், விஜயாவும் எல்லாவற்றையும் தயார் பண்ணி, மொட்டை மாடிக்கு எடுத்துச் சென்றோம். அதிதி புது பாவாடையில் ஜொலித்தாள்; நிறைய வேலைகள் ஓடி ஓடி செய்தாள். 1115க்கு விஜயா கற்பூரம் ஏற்றினாள். சக்கரைப்பொங்கல், வெண்பொங்கல், வடை ஆகியவை நிவேதனம் செய்யப்ப்ட்டன.

முதல் நாள் (சனிக்கிழமை) போகியையும் சிறப்பாக கொண்டாடினோம். அன்று பால் போளி, வடை பண்ணினோம்.

புது, சொந்த வீட்டில் நடக்கும் முதல் பொங்கல் இது.

ராஜப்பா
11:30 காலை
16-01-2012

பஞ்ச ரதன கீர்த்தனைகள்.

2012-01-13T11:00:00.000+05:30

மார்கழி மாசம் கிருஷ்ண பக்ஷம் பஞ்சமி திதியில் ஸ்ரீதியாகராஜ ஸ்வாமிகள் அவதரித்தார். கர்னாடக சங்கீதத்தின் மும்மூர்த்திகளில் முதல்வரான இவரது ஜன்ம திதியன்று ஒவ்வொரு வருஷமும் கும்பகோணம் அருகில் உள்ள திருவையாறு புண்ணிய ஸ்தலத்தில் - இவரது ஸமாதியில் - நூற்றுக்கணக்கான இசைக் கலைஞர்கள் கூடி இவர் இயற்றிய “பஞ்ச ரதன கீர்த்தனைகளை” ஓர் குரலில் பக்தியோடு பாடுகிறார்கள்.

இந்த வருஷம் (2012) 13-ஜனவரி-2012 வெள்ளிக்கிழமை இன்று காலை 8-30 மணிக்கு ஆராதனை துவங்கியது. பொதிகை டீவியில் நேரடி ஒளிபரப்பு.

"ஜகதானந்த காரக ஜய ஜானகீ ப்ராண நாயக" என்ற ஸ்ரீராமரைக் குறித்த பாட்டோடு. ஆராதனை ஆரம்பித்தது.

அடுத்து 2-வதாக - "துடுகு கல நன்னேதொர கொடுகுட்ரோசுரா எந்தோ" என்ற கீர்த்தனை. இதுவும் ஸ்ரீராமரை வேண்டும் பாடல்

”ஸாதிஞ்செனே ஓ மனஸா - போதிஞ்சின ஸன் மார்க்க வசனமுல பொங்கு ஜேஸிதா பட்டின பட்டு" என்பது மூன்றாவது. இதுவும் ஸ்ரீராமரை வேண்டிக் கொள்ளும் பாடல்தான்.

4-வது - "கன கன ருசிரா கனக வஸன நின்னு - தின தின முனு மனஸூன சனுவுன நின்னு" என்று ஆரம்பிப்பது. "அனுதினமும் என் மனதில் அன்பு பெருகி உன்னைக் காணக்காண ருசி அதிகரிக்கிறது". "தளதளமனு முககன கலிகின ஸீத குலுகுசுனோர கன்னுலனு சூஸே நின்னு" (தளதள வென்று முகப்பொலிவு படைத்த ஸீதை, ஒய்யாரத்துடன் தன் கடைக்கண்ணால் பார்க்கும் உன்னைக் காணக்காண ருசி பெருகிறது.)

உனது திருவுருவத்தையும், நாமத்தின் வைபவத்தையும், பராக்ரமத்தையும், தைரியத்தையும், , சாந்தம் குடிகொண்ட மனத்தையும், பொய்யாமொழியையும் சேவித்து, உன்னிடத்தில் பக்தி பெருகாமற் செய்யும் துர்மதங்களை அழிக்கும் உன் மனதை அறிந்து, அனவரதமும் உன் கல்யாண குணங்களை ஆனந்தமாக ஸங்கீர்த்தனம் செய்யும் "எந்தரோ மஹானுபாவுலு அந்தரிகி வந்தனமு" - இது ஐந்தாவதும் கடைசியுமான கீர்த்தனை.

ஒன்றரை மணி நேரம் ஸ்ரீராமனின் கல்யாண குணங்களை கேட்டு, பக்தியில் நனைந்தோம்.

ராஜப்பா
11:10 காலை
13-01-2012

Vaikunta Ekadasi

2012-01-06T11:31:00.003+05:30

ஸ்ரீமஹாவிஷ்ணுவை ஆராதிக்க மிகச்சிறந்த நாள் ஏகாதசி. ஒவ்வொரு வருஷத்தி்லும் 25 ஏகாதசிகள் உள்ளன; இவற்றில் மார்கழி மாசம் சுக்ல பக்ஷத்தில் வரும் ஏகாதசிதான் "வைகுண்ட ஏகாதசி" என அழைக்கப்படுகிறது. இன்று உபவாஸம் இருந்து நியமத்துடன் ஸ்ரீமஹாவிஷ்ணுவை பூஜிப்பவருக்கு இம்மையில் வைகுண்டத்தைப் போன்ற சுகமும், வாழ்க்கையின் இறுதியில் ஸ்ரீவைகுண்டமும் கிடைக்கும் என்பதால் இது "வைகுண்ட ஏகாதசி" எனப்படுகிறது.
நேற்று (05 ஜன 2012) வியாழன் விடிகாலையில் - பல பெருமாள் கோயில்களில், முக்கியமாக ஸ்ரீரங்கம் மற்றும் திருவல்லிக்கேணி கோயில்களில் வைகுண்ட ஏகாதசி (சொர்க்க வாசல் திறப்பு) வெகு விமரிசையாக நடந்தது.

ஸ்ரீஆதிகேசவ பெருமாள் - மயூரவல்லித் தாயார்

மயிலாப்பூர் ஸ்ரீ ஆதிகேசவ பெருமாள் கோயிலுக்கு விடியற்காலம் 4 மணிக்கு சென்று, விஜயா பெருமாளைத் தரிசித்து வந்தாள்; மாதவனை தரிசிப்பதாகத்தான் முதலில் இருந்தது; பின்னர் கேசவன் என ஆயிற்று. நல்ல கூட்டம் எனச் சொன்னாள்.

எதிர்வீட்டு உமா மாமி, மாமா, TSG மாமா, மாமி ஆகியோரும் சென்றனர். வந்த எல்லா பக்தர்களுக்கும் THE HINDU சார்பில் ஒரு HINDU பேப்பரும் அதனுடன் “வைகுண்ட ஏகாதசி” என்ற தலைப்பில் ஸ்ரீ வேளுக்குடி கிருஷ்ணன் அவர்கள் ஆற்றிய உபன்யாஸம் DVDயும் இலவசமாக வழங்கப் பட்டன. அவரது சொற்பொழிவு மிக அருமையாக உள்ளது (வழக்கம் போல).

ராஜப்பா
06-01-2012
11:30 காலை

Vegetables Analysis

2011-12-31T09:30:00.000+05:30

நாங்கள் வாங்கும் காய்கறிகளை வரிசைப்படுத்தி நான் ஜூலை 2011-ல் ஒரு அட்டவணை போட்டு அலச ஆரம்பித்தேன். மொத்தம் 51 விதமான் காய்கறிகள் (கீரைகளையும் சேர்த்து)

காய்களின் விவரம் --

முளைக்கீரை, மணத்தக்காளி கீரை, அரைக்கீரை, கொத்தமல்லி, புதினா, பாலக், வெந்தயக்கீரை, கீரைத்தண்டு (8)

தக்காளிப்பழம், உருளைக்கிழங்கு, காரட், வெங்காயம், சின்ன வெங்காயம், எலுமிச்சம்பழம், பூண்டு (7);

கொத்தவரங்காய், புடலங்காய், முட்டைக்கோஸ், பீன்ஸ், பீட்ரூட், காலிஃப்ளவர்,சின்ன உருளைக்கிழங்கு; கோவைக்காய்;(8)

கத்தரிக்காய், வெண்டைக்காய், குடைமிளகாய், அவரைக்காய், முள்ளங்கி, பாகற்காய், நூல்கோல், மிதிபாகற்காய்; (8)

முருங்கைக்காய், பச்சைப் பட்டாணி, சௌசௌ, பரங்கிக்காய், பூசணிக்காய், பீர்க்கங்காய், சுரைக்காய், சுண்டைக்காய் (8)

வாழைக்காய், வாழைத்தண்டு, வாழைப்பூ; (3)

சேனைக்கிழங்கு, சேப்பங்கிழங்கு, கருணைக்கிழங்கு, சக்கரை வள்ளிக்கிழங்கு; (4)

வெள்ளரிக்காய்,கொட்டைவகைகள், வேர்க்கடலை, சோளம், காராமணி (5)

இவற்றில் எதை அதிக முறை வாங்கினோம் என அலசியதில், கீழ்க்கணட விவரங்கள் பதிந்தன:-

ஜூலை 2011_ல் அதிகம் வாங்கியவை.
முளைக்கீரை, மணத்தக்காளி கீரை, புதினா

உருளைக்கிழங்கு, முருங்கைக்காய், வெங்காயம், தக்காளிப் பழம், காரட்

14 முறை மார்க்கெட்டுக்கு சென்றேன்; 73 காய்கறிகளை வாங்கினேன் ரூ. 780.00

ஆகஸ்ட் 2011

முளைக்கீரை, புதினா, பசலைக்கீரை

கொத்தவரங்காய், காரட், உருளைக்கிழங்கு, தக்காளி, வெண்டை, கத்தரிக்காய்

11 முறை; 73 காய்கறிகள்; ரூ. 759.00

செப்டம்பர் 2011

முளைக்கீரை, மணத்தக்காளி, புதினா

தக்காளி, காரட், உருளைக்கிழங்கு, வெண்டை, வாழைக்காய், முள்ளங்கி

10 முறை; 68 காய்கறிகள்; ரூ 672.00

அக்டோபர் 2011

முளைக்கீரை, புதினா, மணத்தக்காளி கீரை

உருளைக்கிழங்கு, காரட், தக்காளி, முருங்கை, பூசணிக்காய்

8 முறை; 62 காய்கறிகள்; ரூ. 748.00

நவம்பர் 2011

மணத்தக்காளி கீரை, புதினா, முளைக்கீரை

காரட், தக்காளி, வெங்காயம், குடைமிளகாய்

9 முறை; 63 காய்கறிகள்; ரூ. 866.00

டிசம்பர் 2011.

கொத்தமல்லி, முளைக்கீரை, மணத்தக்காளி கீரை

பச்சைப் பட்டாணி, தக்காளி, காரட், முள்ளங்கி, வெங்காயம்

9 முறை; 73 காய்கறிகள்; ரூ. 817.00

2012 தொடரும்.

ராஜப்பா

09:30
31-12-2011

Marghazhi 2011 மார்கழி மாசம்

2011-12-18T07:30:00.000+05:30

நேற்று மார்கழி மாசம் பிறந்தது. விடியற்காலம் எழுந்து, பச்சைத் தண்ணீரில் குளித்து, தோய்த்து உலர்த்திய ஆடைகளை உடுத்திக் கொண்டு திருப்பாவை, திருவெம்பாவை பாடிய பின்னர், அருகிலுள்ள கோயிலுக்குச் சென்று ஸ்வாமியை தரிசிக்க ஆரம்பித்து விட்டேன். இன்று [18-12-2011]காலை அருகிலுள்ள ஸ்ரீ விநாயகர் கோயிலுக்கும், பிறகு ஸ்ரீ மருந்தீஸ்வரர் கோயிலுக்கும் சென்று வந்தேன்.

ராஜப்பா
18-12-2011
7-45 காலை.

சபரி மோக்ஷம் - விஷாகா ஹரி

2011-12-16T08:30:00.000+05:30

சென்னை, செட்டிநாடு வித்யாஷ்ரம் ஸ்கூலில், குமாரராஜா முத்தையா ஹாலில் ஒவ்வொரு வருஷமும் JAYA TV நடத்தும் “மார்கழி மஹோத்ஸவம்” டிசம்பர் 1 ஆம் தேதி துவங்கி, 15 ஆம் தேதி முடிவடையும். ஒவ்வொரு வருஷமும் கடைசி நாளான டிச 15 ஸ்ரீமதி விஷாகா ஹரிக்கு ஒதுக்கப்பட்டுள்ளது. பல வருஷங்களாக விஷாகாவின் கதா காலக்ஷேபத்துடன் இந்த விழா முற்றுப் பெறுகிறது. போன வருஷம் (டிச 2010) “ஸ்ரீகிருஷ்ண லீலா” நடந்தது. (படிக்க)

ஸௌம்யா, அதிதி போன்ற குழந்தைகளுக்கு ராமாயணம் கதை சொல்லும்போது, “ஸ்ரீராமருக்கு பழம் கொடுத்தாள்,” என சபரியைப் பற்றி கூறுவேன்; அத்தோடு சபரியின் பங்கு முடிந்தது.

நேற்று (15-12-2011) செட்டிநாடு வித்யாஷ்ரம் குமாரராஜா முத்தையா அரங்கில் உபன்யாஸம் செய்த ஸ்ரீமதி விஷாகா ஹரி அப்படி நினைக்கவில்லை; இரண்டு மணி நேரம் போனதே தெரியாமல், அவர் தனது இனிமையான குரலில் சபரியைப் பற்றி நாம் அறிந்திராத பல விஷயங்களை பாடல்கள், கதைகள் மூலம் சொன்னார். விஷாகாவின் நேற்றைய “சபரி மோக்ஷம்” மிக அற்புதமாக, தெய்வீகமாக இருந்தது.

சபரர் என்னும் ஆதிவாசி இனத்தில் மலைவாழ் பெண்ணாகப் பிறந்த சபரி, தன் தாயால் புறக்கணிக்கப்பட்டு, அநாதையாக, மனித தொடர்பே இல்லாத ஒரு ஜடமாக இருந்து வந்தாள். பச்சை மாமிஸத்தை உட்கொண்டு, ஒருவிதமான குறிக்கோளும் இல்லாத சிறுமியாக இருந்த இவள் ஒருமுறை பம்பா நதி தீரத்திற்கு வந்தாள். அங்குதான் மாற்றங்கள் நிகழ்ந்தன. உலகின் அழகுகளை, இயற்கையை ரசிக்க அவளுக்கு ஆர்வம் தோன்றியது.; மாமிஸம் சாப்பிடுவதை நிறுத்தி, காய் கனிகளை மட்டுமே சாப்பிட ஆரம்பித்தாள். ஸ்ரீ மதங்கர் என்னும் மஹரிஷி அங்கு இருந்தார்.

அவருக்குத் தெரியாமலேயே சபரி அவரது ஆஷ்ரமத்திற்கு தேவையான பணிகளை செய்ய தொடங்கினாள். இது ரிஷி முனிவருக்குத் தெரிய வந்ததும், அவளை அன்போடு அருகில் அழைத்து, ஞானத்தை சொல்லிக் கொடுக்க ஆரம்பித்தார். விரைவிலேயே அவளது குரு பக்தியினால் சபரி பகவான் குறித்த பல விஷயங்களைப் பற்றி அறிந்துகொண்டாள். வயதும் கூடி, அவள் கிழவியானாள். ஸ்ரீவைகுண்டம் போக ரிஷிக்கு சமயம் வந்தபோது, சபரியை அழைத்து, “ஸ்ரீராம, ராம, ராம” என்னும் தாரக மந்திரத்தை சொல்லிக்கொடுத்தார்.

ராம, ராம, ராம என்னும் நாமாவை காலையோ, பகலோ, மாலையோ, இரவோ,எப்போது வேண்டுமானாலும், எங்கே வேண்டுமானாலும், ஒன்றோ, பத்தோ, லக்ஷமோ, எத்தனை முறையானாலும், படுத்துக் கொண்டோ, உட்கார்ந்தோ, நின்று கொண்டோ எப்படியானாலும் சொல்லலாம். ராம என்னும் இரண்டெழுத்தினால் நன்மையும் செல்வமும் வரும், தின்மையும் பாவமும் அகலும்.

”ஸ்ரீராமர் உன்னைத் தேடி வருவார்,” என சபரியிடம் சொல்லி விட்டு ரிஷி வைகுண்டம் ஏகினார். எப்போது வருவார் என சொல்லவில்லை. அன்றுமுதல் தினம் தினம் புதுசு புதிசாக பழங்கள் பறித்து வந்து, ராமரின் வருகையை எதிர்பார்த்துக் கொண்டேயிருந்தாள். ஒரு நாள் இல்லை, இரண்டு நாள் இல்லை, ஒரு மாசம் இரண்டு மாசம் இல்லை, பன்னிரண்டு (12) வருஷங்கள் காத்திருந்தாள். தன்னுடைய குருவின் வார்த்தை என்றும் பொய்க்காது என்னும் அசையாத நம்பிக்கை அவளுக்கு. ராமரும் வந்தார், லக்ஷ்மணனோடு.

பகவானை நேரில் தரிஸித்ததும், சபரிக்கு பேச்சே எழவில்லை. மௌனியாக, பக்தி பரவஸத்தோடும், அன்பு மேலீட்டாலும் சபரி ராமருக்கு பழங்களை தந்தாள். ஸ்ரீராம பிரானும் அந்த எளியவளின் சிறிய குடிசையில் கீழே தரையில் அமர்ந்து, அவள் அளித்த பழங்களை சாப்பிட்டார். சபரியின் கையால் கனிகளை உண்டபின்பு, இராமர் கூறுவதாக துளசிதாசர் வர்ணிப்பதாவது: “என் அரண்மனை, குருகுலவாசம் புரிந்த ஆசிரமம், நண்பர்களின் இல்லம், ஜனக மகாராஜாவின் மாளிகை இங்கெல்லாம் விருந்து உண்டிருக்கிறேன். ஆனால் சபரி அளித்த கனிகளின் சுவைக்கு எதுவும் இணையில்லை.” என்று இராமர் கூறினாராம்.

பகவானை பார்த்துக் கொண்டே, அவரை சாக்ஷியாக வைத்துக் கொண்டு, சபரி முக்தியடைந்தாள். பூதவுடல் அக்னியில் மறைந்த பின்பு சபரி, மிகவும் பிரகாசமான திவ்ய வடிவுடன் அக்னியிலிருந்து வெளியேறினாள். அவள் மேனியில் ஆபரணங்கள் ஜொலித்தன. மாலைகள் அணிந்து, சந்தனம் பூசியிருந்தாள். அழகான உடையணிந்து மின்னலைப் போல, பரமபதத்தை அடைந்தாள். அங்கே தன் ஆசார்யர்களாக விளங்கும் புண்ணியாத்மாக்களுக்கு என்றென்றும் சேவை புரிவதற்காகவே சபரி அழிவற்ற புண்ணியலோகம் சென்றாள்.

மணி 8-30, விஷாகா ஹரியும் தன் இனிய உபன்யாஸத்தை முடித்தார். ஹிந்தி, மராத்தி, கன்னடம், மலையாளம், என பல மொழிகளிலும் ஸ்ரீராமர் குறித்த பாடல்களை பாடினார். தியாகய்யர் விசேஷமாக பரிமளித்தார். சுகானுபவம். அரங்கில் இருந்த 2500 பேரும் பக்தியில் மூழ்கினர், நேரம் போவதே தெரியாமல்.

வீடு திரும்பும்போது, பஸ்ஸில் என் பக்கத்தில் உட்கார்ந்திருந்தவர் திடீரென, “நீங்கள் விஷாகா ஹரியை கேட்க வந்தீர்களா?” எனக் கேட்டார். ஆமாம் என்றேன். தான் 25 கிமீட்டருக்கும் அதிகமான தூரத்திலிருந்து வருவதாகவும், இன்னும் இரண்டு பஸ் மாறி வீடு போகவேண்டும் என்று சொன்னார். விஷாகா ஹரியின் சக்தி அது, அவரது இன்னிசை, உபன்யாஸம் செய்யும் நேர்த்தி இவற்றின் ஈர்ப்பு!

ராஜப்பா
08:45 காலை
16-12-2011

Back to School - After 46 years - The DAY

2011-12-08T09:33:00.001+05:30

It was in the air for many weeks; I wrote about it in October 2011. The momentum gathered fast when the HINDU met 5 at Vadapalani and published the meet with a large photo. [read]

The day was Sunday, the 4th Dec 2011. Vijaya got up by 4-30 AM and left house by 5-45. Arun dropped her at TNagar bus terminus. Boarded the bus at 0610 for Kanchipuram and she reached there by 8-15. Arrived in Sri Kamakshi Amman Koil and waited.

Ladies of the 1965-class of Somasundara Kanya Vidyalaya (SSKV) Kanchipuram started arriving, and the next 30 minutes saw over 40 assembling. A few had seen the HINDU article and joined the group. After darshan of the Amman, and an archanai later, they ambled to their old alma mater nearby.

It was an emotional meet, seeing one another after 46 years, not able to recognise anyone at the first sight. Time had transformed everyone, from bubbly, bouncing and beautiful young lasses of 16 and 17 years, to matured, grown-up and withered grandmothers of 62 and 63 years. Indeed, there was a passenger in the bus sitting opposite to Vijaya during her trip to Kanchipuram earlier this morning - and it turned out later in the Koil that the stranger, Mrs Nagalakshmi, was one of Vijaya's closest friends in class XI in 1965! They couldn't recognise each other in the bus!! [We went to Mrs Nagalakshmi's house at Mylapore on 6th Dec, details here]

Everyone started sharing info on their lives, chattered and talked about their granddaughters and grandsons etc etc. Shared their addresses, phone numbers and updated their profile. There was one great-grandmother in the assembly to the surprise of all.

The school hall was kept opened for this Meet with the School Principal, Mrs BHAMA, and Correspondent, Mr CK RAMAN attending. Mrs CLARA who taught this class in 1965 had been specially invited; she attended it alongwith a couple of present teachers.

The programme started with the Gita Chanting by Mrs Devasundari, Mrs Anuradha, Mrs Chandrika, and Mrs Vijaya Narayanan. It was followed by a Prayer song by Mrs Mahalakshmi and she also welcomed the gathering.

A huge cake was cut by Mrs Clara. Felicitations followed. Their old teacher Clara was presented with a silk sari and the Principal, the Correspondent, and the present teachers were presented with shawls.

Mrs Devasundari had written a kavithai for this special occasion and it was read out. Mrs Vijaya addressed the gathering. Two sang bhakti paadalgal. The correspondent then spoke words of praise for this effort. SSKV school management gave momentos [Sri Kamakshi Amman portrait] to all the assembled old-students.

Momentos [small brass lamps] were given to all, from their own contribution. Money was collected as donation to the school Fund. Group-photo was taken.

Lunch was from Sangeetha Hotels. After tea, snacks in the evening at Mrs Geetha's house, the assembly dispersed. Vijaya returned home by 8-30PM.

It was an amazing get-together, amazing because of the huge time lapse -- 46 years, from their school days. Without email IDs, Facebook or Twitter accounts - most of these ladies are not computer-savvy, how could they organise such a huge meet, that too within a short time? Quite remarkable.

rajappa
09:30 AM
8 Dec 2011
*** Lalitha, Indira, Akila, Jyotsna also went to Kanchipuram.

மயிலாப்பூரில் இன்று ...

2011-12-07T08:32:00.001+05:30

இன்று (06 டிசம்பர் 2011) மாலை நானும் விஜயாவும் மயிலாப்பூர் சென்றோம். பஸ் கட்டண உயர்விற்குப் பின்னர் நாங்கள் மயிலாப்பூருக்குச் செல்வது இதுவே முதல் முறை. பஸ் டிக்கெட் ரூ 13.00 ஆக உயர்ந்துள்ளது. இருவர் போய்விட்டு வர ரூ 52.00 ஆகிவிடுகிறது.

மயிலாப்பூரில் முதலில் வடக்குமாட வீதி வழியாக கடைகளை வேடிக்கை பார்த்துக் கொண்டே, ஸ்ரீ கபாலீஸ்வரர் கோயிலுக்குப் போனோம். கோயிலுக்குச் சென்று ஒரு மாசத்திற்கும் மேலாகிவிட்டது. கோயிலில் நல்ல கூட்டம். இருப்பினும், ஸ்ரீ கற்பகாம்பாளையும், ஸ்ரீ கபாலீஸ்வரரையும் நன்றாக, கண்குளிர திருப்தியாக தரிஸனம் செய்தோம். இந்தக் கோயிலில் கிடைக்கும் மனநிம்மதி வேறு எங்கும் கிடைப்பதில்லை. மயிலாப்பூருக்கு இணை கிடையாது.

பின்னர் கிரி டிரேடர்ஸுக்கும், மாமி மெஸ்ஸுக்கும் சென்றோம். தெற்கு மாடவீதியில் நுழைந்து சில சாமான்களை வாங்கினோம். பஸ் பிடிக்க போய்க் கொண்டிருக்கும் போது, விஜயாவிற்கு திடீரென தனது 1965-வகுப்பு தோழி (வயது 66) நாகலக்ஷ்மியின் நினைவு வந்தது. சென்ற ஞாயிற்றுக்கிழமை இந்த 1965-வகுப்பு “ஸோமஸுந்த்ர கன்யா வித்யாலயா” மாணவிகள் பலர் 40க்கும் மேல் காஞ்சிபுரத்தில் தங்கள் பழைய பள்ளிக்கூடத்தில் சந்தித்தது குறித்து ஏற்கனவே எழுதியுள்ளேன்.

இந்த சந்திப்புக்காக விஜயா பஸ்ஸில் சென்று கொண்டிருந்த போது அவள் எதிரில் இன்னொரு 66 வயது பெண்மணியும் பயணித்தார். ஒன்றும் பேசிக்கொள்ளாமலேயே சென்ற அவர்கள் மீண்டும் காமாக்ஷி அம்மன் கோயிலில் சந்தித்துக் கொண்டனர். அப்போதுதான் தெரிந்தது - அந்தப் பெண்மணியும் விஜயாவும் 1965-வகுப்பு தோழிகள் என! இருவரும் மகிழ்ச்சியிலும், வியப்பிலும் ஆழ்ந்தனர். அவர் பெயர் நாகலக்ஷ்மி; மயிலாப்பூரில் வசிக்கிறார். அதுவும் தெற்கு மாடவீதியின் அருகிலேயே!

இவரது மகன் தெற்கு மாட வீதியில் பூஜை சாமான்கள் மற்றும் பலவகை வடாம், வத்தல், ஊறுகாய் போன்றவைகளை விற்பனை செய்கிறார். இந்தக் கடையில் நாங்கள் பல தடவை சாமான் வாங்கியிருக்கிறோம். இவரிடம் வீடு செல்ல வழி கேட்டுக்கொண்டு, நாகலக்ஷ்மியின் வீட்டிற்கு சென்றோம். நாங்கள் அங்கு போனதில் அவருக்கு ஒரே ஆச்சரியம், மகிழ்ச்சி.

இவருக்கு இரண்டு பிள்ளைகள், ஒரு பெண். கணவர் இறந்துவிட்டார். பார்ப்பதற்கு மிகவும் வயதானவராக காணப்படுகிறார். வடாம், மாகாளிக்கிழங்கு ஊறுகாய், ஒரு புடைவை ஆகியவற்றைக் கொடுத்தார். அரைமணி நேரம் அங்கு இருந்து அவரது பெண், நாட்டுப்பெண், பேரன் ஆகியோரை பார்த்துப் பேசினோம். எல்லாருக்கும் மிகவும் சந்தோஷம்.

46 வருஷங்களுக்குப் பிறகு இன்று சந்தித்தது மிக வியப்பான விஷயம் தான்.

ராஜப்பா
07-12-2011
காலை 0830 மணி

Back to School - After 46 years.

2011-12-02T08:33:00.001+05:30

Forty students of SSKV School in Kancheepuram will meet after 46 years on December 4 at their alma mater

It's a meeting with a few women from a 40-member group that has planned a reunion after 46 years at their alma mater, Somasundara Kanya Vidyalaya (SSKV) in Kancheepuram, and I arrive 15 minutes late.

It's obvious I was not missed. Five grey-haired women, draped in saris, sit misty-eyed recollecting memories. Shanthi shakes her head in disbelief, as she tells V.S. Manonmani, “It's incredible I failed to recognise you — one of my best buddies!”

Like a stump sprouting to life at the touch of water, faded memories return powerfully as they discuss their teachers, rivalries and pastimes at SSKV. Y. Vijaya reminds Ambika about their close competition in academics. “Often, just half a mark would separate us,” recalls Vijaya. Ambika nods in agreement. When Shanthi remembers their principal Yashoda Bai, her friends mention the admirable qualities the lady had. “Our SSLC exams were postponed by two months, due to the anti-Hindi agitation,” says Devasundari. “Yes, the 1965 anti-Hindi agitation was intense in Kancheepuram,” adds Shanthi.

This meeting — at Ambika's house in Vadapalani — has turned out to a beautiful prelude to the grand get-together on December 4 in Kancheepuram. “We'll spend the day — from 8.30 a.m. to 5 p.m. — at SSKV chatting all the way. Forty-six years is a long separation and we have a lot of catching up to do,” says Devasundari, who master-minded this reunion, which brings together 35 students from the 1965 batch and five from the 1966 batch.

The plan for the get-together took shape in an extraordinary way. “Around two months ago, my mother's obituary in a newspaper enabled a classmate, K.S. Prema from Vellore, to get in touch with me. Through her, I contacted a few other friends,” says Devasundari, who lives in Bangalore.

The ground work for the reunion was done by Mallikeswari — a classmate who lives in Kancheepuram — and her husband. With Mallikeswari and three others, Devasundari approached the school authorities to seek permission for the programme. “They were greatly impressed with our initiative,” she says.

The children of these women are surprised that their mothers — most of them stay-at-home — are taking the trouble to meet their school friends. The beauty of the effort lies in the fact that 99 per cent of them are not Net-savvy and are not present on online social media. Phone numbers had to be collected.

“As we were out of touch all these years, the task was not easy,” says Vijaya. “In the past, landlines alone enabled people to stay in touch over long distances. But some families did not have them.” A Tamil poem commemorating the reunion, penned by Devasundari, sums it up: “Like Eliza in My Fair Lady, we were limited by our circumstances. After fulfilling our responsibility to help the younger generation on to its feet, we are now free to meet and share the wonderful years we have walked through.”

Rajappa
0830 AM
02 Dec 2011

*** Prince Frederick, correspondent
**** The HINDU, Chennai Metroplus, Friday, 02 Dec 2011

ஸ்ரீமத் பாகவதம் 10 வது ஸ்கந்தம் - பகுதி 3 - ஸ்ரீ வேளுக்குடி கிருஷ்ணன்

2011-11-17T10:31:00.001+05:30

10வது ஸ்கந்தம் - பகுதி 3

வேளுக்குடி ஸ்ரீ கிருஷ்ணன் ஸ்வாமிகள் பாகவதத்தின் 10-வது ஸ்கந்தத்தை 25-03-2011 அன்று ஆரம்பித்தார். இந்த ஸ்கந்தத்தில் கண்ணனின் பிறப்பும், வளர்ப்பும், முடிவும் விஸ்தாரமாக சொல்லப்பட்டுள்ளன. இந்த ஸ்கந்தம் மிக நீளமானதால் (மொத்தம் 90 அத்தியாயங்கள் உள்ளன) இதை நான் மூன்று பகுதியாக பிரித்து எழுதுகிறேன். இது 3-வது பகுதி.

ஜராசந்தன் வதம் : ஸ்ரீகிருஷ்ணன் இந்திரப்ப்ரஸ்தம் சென்று பாண்டவர்களுடன் இருந்தார். ஜராசந்தனை அழிக்க பீமனை கருவியாக்கிக் கொண்டு, பீமன் மூலம் ஜராசந்தனை அழித்தார். (10:72)

பாண்டவர்கள் (தர்மபுத்திரர்) செய்த ராஜஸுய யாகத்தில் முதல் நமஸ்காரம் ஸ்ரீகிருஷ்ணனுக்குத் தான் செய்ய வேண்டும் என பாண்டவர்கள் விரும்பினார்கள்; ஆனால், சிசுபாலன் இதை எதிர்த்தான்.(10:73)

ராஜஸுய யாகம் இங்கு நன்கு விளக்கி சொல்லப்படுகிறது. பாண்டவர்களின் அரண்மனையில் புகுந்த துரியோதனன் தண்ணீர் இல்லாத இடத்தில் தண்ணீர் இருப்பதாக நினைத்து நடந்ததையும், தண்ணீர் இருந்த இடத்தில் இல்லையென்று எண்ணி, வழுக்கி விழுந்ததையும் பார்த்து பீமன், திரௌபதி முதலானோர் அவனை பார்த்து சிரித்தனர். (10:75)

சால்வா என்ற அசுரனை முடித்தது (10:76 10:77) சால்வனின் தோழனான தண்டவக்ரா என்னும் அசுரனையும், இந்த அசுரனின் தம்பியான விதூரதா என்பவனையும் அழித்தது (10:78)

குசேலோபாக்கியானம் : ஸ்ரீகிருஷ்ணனின் பால்ய தோழனான சுதாமா த்வாரகாவிற்கு வந்தது (10:80), சுதாமாவிற்கு பல பரிசுகள் அளித்தது (10:81)

திரௌபதி த்வாரகா வந்து ஸ்ரீகிருஷ்ணனின் பல பத்தினிகளை சந்தித்து பேசியது, ஒவ்வொரு மனைவியும் தாங்கள் எப்படி பகவானை மணம் புரிந்தது என விளக்கியது (10:83)

வஸுதேவர் - தேவகிக்கு பிறந்து கமஸனால் கொல்லப்பட்ட ஏழு குழந்தைகளை கண்ணன் உயிர்ப்பித்து, தேவகியிடம் அளித்தது. இந்த குழந்தைகள் மஹாபலி சக்கரவர்த்தியிடம் “சுதலா” என்னும் பாதாள லோகத்தில் இருந்தார்கள் (10:85)

சுபத்ரா கல்யாணம் : பலதேவரின் தங்கையான சுபத்ராவை அர்ஜுனன் கவர்ந்து வந்து திருமணம் செய்து கொண்டது (10:86)

ஸ்ரீமன் நாராயணனின் நாமாக்களை சொல்லும் வேதங்கள் பற்றியது (10:87) இது ஸ்ருதி கீதை என புகழ்பெற்றது. இந்த அத்தியாயத்தை (10:87) ஸ்ரீகிருஷ்ணன் ஸ்வாமிகள் நிறைய நாட்கள் சொன்னார்; மிக பொறுமையாக விளக்கினார்.

ஸ்ரீகிருஷ்ணனின் வம்ஸத்தை மீண்டும் ஒருமுறை சொல்லி விட்டு (10:90), ஸ்ரீமத் பாகவதத்தின் மிக முக்கியமான ஸ்கந்தமான் 10 வது ஸ்கந்தம் நிறைவு பெறுகிறது.

10 வது ஸ்கந்தம் எட்டு மாஸங்களுக்கு பிறகு இன்று 17-11-2011 நிறைவு பெற்றது; 11 வது ஸ்கந்தம் துவங்கியது. [இன்று 525வது நாள்]

ராஜப்பா
17-11-2011
10:30 காலை

பொதிகை டீவியில் திங்கள் முதல் வெள்ளி வரை காலை 6-30க்கு ஸ்ரீமத் பாகவதம் ஒளிபரப்பாகிறது. 2009 நவம்பர் 9-ஆம் தேதியன்று துவங்கியது. இன்று 525 வது பகுதி ஒளிபரப்பாகியது.

ஸ்ரீமத் பாகவதம் 10 வது ஸ்கந்தம் - பகுதி 2 - ஸ்ரீ வேளுக்குடி கிருஷ்ணன்

2011-11-17T10:00:00.000+05:30

10 வது ஸ்கந்தம் பகுதி 2

வேளுக்குடி ஸ்ரீ கிருஷ்ணன் ஸ்வாமிகள் பாகவதத்தின் 10-வது ஸ்கந்தத்தை 25-03-2011 அன்று ஆரம்பித்தார். இந்த ஸ்கந்தத்தில் கண்ணனின் பிறப்பும், வளர்ப்பும், முடிவும் விஸ்தாரமாக சொல்லப்பட்டுள்ளன.

மறுநாள் காலை கம்ஸனுடைய அரண்மனை சென்றபோது அங்கிருந்த குவலயாபீடம் என்னும் பெருத்த யானையை வீசி எறிந்து முடித்தான். பின்னர் 5 மாமல்லர்களையும் அழித்து முடித்தான். (10:43)

கம்ஸவதம் : முதலில் சனூரா என்ற அசுரனுக்கும் கண்ணனுக்கும் மாபெரும் மல்யுத்தம் நடந்தது. பலராமன் முஷ்டிகா என்ற அசுரனுடன் போரிட்டார். ஸ்ரீகிருஷ்ணன் சனூராவை அழித்து முடித்தார். சனூரா,முஷ்டிகா, குதா,சாலா, டோசாலா என்னும் பல அசுரர்கள் மாண்டார்கள். கடைசியில், கம்ஸனும் மாண்டான். (10:44)

ஸ்ரீகிருஷ்ணன் தன் தாய் தகப்பனாரை சிறையில் இருந்து விடுவித்து, உக்ரஸேனரை மீண்டும் மஹாராஜாவாக்கினார் (10:45)

கண்ணன் திரும்ப வராததால் மிகுந்த சோகத்தில் இருந்த நந்தனையும், யசோதாவையும் ஆறுதல் கூறி தேற்றுமாறு உத்தவரை வ்ரஜா பூமிக்கு அனுப்பினார். அவரும் அவ்வாறே செய்தார் (10:46). உத்தவர் மதுரா திரும்பினார். (10:47)

அக்ரூரர் ஹஸ்தினாபுரம் சென்று, அங்கு திருதராஷ்டிரன் பாண்டவர்களுக்கு இழைக்கும் அநீதியை கண்டார் (10:49)

கம்ஸனின் மனைவிகளான அஸ்தி, ப்ராப்தி இருவரும் ஜராசந்தனின் புத்திரிகள். இருவரும் தந்தையிடம் கிருஷ்ணன் கம்ஸனை கொன்றதை கூற, ஜராசந்தன் மதுரா நகர் மீது 17 முறை படையெடுத்தான். 17 முறையும் தோற்றோடினான். இவனிடமிருந்து தப்பிக்க ஸ்ரீகிருஷ்ணன் சமுத்திரத்தின் நடுவில் த்வாரகா என்னும் அழகிய நகரை நிர்மாணித்து, எல்லா யாதவர்களையும் அங்கு அழைத்துச் சென்றான். (10:51)

ருக்மிணி கல்யாணம் : விதர்ப நாட்டு மன்னனான பீஷ்மகா என்பவனுக்கு ருக்மி, ருக்மரதா, ருக்மபாஹு, ருக்மகேஸா, ருக்மமாலி என்ற 5 பிள்ளைகளும், ருக்மிணி என்ற ஒரு பெண்ணும் இருந்தனர். ருக்மிணிக்கு ஸ்ரீ கிருஷ்ணனை திருமணம் செய்து கொள்ள மிகுந்த ஆசை. ஆனால், அவளை சிசுபாலனுக்கு திருமணம் செய்ய நிச்சயிக்கப்பட்டது. ருக்மிணி ஒரு பிராமணர் மூலம் 9 ஸ்லோகங்கள் எழுதி ஸ்ரீ கிருஷ்ணனுக்கு அனுப்பி தன்னை திருமணம் செய்து கொள்ளுமாறு கேட்டுக் கொண்டாள்.(10:52) இந்த சிசுபாலன் ருக்மிக்கு நெருக்கமான நண்பன்.

கண்ணனும் விதர்பா சென்று ருக்மிணியை தூக்கி வந்து திருமணம் செய்து கொண்டார்; துரத்தி வந்த பல அரசர்களை அழித்தார். (10:54)

ப்ரத்யும்னன் திருமணம்: சிவனால் சாம்பலாக்கப்பட்ட காமதேவன் ருக்மிணிக்கும் - ஸ்ரீகிருஷ்ணனுக்கும் மகனாகப் பிறந்தார். ப்ரத்யும்னன் என்று பெயரிட்டனர். 10 நாள் குழந்தையாக இருந்தபோதே இவனை சாம்பரா என்னும் அசுரன் தூக்கிச்சென்று கடலில் வீசி எறிந்தான்.கடலில் ஒரு மீன் குழந்தையை விழுங்கியது; மீனைப் பிடித்த மீனவன் இதை அரசன் வீட்டில் கொடுத்தான்; மீனை நறுக்கும்போது குழந்தையை கண்டு அரசகுமாரி (ரதிதேவி என பெயர்) வளர்க்க ஆரம்பித்தாள்.இவனை அந்த அரசகுமாரி ரதி தேவி திருமணம் செய்து கொள்ள ஆசைப்பட்டாள்; “வளர்த்த தாயை தான் எப்படி திருமணம் செய்துகொள்ள முடியும்?” என ப்ரத்யும்னன் கேட்க, ரதிதேவி தங்கள் பூர்வ ஜன்ம கதையை கூறினாள். ப்ரத்யும்னனும் சாம்பராவை அழித்து, ரதி தேவியை திருமணம் செய்து கொண்டு த்வாரகைக்கு திரும்பினார் (10:55).

சத்யபாமா கல்யாணம்: ஸ்யாமண்டகா என்ற வைரக்கல்லை திருப்பி கொடுத்தது; சட்ராஜித்தின் பெண்ணான சத்யபாமாவை திருமணம் செய்து கொண்டது; (10:56)

காளிந்தி முதலான 5 இளவரசிகளை ஸ்ரீகிருஷ்ணா மணம் முடித்தது; (10:58)

சத்யபாமாவின் துணையோடு நரகாசுரனை வதம் செய்தது (10:59)

உஷா கல்யாணம்: பலி சக்கரவர்த்தியின் நூறு பிள்ளைகளில் மூத்தவன் பாணாசுரன் என்ற அசுரன். இவனுக்கு 1000 கைகள். இவனது பெண் உஷா. இவள் ஒரு இரவு தன் கனவில் ஒரு வாலிபனை பார்த்து அவனது அழகில் மயங்கி, அவனைத்தான் கல்யாணம் பண்ணிக் கொள்வேன் என உறுதியாக இருந்தாள். இவளது தோழி சித்ரலேகா என்பவள் சித்திரம் வரைவதில் வல்லவள். கனவில் கண்ட அந்த வாலிபனை உஷா விவரிக்க விவரிக்க, தோழி சித்ரலேகா அவனை படமாக வரைந்தாள். அவன் ப்ரத்யும்னனுக்கும் ரதிக்கும் பிறந்தவனும், ஸ்ரீ கிருஷ்ணனின் பேரனுமான அனிருத்தன். சித்ரலேகா ஆகாச மார்க்கமாக த்வாரகை சென்று அங்கு தூங்கிக் கொண்டிருந்த அனிருத்தனை தூக்கி வந்தாள். (10:62)

பாணாசுரனுடன் சண்டையிட்டு அவனது 996 கைகளை ஸ்ரீ கிருஷ்ணன் வெட்டி வீழ்த்தினார். உஷாவிற்கும் அனிருத்தனுக்கும் திருமணம் நடந்தது (10:63)

ராஜப்பா
17-11-2011
1000 காலை

***10 வது ஸ்கந்தம் இன்னும் தொடர்கிறது. -- பகுதி 3

பொதிகை டீவியில் திங்கள் முதல் வெள்ளி வரை காலை 6-30க்கு ஸ்ரீமத் பாகவதம் ஒளிபரப்பாகிறது. 2009 நவம்பர் 9-ஆம் தேதியன்று துவங்கியது.

46 வருஷங்களுக்குப் பிறகு ....

2011-10-02T13:15:00.001+05:30

ஸ்ரீமதி பிரேமா லக்ஷ்மிநாராயணன், வேலூர்
ஸ்ரீமதி மஹாலக்ஷ்மி, பெங்களூர்
ஸ்ரீமதி கோகிலா, நங்கநல்லூர், சென்னை
ஸ்ரீமதி சந்திரிகா, காஞ்சிபுரம்
ஸ்ரீமதி மனோன்மணி,போரூர், சென்னை
ஸ்ரீமதி அம்பிகா, வடபழனி, சென்னை
ஸ்ரீமதி (டாக்டர்) மல்லிகேஸ்வரி, காஞ்சிபுரம்.

இவர்கள் ஏழு பேருக்குள்ளும் ஒரு ஒற்றுமை உண்டு; முதலில் இந்த ஏழு பேரும் யார்?

இவர்கள் யாவருமே அறுபது வயதை தாண்டியவர்கள்; பேரன், பேத்திகளோடு இருப்பவர்கள். ஒற்றுமை இது மட்டுமல்ல.

யாவருமே காஞ்சிபுரம் ஸோமசுந்தர கன்யா வித்யாலயாவில் 11-வது (எஸ் எஸ் எல் ஸி) வரை ஒன்றாகப் படித்தவர்கள்.

ஒற்றுமை இது மட்டுமல்ல.

யாவருமே விஜயாவுடன் ஒன்றாகப் படித்த மாணவிகள் / தோழிகள். இதுதான் முக்கியமான ஒற்றுமை.

11-வது முடித்ததும் (1965) யாவரும் பிரிந்து விட்டனர். தொடர்பே இற்று விட்டது.

நாங்கள் 2001-ல் சென்னை வந்ததும், விஜயா ஒருமுறை காஞ்சிபுரம் சென்றாள். அங்கு, பிரேமா என்னும் தோழி நினைவுக்கு வர அவர்கள் வீட்டிற்கு சென்றாள். பிரேமாவின் அம்மாதான் இருப்பார், அவரிடம் பிரேமாவின் அட்ரஸை கேட்கலாம் என சென்ற விஜயா அங்கு பிரேமாவையே அதிர்ஷ்டவசமாக பார்த்தாள். நட்பு மீண்டும் துளிர்த்தது.

டெலிஃபோன் மூலம் நட்பு வலுத்தது. இரண்டு முறை விஜயா வேலூருக்கு பிரேமா வீட்டிற்கும், பிரேமா சென்னைக்கு எங்கள் வீட்டிற்கு ஒரு முறையும் வந்து தங்கி இந்த ஒன்பது ஆண்டுகளாக நட்பை தொடர்ந்தனர்.

பிரேமா சென்னை வந்தபோது ..

பதினைந்து தினங்களுக்கு முன்பு பிரேமா ஃபோன் பண்ணி இன்னொரு தோழியின் டெலிஃபோன் எண்ணை கொடுக்க, விஜயாவும் அந்த தோழியும் பேச, வட்டம் பெருகியது. விஜயா மீண்டும் வேலூர் சென்று ஒரு இரவு தங்கினாள் - 3 பேரும் 46 வருஷ செய்திகளை பரிமாறிக்கொண்டனர்.

பின்னர் திடீர், திடீரென்று 2452 5465 ஒலிக்க ஆரம்பித்தது - “நான் xxxxx பேசுகிறேன்; Y VIJAYA இருக்காங்களா?” -- இப்படியாக வட்டம் பெருகி வளர்ந்து தற்போது விஜயாவும் ஏழு தோழிகளும் நிறைய பேசி, தொடர்பு கொண்டுள்ளனர். கூடிய விரைவில், SSKV-1965 வட்டம் இன்னும் பெருகட்டும் என பிரார்த்திக்கிறேன்.

ஒரு GET-TOGETHER சீக்கிரமே ஏற்பாடு பண்ண இருக்கிறோம் - சென்னையில் அல்லது காஞ்சிபுரத்தில்.

46 வருஷங்கள் முன்பு பள்ளியில் படித்தவர்கள் மீண்டும் சேரும்போது எல்லாருக்கும் ஒரே மகிழ்ச்சி.

விஜயாவையும் சேர்த்து இந்த எட்டு பேரில், விஜயா, பிரேமா, அம்பிகா மூவரும் ஒண்ணாம் வகுப்பிலிருந்து 11-வது வரை SSKV ஸ்கூலில் ஒன்றாகப் படித்தவர்கள். மற்றவர்கள் 4, 5 வகுப்பில் வந்து சேர்ந்தவர்கள்.

ராஜப்பா
பகல் 1-15
02-10-2011

Lalitha Sashti abtha poorthy

2011-08-21T10:00:00.002+05:30

விஜயாவின் தங்கை லலிதாவிற்கு இந்த வருஷம் 2011 ஆகஸ்டு 20-ஆம் தேதியன்று 60 வயது பூர்த்தியானது. நக்ஷத்திரம் 21-ஆம் தேதியன்று வருகிறதா, இல்லை 20-ஆம் தேதியே வந்து விடுகிறதா என ஒரு சிறு குழப்பம். என்னைப் பொறுத்தவரையில் 21-ஆம் தேதி என்பதில் எனக்கு குழப்பமில்லை; ஆனால் அவர்கள் 20-ஆம் தேதியே ஹோமம் பண்ண இருப்பதாக சொன்னவுடன், நான் என் வாயை இறுக்க மூடிக்கொண்டு விட்டேன்.

20-08-2011 சனிக்கிழமை காலை 7-10க்கு நான், விஜயா, அதிதி, இந்திரா, அர்விந்த் ஆகியோர் ஆவடி கிளம்பினோம். கிருத்திகாவால் வர இயலவில்லை. 8-15க்கு ஆவடி போய் சேர்ந்தோம். காலை சிற்றுண்டி இட்லி சாப்பிட்டோம்.

சாஸ்திரிகள் 8-45 சுமாருக்கு வந்து பூஜையை ஆரம்பித்தார்; கணபதி ஹோமமும், புண்யாகவசனமும் பண்ணினார். அருண், காயத்ரி, குழந்தைகள் 10 மணிக்கு வந்தனர். ஹோமம் முடியும்போது 10-15 இருக்கும். பின்னர் சாப்பாடு (காடரிங்). குமார்-லலிதா, ஜனனி, ராம், ப்ரத்யுன், பிரபாகர், மாமி, நாங்கள் 5 பேர், இந்திரா, அகிலா, ஜ்யோத்ஸ்னா, கோபு, சரோஜா, விஜய், குழந்தைகள், குமாரின் அக்கா, அக்கா பையன்கள், குடியிருந்த மாமா-மாமி என சுமார் 28 பேர் சாப்பிட்டோம்.

பின்னர் 1-30 மணிக்கு எல்லாரும் கிளம்பினோம். இவ்வாறாக லலிதாவின் சஷ்டி அப்த பூர்த்தி விழா நன்கு நடைபெற்றது.

ராஜப்பா
21-08-2011
10 மணி

Sri Varalakshmi Vratham by Gayathri

2011-08-20T15:00:00.006+05:30

ஸ்ரீ வரலக்ஷ்மி வ்ரதம்.

காயத்ரி போன வாரம் - 12-08-2011 வெள்ளிக்கிழமை - வரலக்ஷ்மி விரத பூஜை பண்ணவில்லை. அதனால், அவள் இந்த வெள்ளிக்கிழமை 19-08-2011 அன்று பூஜை பண்ணினாள்.

விஜயாவும் நானும் வியாழன் மாலை 4 மணிக்குக் கிளம்பி, 5 மணி சுமாருக்கு படூர் போய்ச் சேர்ந்தோம். விஜயா காயத்ரிக்கு சிலபல உதவிகள் செய்தாள். அருண் கடைத்தெருவிற்கு சென்று பூஜை சாமான்கள் வாங்கி வந்தான். அன்றிரவு நாங்கள் அங்கேயே தங்கினோம். மறுநாள் வெள்ளியன்று காலை குளித்து பூஜைக்கு தயாரானோம். நைவேத்தியங்களை செய்து, காயத்ரியும் தயாரானாள்.

காலை 10 மணிக்கு நான் மந்திரங்கள் சொல்ல, காயத்ரி பூஜை ஆரம்பித்தாள்.11மணி சுமாருக்கு பூஜை நிறைவுற்றது. தேங்காய் கொழுக்கட்டை, உப்பு கொழுக்கட்டை, வடை, பாயஸம் செய்து நிவேதனம் பண்ணினாள். சாப்பிட்டுவிட்டு, சிறிது நேரம் தூங்கி எழுந்தோம். மாலை 4 மணிக்கு கிளம்பி திருவான்மியூருக்கு 5 மணி அளவில் வந்து சேர்ந்தோம். போகும்போது “சொகுசு” பஸ்ஸிலும் (13.00) திரும்பும்போது ஏஸி பஸ்ஸிலும் (33.00) வந்தோம்.

இவ்வாறாக, இந்த வருஷம் வரலக்ஷ்மி பூஜை பண்டிகை நன்கு நடந்தது.

ராஜப்பா
20-08-2011
3 PM

Rare words

2011-08-15T11:30:00.014+05:30

வழக்கம் ஒழிந்த சில வார்த்தைகள்

(வெந்நீர்) வெளாவுதல், (தண்ணீர்) சேந்துதல்,(தலை) துவட்டுதல்
சட்டுவம், வாணலி, தாம்பாளம், சிப்பல் தட்டு, வெங்கலப் பானை, ஆப்பக்கூடு, கிண்டி, பாலாடை, கல்சட்டி, ஜோடுதவலை, கங்காளம், அருக்கஞ்சட்டி, குண்டான், ஏனம், கூஜா

முறம், ஜல்லடை, உரல், உலக்கை, ஏந்திரம், ஆட்டுக்கல், அம்மி, கல்லுரல்
(வெந்நீர்) அண்டா, சிம்னி, லாந்தர், அரிக்கேன் விளக்கு, பெட்ரோமாக்ஸ் விளக்கு,
பம்ப் ஸ்டவ், சீமை எண்ணெய், கழநீர்
(அரிசி) புடைக்கிறது, நோம்பறது, களையறது, (வாழைப்பூ) கள்ளன், மடல்
மடிக்கோல், வாங்கி, துரட்டுக்கோல், கொறடு, நடைவண்டி, பாக்குவெட்டி
உழக்கு, ஆழாக்கு, மரக்கால், படி, வீசை, பலம், மாகாணி, தம்படி, கழக்கோடி,பலக்கல், நாழி
குருணை, மணை, கோலக்குழாய்

குமுட்டி, விறகு, கோட்டை அடுப்பு, ஊதுகுழல், கொட்டாங்கச்சி, தடுக்கு
பலப்பம், சிலேட், சுருணை, தப்படி, எருமுட்டை, குதிர்
ஓடு,, கீத்து, வாரை, உத்தரம், மாடம்,
திண்ணை, ரேழி,கூடம், மச்சு, தாவாரம், சமையல் உள், அடுக்களை, முத்தம் (முற்றம்), வெந்நீர் உள்
பரண், அட்டம், பிறை, எரவாணம், நிலப்படி, தொட்டி முத்தம், வெந்நீர் உள், விசுப்பலகை

கொல்லை, புழக்கடை, கிணறு, கக்கூஸ்
ஜகடை, ராட்டினம், தொட்டி, தோய்க்கிற கல்,
பொத்தான், நிஜார், சொக்காய்,
ஈயம் பூசறது, கலாய் பூசறது, மந்திரிக்கிறது,
(நெய்,ரசம்) குத்து
உலை பூர விடு, வெழுமூணா (அரைக்கிறது)

(வாழை) சீப்பு, (வாழைப்பூ) காக்கா, பிரண்டை
உப்புசம், கீக்கடம், நமநம
தூரமணாள், திரண்டுகுளி
மக்கிளிச்சுக்கிறது, பன்னாடை, (வெற்றிலை) கவுளி
வயக்காடு (வயல்)

(பல்லாங்குழி) பசு, காசு தட்டறது, தாயம், ஏழு கல்லு, பாண்டி, பச்சைக்குதிரை, அப்பீட், பேந்தா, குந்துமணி
சூடுகொட்டை, கொடுக்காப்புளி,
ஜடை குச்சு, அரணாக் கயறு, சிலாம்பு, கழனிப் பானை, தவிடு, உமி
ரசவாங்கி

பொரும‌ற‌து (வ‌ய‌று), கொட்டாங்க‌ச்சி, விள‌க்குமாறு, த‌லை துவ‌ட்ட‌ர‌து
ந‌ண்டும் சிண்டும் / குஞ்சும் குளுவானும், ப‌க்ஷ‌ண‌ம், க‌டுதாசி
செறா (small piece of wood), ளொல‌க்க‌ம், இண்டு- இடுக்கு, நொள‌ப்ப‌ர‌து
இலுப்ப‌ ச‌ட்டி, ஜாடி, ச‌ம்ப‌ட‌ம், உரை (Pillow Cover)

ந‌ம‌ட்டு (சிரிப்பு), இங்கா, பிசிறு, கொசுறு, தான்தோன்றி த‌ன‌ம்
பிச‌க‌ர‌து (ஸ்ருதி), சொர‌ஸ‌ம், மொள்ள‌ர‌து (த‌ண்ணீர்), குறும்பை

ராஜப்பா
11:30 காலை
15-08-2011

Sri Varalakshmi Vratham - 2011

2011-08-15T10:10:00.002+05:30

12-08-2011, வெள்ளிக்கிழமை: எல்லாருடைய வீடுகளைப் போலவே எங்கள் வீட்டிலும் இன்று ஸ்ரீவரலக்ஷ்மி வ்ரதம் நன்கு நடைபெற்றது.

முதல் நாளே பூஜைக்கான ஏற்பாடுகள் ஆரம்பித்து நிறைய முடிந்து விட்டன. இந்த நிலையில் எதிர்பாராத விதமாக கிருத்திகாவால் பூஜையில் கலந்து கொள்ள முடியாத நிலை ஏற்பட்டு விட்டது. எனவே 12-ஆம் தேதியன்று விஜயா மட்டுமே பூஜை செய்தாள்.

சொந்த வீட்டில் நடக்கும் முதல் வரலக்ஷ்மி பூஜை இது. காலையில் சீக்கிரமே எழுந்து பூஜைக்கான, நைவேத்தியத்திற்கான வேலைகளை விஜயா செய்ய ஆரம்பித்தாள். உதவிக்கு கிருத்திகாவின் அம்மா வந்தார்.

நான் பூஜையை 10-15க்கு ஆரம்பித்தேன். மந்திரங்களை நான் சொல்ல, விஜயா பூஜை செய்தாள். கூடவே அதிதியும் செய்தாள். சிறப்பாக நடந்தது. 11-30 சுமாருக்கு முடிந்தது.

விஜயா பாயஸம், வடை, இட்லி, இரண்டு வித கொழுக்கட்டைகள் (எள், தேங்காய்), மற்றும் ஒரு கறி, ஒரு கூட்டுடன் சாப்பாடு பண்ணினாள். கிருத்திகாவின் பெற்றோர் இங்கு சாப்பிட்டனர். ஸௌம்யா, ஸ்ரீராம் இருவரும் அருணுடன் வந்தனர். அவர்களும் இங்கு சாப்பிட்டனர்.

இவ்வாறாக, இந்த வருஷ பூஜை வெகு விமரிசையாக நடந்தது. எல்லாருக்கும் எங்கள் நமஸ்காரங்கள்.

ராஜப்பா
10:10 காலை
13-08-2011

Sri Vittal Rukmini Samasthan - கோவிந்தபுரம் - Pt 3

2011-07-29T10:05:00.001+05:30

கோவிந்தபுரம் 03வது பகுதி.

ஜூலை 27, புதன்கிழமை : காலை 5 மணிக்கு எழுந்து, குளித்து ஸ்ரீவிட்டல்-ருக்மிணி தாயாரின் சுப்ரபாத சேவையின் முன்பகுதியை இன்று தரிஸித்தோம். மஹாராஷ்டிர பாணியில் ஆடை உடுத்திக் கொண்டு ஸ்ரீ அண்ணா பூஜை செய்தார். அவர் அலங்காரம் பண்ணுவதை நாள் முழுக்க பார்த்துக்கொண்டே இருக்கலாம். பின்னர் அவர் உஞ்சவிருத்தி செய்தார். விஜயா, சாவித்திரி, மாமி மற்றும் அங்கிருந்த பெண்மணிகள் அவருக்கு அரிசி பிக்ஷை போட்டனர்.

கடைசியாக பாத சேவை நமஸ்காரம் பண்ணிக்கொண்டு, காரில் ஏறினோம். அப்போது மணி காலை 8-30. இந்தக் கோயிலில் ப்ரஸாதம் என ஒன்றுமே தருவதில்லை. கோயில் மிக அழகாக, புனிதமாக இருக்கிறது. பார்க்க வேண்டிய கோயில்.

மயிலாடுதுறையில் சிற்றுண்டி முடித்து, கடலூர் வரும்போது மணி 11-45. அங்கு பஸ் ஸ்டாண்டில் திருவண்ணாமலை செல்லும் பஸ்ஸில் சாவித்திரியை ஏற்றிவிட்டேன். சாவித்திரி அங்கிருந்து ஹோசூர் செல்வாள். (ஹோசூருக்கு அவள் மாலை 7-15க்குப் போய்ச் சேர்ந்தாள்.) புதுச்சேரி ஸர்குரு ஹோட்டலில் அருமையான மதிய சாப்பாடு. சென்னை வீட்டிற்கு மாலை 4-30 க்கு வந்து சேர்ந்தோம்.

இவ்வாறாக எங்கள் கோவிந்தபுரம் பயணம் மிக திருப்தியாக முடிந்தது. பாண்டுரங்க விட்டலுக்கு நமஸ்காரங்கள்.

ராஜப்பா
காலை 1000 மணி
29 July 2011

Sri Vittal Rukmini Samasthan - கோவிந்தபுரம் - Pt 2

2011-07-29T10:00:00.025+05:30

கோவிந்தபுரம் பகுதி 02

ஜூலை 26, செவ்வாய்க்கிழமை : விடியற்காலம் 4-45க்கு நான் எழுந்து, குளித்து, அருணாச்சலத்துடன் டாக்ஸியில் கும்பகோணம் ஸ்டேஷனுக்குக் கிளம்பினோம். கோவிந்தபுரத்திலிருந்து 12 கிமீ தூரத்தில் உள்ளது. சாவித்திரி 6 மணிக்கு வந்தாள். அறைக்கு வந்தபோது எல்லாரும் குளித்து ரெடியாக இருந்தனர். உடனடியாக் சாவித்திரியும் குளித்து, எல்லாரும் 6-45க்கு கோயிலுக்குப் புறப்பட்டோம்.

கோயில் complex-லியே ரூம் இருக்கிறது. இரண்டு நிமிஷ நடைதான். சுமார் 25-30 படிகள் ஏறவேண்டும். காலை 6-45க்கு சுப்ரபாத சேவை என சொல்லியிருந்தனர். ஆனால், கதவை 7-15 க்கு தான் திறந்தனர். பளிச்சென்று ஒளிவீசும் ஸ்ரீவிட்டல்-ருக்மிணியை தரிஸித்தோம். என்ன தெய்வீகமான அழகு ! ஸ்ரீ அண்ணா (விட்டல்தாஸ் மஹராஜ் இப்படித்தான் அழைக்கப் படுகிறார்) பூஜை செய்து கொண்டிருந்தார். கிருஷ்ணன் பாடல்களும், பஜனைகளும் பாடிக்கொண்டே பூஜை செய்தார்.

அலங்காரங்களும், பூஜையும் முடிந்த பின்னர் எங்களை ஸ்வாமி அருகில் வந்து அவரது பாதங்களில் நம் தலையை வைத்து நமஸ்காரம் பண்ண இந்தக் கோயிலில் அனுமதிக்கிறார்கள். வட இந்திய வழக்கம் இங்கும் கடைப்பிடிக்க படுகிறது.

கோயிலின் பிரதான நுழைவாயில் [மஹாத்வார்] வேறு இடத்தில் இருக்கிறது. இங்கும் 25-30 படிகள் ஏறவேண்டும். முதலில் மிக விஸ்தாரமான மஹா மண்டபம் இருக்கிறது. இதை கடந்தால். 2-வது ஹால் வஸந்த மண்டபம் உள்ளது. கோயிலுக்கு வரும் பக்தஜனங்கள் இங்கு உட்கார்ந்து பூஜையை பார்க்கலாம். அடுத்து, இதை விட கொஞ்சம் சிறிதான அர்த்த மண்டபம். நித்யபூஜை செய்யும் பக்தர்களை இங்கு உட்கார அனுமதிக்கிறார்கள். இதற்கும் அடுத்ததுதான் கர்ப்ப கிருஹம். இங்கு ஒரு மணிமண்டபத்தில் ஸ்ரீ ருக்மிணி ஸமேத ஸ்ரீ விட்டல் இருக்கிறார். பார்க்க கண் கோடி வேண்டும்.

நித்யபூஜை செய்பவர்கள் 4-கால பூஜைகளையும் அருகில் அமர்ந்து பார்க்கலாம். அடுத்த பூஜை 11 மணிக்கு என அறிவித்தபடியால், காலை டிஃபனை முடித்துக் கொண்டு, அருகிலுள்ள சில இடங்களுக்கு காரில் சென்றோம். முதலில் ஸ்ரீமத் போதேந்திர ஸரஸ்வதி ஸ்வாமிகள் அவர்களின் அதிஷ்டானத்திற்கு சென்றோம் (அதிஷ்டானம் = ஸமாதி). இவர் காஞ்சி காமகோடி மடத்தின் 58-வது பீடாதிபதி. [1638 - 1692]. இந்த இடத்திற்கு ஸ்ரீமடம் ஸமஸ்தானம் எனப் பெயர்.

அடுத்து, ஸ்ரீசைதன்ய குடீரம். ஸ்ரீசைதன்ய மஹாபிரபு நினைவு மடம். பூரி ஜகந்நாதர் கோயில் போன்ற இதை, ஸ்ரீ முரளீதர ஸ்வாமிகள் நிறுவினார். ஸ்ரீ போதேந்திர ஸ்வாமிகள் நாம ஸங்கீர்த்தனத்தின் மஹிமையை நிரூபித்த ஸ்தலம் இது.

அடுத்து காஞ்சி காமகோடி மடத்தின் 68-வது பீடாதிபதியின் [ஸ்ரீ சந்திரசேகர ஸரஸ்வதி ஸ்வாமிகள் (மஹா பெரியவாள்)]. அதிஷ்டானம் சென்றோம். மடத்தின் எல்லா பீடாதிபதிகளின் உருவப் படங்கள் இங்கு இருக்கின்றன. ஸ்ரீமடம் என அழைக்கப்படுகிறது.

பின்னர் விட்டல் கோயிலிற்கு திரும்பினோம். இங்கு ஒரு அழகிய பெரிய கோ-சாலா உள்ளது. 400-க்கும் மேலான் பசுக்கள் இங்கு பராமரிக்கப்படுகின்றன. பாரதத்தின் பல பாகங்களிலிருந்தும் பசுக்கள் கொண்டு வரப்பட்டுள்ளன. இடம் மிக சுத்தமாக, சுகாதாரமாக இருக்கிறது.

அருகிலேயே காவிரி ஆறு (வாய்க்கால்?) ஓடுகிறது. காவிரியில் கால் நனைத்துக் கொண்டு விட்டல் கோயிலினுள் சென்று 11-00 மணி பூஜையை தரிசித்தோம். 12 மணிக்கு கோயிலின் நடையை சாத்தி விட்டார்கள். இனி மாலை 7-15 மணிக்கு வந்தால் போதும் என அறிவித்தார்கள்.

அடுத்து பகல் உணவு. வரும் நித்யபூஜைக்காரர்களுக்கும் பல ஊழியர்களுக்கும் இந்தக் கோயிலில் காலை டீ, சிற்றுண்டி, பகல் சாப்பாடு, மாலை டீ, இரவு உணவு என எல்லாம் இலவசமாக தருகிறார்கள். சிம்பிளாகவும், மிக ருசியாகவும் இருந்தது. 3-30 வரை ஓய்வு எடுத்தபின்னர், அருகிலுள்ள சில கோயில்களுக்கு - திருநாகேஸ்வரம், ஒப்பிலியப்பன் - சென்று வந்தோம்.

7-30லிருந்து 8-15 வரை மீண்டும் விட்டல் பூஜைகள் தரிசித்தோம். காலையிலிருந்து நிறைய தடவை பாத சேவை செய்தோம். 8-30க்கு இரவு உணவிற்கு பிறகு, டோலோத்ஸவ சேவைக்கு 9 மணிக்கு வந்தோம். ராத்திரி போஜனத்திற்கு பின்னர் ஸ்வாமியையும் தாயாரையும் ஆடி, பாடி பூப்பந்து விளையாடி சேவை செய்தார். ஸ்ரீஅண்ணாவின் சிஷ்யர்களும் மற்றவர்களும் விடாமல் பஜனை, பாடல்கள் பாடிக் கொண்டேயிருந்தனர். நடுநடுவில் ஓட்டமும் துள்ளலுமாக டான்ஸ் வேறு.

ஸ்வாமி-தாயாரின் அலங்காரங்களை களைந்து, இரவு நித்திரைக்கு அவர்களை தயார் செய்து, தெய்வீக ஹம்ஸ தூளிகாவை (பள்ளி அறையை) அலங்காரம் பண்ணி, உத்ஸவ மூர்த்திகளை மானஸீகமாக இங்கு அழைத்துவந்தார். கர்ப்பகிரஹத்தையும், அந்த 3-வது ஹாலையும் சுத்தம் பண்ணி, கதவை சாத்தினர். ஹம்ஸதூளிகா இருக்கும் 2-வது ஹாலில், ஸ்வாமி-தாயாரை மானஸீகமாக இருப்பதாக பாவித்து, எல்லா சடங்குகளையும் செய்து, பள்ளி அறையின் கதவை மூடி, வாசல் படிக்கட்டில் உட்கார்ந்து கொண்டு ஸ்ரீஅண்ணா சுமார் 45 நிமிஷங்கள் பாடினார். எல்லாம் முடியும்போது இரவு மணி 11-45. ரூமிற்கு திரும்பினோம்.

அடுத்த 3-வது (கடைசி) பகுதி

ராஜப்பா
காலை 1000 மணி
29 ஜூலை 2011

Sri Vittal Rukmini Samasthan - கோவிந்தபுரம் - Pt I

2011-07-29T09:50:00.003+05:30

SRI VITTAL RUKMINI SAMASTHAN - GOVINDAPURAM - Part 1

மஹாராஷ்டிர மாநிலம் பண்டர்பூர் என்னும் ஊரிலுள்ள ஸ்ரீவிட்டல் கோயிலைப் போன்று தமிழ்நாட்டிலும் ஒரு கோயில் கட்ட வேண்டும் என்று ஆசை கொண்டு, ஸ்ரீவிட்டல்தாஸ் மஹராஜ் கும்பகோணத்தின் அருகிலுள்ள கோவிந்தபுரம் என்னும் கிராமத்தில் கோயிலை நிர்மாணிக்க ஆரம்பித்தார்.

சேங்காலிபுரம் ப்ருஹ்மஸ்ரீ அநந்தராம தீக்ஷிதரும், அவர் தம்பி ப்ருஹ்மஸ்ரீ நாராயண தீக்ஷிதரும் தமிழ்நாட்டின் இரண்டு புகழ்பெற்ற பக்திமான்கள். நாராயண தீக்ஷிதரின் பேரனான ஸ்ரீ ஜெயகிருஷ்ண தீக்ஷிதரும் இவர்களைப் போலவே சிறந்த பக்திமான். ஸ்ரீவிட்டல் பகவான் மேல் இவருக்கு இருந்த பக்தியால் இவர் ஸ்ரீவிட்டல்தாஸ் மஹராஜ் என அழைக்கப்படுகிறார்.

இந்தியா மற்றும் உலகின் பல ஊர்களிலும் இவரது விட்டல் பஜனை புகழ் பெற்றது. கோயில் கட்டுவதற்கான நிதி உதவியை இவர் பல ஊர்களில் நாம சங்கீர்த்தனம் செய்து திரட்டினார். கோயிலும் வளர ஆரம்பித்தது.

இந்த 2011 வருஷம் ஜூலை 15-ஆம் தேதி வெள்ளிக்கிழமை பௌர்ணமி திதியில் கோயிலின் மஹாகும்பாபிஷேகம் பஜனைகள் பாடல்கள் மற்றும் வேத கோஷங்களும், விட்டல் நாமாக்களும் ஒலிக்க கோலாகலமாக நடந்தது.

முன்னதாக, கோயிலில் நித்யபூஜை செய்ய விருப்பப்பட்டு, கிருத்திகாவின் தகப்பனார் TSG பணம் செலுத்தியிருந்தார். ஜூலை 26 செவ்வாய் என அவருக்கு நாள் ஒதுக்கியிருந்தனர். அவர் கூட 10 பேர் வரலாம் எனவும் சொல்லியிருந்தனர். அவர் எங்களை 24-ஆம் தேதியன்று அழைத்தார். அர்விந்த், கிருத்திகா வர இயலாது என ஒதுங்கிவிட, நாங்கள் இருவரும் சம்மதித்தோம்.

24-ஆம் தேதி நான் சரோஜா-அத்திம்பேரை அழைத்தேன் - “வேறு வேலை prior commitment இருப்பதனால்“ சரோஜா வரவில்லை, ராமமூர்த்தி அத்திம்பேர் வர சம்மதித்தார். ஹோசூரில் சாவித்திரியை கூப்பிட்டேன்; ”வர இயலாது,” என 24-ஆம் தேதி இரவு சொன்ன அவள் மறுநாள் காலை மனம் மாறி கும்பகோணம் வருவதற்கான் ட்ரெயின் டிக்கெட் வாங்கினாள். நாங்கள் பயணம் போவதற்கு ஒரு TAVERA வண்டியை ஏற்பாடு செய்தேன் - சார்ஜ் கிமீட்டருக்கு 9-00 (AC) தவிர ஓட்டுனருக்கு தினம் 300-00 batta.

ஜூலை 25, திங்கட்கிழமை: இரவு உணவிற்கு தோசை, சப்பாத்தி, தயிர்சாதம் செய்து கொண்டு. பகல் 1-45க்கு டாக்ஸியில் கோவிந்தபுரம் புறப்பட்டோம். TSG மாமா, மாமி, விஜயா, நான், ராமமூர்த்தி அத்திம்பேர், மற்றும் அருணாச்சலம் என்கிற பூ வியாபாரி ஆகிய 6 பேர் கிளம்பினோம். Tavera புத்தம்புது வண்டி. ஓட்டுனர் ராஜேஷ் ஒரு இளைஞர்.

புதுச்சேரியில் 5 மணிக்கு டிஃபன் என்ற பெயரில் ஆறிப்போன போணடாவை விழுங்கிவிட்டு, கடலூர், சிதம்பரம், மயிலாடுதுறை வழியாக கோவிந்தபுரம் கிராமத்தை இரவு 9-15க்கு அடைந்தோம். நெடிதுயர்ந்த விட்டல் கோபுரம் எங்களை வரவேற்றது. ஒரு அறை ஒதுக்கி இருந்தனர். இரவு உணவு தருவதற்கு அவர்கள் தயாராக இருந்தனர். “வேண்டாம்,” என சொல்லிவிட்டு, அறைக்கு சென்று, எடுத்துச் சென்ற தோசை முதலானவற்றை சாப்பிட்டோம்.

அறையில் படுப்பதற்கு தலைகாணி, பாய், ஜமுக்காளம் போன்று எதுவுமே இல்லை. வழவழவென்ற புது தரையில் அப்படியே படுத்துக் கொண்டோம். ரூம் பரவாயில்லை. ஹோசூரில் சாவித்திரியும் மாலை 7-45க்கு டிரெயினில் கிளம்பினாள்.

அடுத்த Part 2 பகுதி

ராஜப்பா
காலை 1000 மணி
29 ஜூலை 2011

ஸ்ரீமத் பாகவதம் 10-வது ஸ்கந்தம் - ஸ்ரீ வேளுக்குடி கிருஷ்ணன் ஸ்வாமிகள்

2011-07-08T11:15:00.123+05:30

ஸ்ரீமத் பாகவதம் 10 வது ஸ்கந்தம் - பகுதி 1

வேளுக்குடி ஸ்ரீ கிருஷ்ணன் ஸ்வாமிகள் பாகவதத்தின் 10-வது ஸ்கந்தத்தை 25-03-2011 அன்று ஆரம்பித்தார். இந்த ஸ்கந்தத்தில் கண்ணனின் பிறப்பும், வளர்ப்பும், முடிவும் விஸ்தாரமாக சொல்லப்பட்டுள்ளன. 10 வது ஸ்கந்தம் 90 அத்தியாயங்கள் கொண்டது, மிக முக்கியமானது, மிக நீளமானது. இதை நான் மூன்று பகுதிகளாக பிரித்து, எழுதப் போகிறேன்.

மதுரா நகரில் தேவகிக்கும், வஸுதேவருக்கும் கண்ணன் எட்டாவது குழந்தையாகப் பிறந்தான். தேவகியின் அண்ணன் கம்ஸனுக்கு “எட்டாவது குழந்தை” மூலம் இறப்பு என சாபம் இருந்தபடியால், கம்ஸன் தேவகி-வஸுதேவரை சிறையில் அடைத்து, அவர்களுக்குப் பிறக்கும் குழந்தைகளை ஒவ்வொன்றாக கொன்று முடித்தான்.

ஏழாவது கர்ப்பத்தை வெளியில் இழுத்து, அதை கோகுலத்திற்கு கொண்டு போய் அங்கு வசித்த [வஸுதேவரின் இன்னொரு மனைவியான] ரோஹிணியின் கர்ப்பத்தில் பகவான் செலுத்தினார். இந்தக் குழந்தை பலராமன். [கர்ப்பத்தில் இருந்து வெளியே இழுத்து வரப்பட்டதால், பலராமனுக்கு ஸங்கர்ஷ்ணன் என்ற இன்னொரு பெயரும் உண்டு.] ரோஹிணிக்குப் பிறந்த பெண் குழந்தையை தேவகியோடு சிறையில் விட்டார்.

எட்டாவது குழந்தையாக ஆவணி மாஸம் அஷ்டமி திதி, ரோஹிணி நக்ஷத்திரத்தில் கண்ணன் அவதரித்தார். இந்தக் குழந்தையை வஸுதேவர் தூக்கிக் கொண்டு, யமுனையை கடந்து, கோகுலத்தில் வசித்த நந்தகோபன் - யஸோதா தம்பதியரிடம் சேர்த்து விட்டு, அவர்களுக்குப் பிறந்த பெண்குழந்தையை (யோக மாயா) மாற்றி எடுத்து வந்தார்.

கண்ணனும் கோகுலத்தில் “ஒருத்தி மகனாய் பிறந்து, ஓரிரவில் ஒருத்தி மகனாய் ஒளிந்து வளர” ஆரம்பித்தார். குழந்தை கண்ணனை அழிக்க பூதனை, த்ருணவர்த்தன், சகடாஸுரன் போன்ற பல ராக்ஷஸர்களை கம்ஸன் அனுப்பினான். எல்லா அரக்கர்களையும் கண்ணன் அழித்தான். “பொன்றச் சகடம் உதைத்தாய், புகழ் போற்றி! கன்று குணிலா எறிந்தாய் கழல்போற்றி! குன்று குடையாய் எடுத்தாய் குணம் போற்றி!” என ஆண்டாள் போற்றி பரவஸப்பட்டாள்.

மண்ணை உண்ட வாயைத் திறந்து யஸோதாவிற்கு அண்ட சராசரங்களையும் தன் வாயினுள் காட்டினான். யஸோதாவிற்கு மகனாக இருந்து, இடைச்சிறுவர்களோடு மாடு கன்றுகளை மேய்த்து, வெண்ணெய், பால், தயிர் போன்றவற்றை திருடி தின்றான். இவன் வெண்ணெய் திருடியதால் கோபம் கொண்ட யஸோதா இவனை உரலில் கட்டிப் போட தாமோதரன் என்ற பெயரைப் பெற்றான்; இரண்டு மரங்களாக இருந்த ரிஷி குமாரர்களுக்கு சாப விமோசனத்தையும் கொடுத்தான்.

பின்னர் எல்லாரும் கோகுலத்தை விட்டுக் கிளம்பி யமுனை நதிக்கரையில் உள்ள வ்ருந்தாவனத்திற்கு புறப்பட்டு சென்றனர். இங்குதான் கோவர்தன் மலை உள்ளது. வ்ரஜபூமியில் வசித்து இடைச்சிறுவர்களோடு மாடு கன்று மேய்த்து பொழுது போக்கினான். பகாஸுரனையும் அவன் தம்பி அகாஸுரனையும் அழித்தான்.ப்ரஹ்மாவின் கர்வத்தை முடித்தான். கழுதை வடிவத்தில் வந்த தேனுகாஸுரனை அழித்தான்.

யமுனை நதியில் இருந்த காளியன் என்ற நச்சுப் பாம்பின் மீது நடனம் ஆடி பாம்பை அதனுடைய இடத்திற்கே திருப்பி அனுப்பினான்(10:16) பலராமன் ப்ரலம்பன் என்னும் ராக்ஷசனை கொன்று முடித்தான். கோவர்தன மலையைத் தூக்கி பசு கன்றுகளை காத்தான்.(10:25)

கோபிகா ஸ்தீரிகளுடன் ராஸலீலை நடனம் ஆடினான்.(10:33)

காளை உருவில் வந்த அரிஸ்டாஸுரனையும் (10:36), குதிரை வடிவிலிருந்த கேசியையும், மாயாரூபத்தில் வந்த வ்ளம்பாவையும் அழித்தான்(10:37)

கோகுலத்தையும், நந்த கிராமத்தையும், யஸோதா-வஸுதேவரையும், இடைச் சிறுவர்களையும், கோபிகா ஸ்தீரிகளையும் விட்டு விட்டு மீண்டும் மதுரா செல்ல ஸங்கல்பித்துக் கொண்டான். கண்ணனை அழிக்க தன்னுடைய கடைசி முயற்சியாக கம்ஸனும் அவனை மதுராவிற்கு வரவழைத்து அழிக்க எண்ணினான்.

தன் மாமா அக்ரூரரை நந்த க்ராமத்திற்கு (வ்ரஜ பூமிக்கு) அனுப்பி கண்ணனை கூட்டி வரச் சொன்னான். வ்ரஜ பூமியில் அக்ரூரர் கண்ணனை ப்ரார்த்தித்து சொல்லிய ஸ்லோகங்கள் மிக முக்கியமானவை (10:40) முடிந்தால் ஸ்கந்தம் 10 அத்தியாயம் 40ஐ படிக்கவும்.

கம்ஸனை ஒரேயடியாக அழித்து விட எண்ணி கண்ணனும் பலராமனை கூட்டிக் கொண்டு அக்ரூரருடன் மதுரா புறப்பட்டான்.

மதுராவில் ஒரு வண்ணானிடம் ராஜ உடைகளைப் பெற்று அணிந்து கொண்டான்; சுதாமா என்னும் பூ வியாபாரியிடம் நிறைய புஷ்ப மாலைகளையும் பூக்களையும் பெற்று அணிந்து கொண்டான். (10:41)

சந்தனம் விற்கும் த்ரிவக்ரா என்னும் ஒரு கூனியிடமிருந்து சந்தனம் மற்றும் பல வாஸனை திரவியங்களை வாங்கி கொண்டு, அவளது கூனை நிமிர்த்தி மீண்டும் அழகிய பெண்ணாக மாற்றினார்.பிறகு இந்திரனின் வில்லை ஒடித்தார். (10:42)

இரவோடு இரவாக கம்ஸன் கனூரா, முஷ்டிகா, கூடா, ஸாலா, தோஷாலா என்னும் 5 மல்லர்களை தயாராக்கி கண்ணனுடன் மறுநாள் மற்போர் புரிய ஏற்பாடு செய்தான்.(10:42)

மறுநாள் காலை கம்ஸனுடைய அரண்மனை சென்றபோது அங்கிருந்த குவலயாபீடம் என்னும் பெருத்த யானையை வீசி எறிந்து முடித்தான். பின்னர் 5 மாமல்லர்களையும் அழித்து முடித்தான். (10:43)

கண்ணனின் கதை இன்று (08-07-2011) இந்த இடத்தில் முடிந்தது. திங்கட்கிழமை (10:44) கம்ஸன் வதம் கதை சொல்லப்படும். தொடர்ந்து கேளுங்கள். கண்ணனின் அருளாசிகளைப் பெறுங்கள்.

ராஜப்பா
11:15 காலை
08-07-2011

இதன் தொடர்ச்சி பகுதி 2

பொதிகை டீவியில் திங்கள் முதல் வெள்ளி வரை காலை 6-30க்கு ஸ்ரீமத் பாகவதம் ஒளிபரப்பாகிறது. 2009 நவம்பர் 9-ஆம் தேதியன்று துவங்கியது. இன்று 433 வது பகுதி ஒளிபரப்பாகியது.

Sri Parthasarathy Perumal Koil

2011-06-22T11:30:00.002+05:30

திருவல்லிக்கேணியில் குடி கொண்டுள்ள ஸ்ரீ பார்த்தஸாரதி பெருமாளை நேற்று மாலை விஜயாவும் நானும் சென்று தரிஸித்தோம். முன்னதாக 18-10-2009 அன்றும் (படிக்க), 2008 மே மாசமும் (படிக்க) பெருமாளைத் தரிஸித்துள்ளோம்.

திருவல்லிக்கேணியும், பெரிய மீசை வைத்துள்ள கம்பீரமான அந்த பார்த்தஸாரதியும் எனக்கு மிகவும் பிடித்தமானவை. நேற்றும் பெருமாளை மிக அருகில் நின்று நீண்ட நேரம் ஆசை தீர, திருப்தியாக தரிஸித்தோம். கூட்டம் இல்லை. வரதராஜப் பெருமாள், ஆண்டாள், யோக நரஸிம்ஹர் ஆகியோரையும் வணங்கி வழிபட்டோம். இந்தக் கோயிலுக்கு போனாலே மனசு நிம்மதியாகிறது; லேசாகிறது.

TP KOIL தெரு வழியாக நடந்தோம். இங்குதான் மஹாகவியின் இல்லம் உள்ளது.

இந்த நினைவு இல்லத்தின் எதிரில், ஸ்ரீ ராகவேந்திர ஸ்வாமி கோயில் உள்ளது.ஸ்ரீ ராகவேந்திர ஸ்வாமிகளின் ப்ருந்தாவனம் மந்த்ராலயத்தில் இருப்பது தெரிந்ததே. திருவல்லிக்கேணியில் இந்தக் கோயில் சமீபத்தில் மிக நேர்த்தியாக கட்டப்பட்டு உள்ளது. பார்க்க வேண்டிய ஒரு கோயில்.

திருவல்லிக்கேணியின் புகழ்பெற்ற தெருக்களையும், காய்கறி, பழக் கடைகளையும் பார்த்து ரசித்துக் கொண்டு தி-கேணி ஹைரோடில் சென்று ரத்னா கஃபேயில் இட்லி-சாம்பார் சாப்பிட்டோம். (சென்ற வாரம் Times of India Chennai ஓட்டெடுப்பு நடத்திய இட்லி-வடை-காப்பி ஹோட்டல்களின் தர வரிசையில் ரத்னா கஃபே Rank No #1ல் வந்தது.)

பின்னர், PYCROFTS ROAD-ல் நுழைந்தோம். எவ்வளவு கடைகள்! எத்தனை விதமான் சாமான்கள் !! இந்த தெரு புத்தகங்களுக்கு (சென்னையிலேயே) மிக புகழ் பெற்றது. இங்கு கிடைக்காத புத்தகங்களே இல்லை.

மெரீனாவில் கண்ணகி சிலை பஸ் நிறுத்தத்திலிருந்து 6D பஸ் பிடித்து வீடு திரும்பினோம்.

நேற்று மாலைப் பொழுது இனிமையாக, மனசுக்கு மகிழ்ச்சியாக இருந்தது. எல்லாம் பார்த்தனுக்கு ஸாரதியான அந்த கீதாசாரியனின் அருள்.

ராஜப்பா

11:30

22 ஜூன் 2011

எனக்கு வேண்டும் வரங்களை ...

2011-05-20T10:55:00.005+05:30

எனக்கு வேண்டும் வரங்களை
         இசைப்பேன் கேளாய் கணபதி!
மனத்திற் சலன மில்லாமல்,
        மதியில் இருளே தோன்றாமல்,

நினைக்கும் பொழுது நின் மவுன
        நிலைவந் திடநீ செயல் வேண்டும்,
கனக்குஞ் செல்வம் நூறு வயது;
       இவையும் தரநீ கடவாய்!

பிள்ளையார் மீது மஹாகவி பாரதியார் எழுதிய பாடல்.

சமீப காலமாக அதிதி இந்தப் பாடலை எப்போதும் பாடிக் கொண்டே இருப்பதால், நானும் எழுதினேன். பக்கத்தில் உட்கார்ந்து கொண்டு, அதிதி இதை எனக்கு வார்த்தை வார்த்தையாக டிக்டேட் செய்தாள்.

ராஜப்பா
10:55
20-05-2011

Dhanush Upanayanam

2011-05-15T10:00:00.013+05:30

Upanayanam of Dhanush (Swaminathan) son of Chandar - Sudha was performed on 13th May 2011 at Chennai. The function was at the community hall, Sastrinagar, Adyar.

Udaga Santhi and Naandhi functions were performed on the previous day, that is on 12th May at the same venue. Vijaya, I, and Aditi went at 8 AM that morning and attended. Gayathri, Sowmya, Sriram, Saroja, Athimber, Savithri, Karthik, Vasanth, Rama, Satyamurthy, Usha, Veena also attended. Sugavanam's family was in full attendance. The functions went off well; we returned home after the lunch.

On the day of Brahmopadesam (13th) we reached the venue by 7 AM. Aditi and Arvind came later. Apart from yesterday's guests, there were Ramesh, Viji, Jayaraman, Kalyani, Poornima, Sruti, Satish, Ramana - Paul Thanickal (from Ahmedabad) and a host of other relatives and friends. Brahmopadesam was at 0945. The function was a grand one and well organised and attended.

We had lunch at 11-45 and then dispersed. Chandar, Sudha, and Sugavanam had worked hard for the past couple of months to make the function memorable.

God bless Dhanush and all others.

Rajappa
10:00 AM
15 May 2011

கணபதி சுப்ரமணியம் கிருஹப் ப்ரவேஸம் - 06.05.2011

2011-05-07T11:15:00.015+05:30

கிருத்திகாவின் பெற்றோர் (Mrs and Mr. TS கணபதி சுப்ரமணியம்) தங்களுடைய புது இல்லத்தின் கிருஹப் ப்ரவேஸத்தை நேற்று, வெள்ளிக்கிழமை, 06 மே 2011 அன்று நடத்தினார்கள். இவர்களது வீடும் அர்விந்த்-கிருத்திகாவின் புது வீடும் ஒரே கட்டிடத்தில் 2ஆம் மாடியில், முதல் மாடியில் உள்ளன.

காலை 8-30க்கு கோ-பூஜையுடன் விழா துவங்கியது. பின்னர் கிருஹப் ப்ரவேஸம். அடுத்து பால் காய்ச்சி குடித்தல்.

பின்னர் ஹோமம்.சுமார் 11-30க்கு விழா முடிவுற்றது. மிகக் குறைந்த பேர்களையே அவர் அழைத்திருந்தார். மொத்தமே 20-ஐ தாண்டவில்லை. காயத்ரி, குழந்தைகள் துறையூர் சென்றுள்ளனர்; அருண் மட்டும் வருவதாக இருந்தான்; கடைசி நேரத்தில் அவனால் வர இயலவில்லை.

அதிதி தன் புது பட்டுப் பாவாடையில் ஜொலித்தாள். அவளுக்கு மிகவும் சந்தோஷம், பெருமை. பாவாடை சலசலக்க இங்கும் அங்கும் ஓடிக்கொண்டேயிருந்தாள்.

சாப்பாட்டிற்குப் பின்னர், வீட்டை ”ஒழித்து விட்டு” நாங்கள் 3 மணிக்கு பெஸண்ட்நகர் திரும்பினோம். விழா வைதீக காரியங்களில் நன்கு நடந்தது; ஆனால், காடரர் ஸ்ரீனிவாஸன் காலை வாரிவிட்டார்; காஃபியோ, மதியம் சாப்பாடோ சரியான சமயத்தில் வரவில்லை. அர்விந்த் போய் சாப்பாட்டை எடுத்து வர வேண்டியிருந்தது. பரிமாற பாத்திரங்களோ, உதவிக்கு ஆட்களோ இல்லவே இல்லை. விஜயாவும், கிருத்திகாவும், அர்விந்தும் தான் முழுக்க முழுக்க பரிமாறினார்கள். ஸ்ரீனிவாஸனுக்கு இது ஒரு சவாலாக அமைய வேண்டும்.

ராஜப்பா
11:15 மணி
07-05-2011

கவரப்பட்டு கிராமம் - ஸீதா கல்யாணம்

2011-04-24T11:20:00.082+05:30

கவரப்பட்டு என்னும் கிராமம் சிதம்பரத்திலிருந்து சுமார் 6-7 கிமீ தூரத்தில் உள்ளது. இதுதான் எங்கள் “சொந்த ஊர்” எங்கள் அப்பாவின் இனிஷியலான G என்பது இந்த கிராமத்தைத்தான் குறிக்கிறது. இங்கு எங்கள் தாத்தா (ராமசேஷ ஐயர்) வசித்து வந்தார். (அவர் காலமானதும் இங்குதான்) அவருக்கு முன்பு அவரது தந்தை - எங்கள் கொள்ளுத்தாத்தா ஸ்ரீமான் நடராஜ ஐயரும் இந்த கிராமத்தில் தான் வசித்திருக்க வேண்டும்.

எங்கள் தாத்தா ஸ்ரீமான் ராமசேஷ ஐயர்

எங்கள் தாத்தா ஒரு ராமர் உருவப்படத்திற்கு பூஜைகள் செய்து வந்தார். இந்தப் படத்தை அவர் பின்னால் ஊருக்கே அன்பளிப்பாக கொடுத்து விட்டார். ஸ்ரீ ராம நவமியின் போது இந்தப் படத்திற்கு விசேஷ பூஜைகள் நடைபெறும். முதலில் ஸ்ரீராமநவமி உத்ஸவம் வீடுகளில் நடைபெற்று வந்தது; பின்னர், கிராமத்து பக்தகோடிகள் பணம் திரட்டி ஒரு கட்டிடத்தை கட்டி அதில் ஸ்ரீராமரை வைத்து ராமநவமியை கொண்டாட ஆரம்பித்தனர்.

ராமர் மடம், கவரப்பட்டு

150 வருஷங்களாக இந்த ஸ்ரீராம நவமி உத்ஸவம் கவரப்பட்டு கிராமத்தில் நடைபெற்று வருகிறது. இந்த ஆண்டு (2011) 151-வது உத்ஸவம். ஜனனோத்ஸவமாக ஸ்ரீராம நவமி திதி தொடங்கி 10 நாட்கள் கோலாகலமாக நடக்கிறது. இந்த வருஷம் 2011 ஏப்ரல் 12-ஆம் தேதி தொடங்கியது. உத்ஸவத்தின் கடைசி நாளன்று ஸீதா கல்யாணம் நடைபெறும்.

அக்ரஹாரம், ராமர் மடம்

உத்ஸவத்திற்கு இந்த ஆண்டுதான் நானும் விஜயாவும் கவரப்பட்டு சென்றோம். பல வருஷங்களாகவே இந்த ஆசை நிறைவேறாமல், ஸ்ரீராமரின் அருளினால் இந்த ஆண்டு நிறைவேறியது. சரோஜா (அக்கா) - அத்திம்பேரும் எங்களுடன் சேர்ந்து கொண்டனர்.

20-04-2011, புதன்கிழமை :: காலை 6-45க்கு பஸ் (23C) ஏறி, எக்மோர் சென்று 8-20க்கு ரயிலில் சிதம்பரம் புறப்பட்டோம். இட்லி, தோசை கையில் எடுத்துச் சென்றோம். கடலூர் ரயில் பாதை அகல பாதையான பிறகு இதுவே எங்கள் முதல் பயணம்.

சிதம்பரத்திற்கு பகல் 1 மணிக்கு சென்றடைந்தோம். நல்ல மழை. சொட்ட சொட்ட நனைந்தோம். அங்கு ஹோட்டலில் தங்குவதாக பிளான், ஆனால் தங்கவில்லை (ரூ 2300.00 per day). சாப்பிட்டு விட்டு ஆட்டோ பிடித்து கவரப்பட்டு சென்றோம்.

ஸ்ரீராமர் மடத்திற்கு அடுத்த வீடுதான் எங்கள் சித்தப்பா நாராயணஸ்வாமி ஐயர் வசித்த வீடு; தற்போது அங்கு சித்தப்பாவின் மகன் ஸ்ரீ சுந்தரராமன் அண்ணா - ஸீதாலக்ஷ்மி மன்னி வசிக்கின்றனர். இருவருக்கும் வயது 75க்கும் மேல் இருக்கும். ஒரே பையன் - பாஸ்கர் - நெய்வேலியில் வேலையில் இருக்கிறான்; ஒரு பெண் குழந்தை இருக்கிறாள்.

எங்கள் சித்தப்பா ஸ்ரீமான் நாராயணஸ்வாமி ஐயர்

ஸ்ரீமான் சுந்தரம் அண்ணா - அவரது மகன் பாஸ்கர்

சுந்தரம் அண்ணா - மன்னி வீடு (சரோஜாவின் அருகில் மன்னி)

ராஜம் அக்கா, விஜயா, சரோஜா,அத்திம்பேர் - வீட்டிற்கு முன்னால்

ஸ்ரீராமர் உருவப் படம்

அன்று இரவு 8 மணிக்கு மடத்தில் சாப்பாடு போட்டனர். 10 நாட்களாகவே அக்ரஹாரத்தில் உள்ள எல்லாருக்கும் தினமும் பகல் மற்றும் இரவு உணவு மடத்தில் சமையல்காரர்கள் கொண்டு தயாரிக்கப்படுகிறது. இரவு 10-30 க்கு பஜனை ஆரம்பித்தது, விடிய விடிய நடந்தது. பாட்டும், பஜனையும், நடனமும் - ஒரே கோலாகலம்தான். 4-30க்கு முடிந்தது.

21-04-2011, வியாழக்கிழமை :: காலை உஞ்சவிருத்தி. 7-30க்கு ஆரம்பிப்பதாக இருந்த இது 8-45க்கு ஆரம்பித்தது. அக்ரஹாரத்தின் இந்த கோடியிலிருந்து அந்த கோடி வரை சென்று வீடு வீடாக உஞ்சவிருத்தி செய்தார். எல்லா வீட்டிலும் அவர்களுக்கு கால் அலம்பி பாத பூஜை செய்து, அரிசி, தேங்காய், பழம் அளித்தனர்.

உஞ்சவிருத்தி

காலை 10-30க்கு ஸீதா கல்யாணம் தொடங்கியது. க்ரோம்பேட்டை ஸ்ரீ கோபாலசுந்தரம் என்பவர் பாகவதர். நன்றாக, கணீரென்று பாடி பஜனைகள் செய்தார். முதலில் உஞ்சவிருத்தி மூலம் வந்த அரிசியை உரலில் கொட்டி உலக்கையினால் “முத்து” குத்தினர். ஒரே நடனம்தான். பார்க்க அழகாக இருந்தது. ஆழ்ந்த தத்துவம் உள்ளதாம். மாமிகளும் மாமாக்களும் முத்து குத்திய பிறகு, ஸீதா கல்யாணம் ஆரம்பித்தது. பாகவதர் நன்கு செய்தார்.

பாகவதர் ஸ்ரீமான் கோபாலசுந்தரம்

மாமிகள் முத்து குத்துகின்றனர்

பின்னர் தம்பதி பூஜை. சுந்தரம் அண்ணா - மன்னிக்கு தம்பதி பூஜை செய்தனர். எல்லாம் முடிந்து, சாப்பிட ஆரம்பிக்கும்போது மணி 3-15.

சுந்தரம் அண்ணா - மன்னிக்கு தம்பதி பூஜை நடக்கிறது

சாப்பிட்டபிறகு வசப்புத்தூர் என்ற கிராமத்திற்கு சென்றோம். எங்கள் சித்தப்பா இங்கு வேலை பார்த்தார். இங்கு ஒரு மிகப் புராதனமான காசி விஸ்வநாதர்-விசாலாக்ஷி அம்மன் கோயில் இருந்ததாம்; தற்போது க்ஷீணித்த நிலையில் கவனிப்பாரின்றி கிடக்கிறது. கவரப்பட்டில் உள்ள ஒரு பக்தர் இதை புனருத்தாரணம் பண்ண வேண்டும் என்று முடிவுசெய்து, நன்கொடைகள் பெற்று, கோயிலை புதுப்பிக்கும் பணிகளில் தீவிரமாக ஈடுபட்டுள்ளார்.

விஸ்வநாதர் கோயில் பணிகள்

வசப்புத்தூர் கிராமம் சிதம்பரத்திலிருந்து 5-6 கிமீ தூரத்தில் உள்ளது. கோயில் பணிகளை பார்த்து மகிழ்ந்தோம். எங்களால் முடிந்த நன்கொடையை அளித்தோம். வைகாசி மாசத்தில் கும்பாபிஷேகம் நடைபெறலாம் (2011, மே மாச இறுதியில்).

சிதம்பரம் நடராஜரை தரிசித்து விட்டு வீடு திரும்பினோம். இரவு ஸ்வாமி வீதி உலா நடைபெற்ற போது மணி 12ஐ தாண்டிவிட்டது. 2-30 முதல் 4-15 வரை மீண்டும் பஜனைகள்.

ஸ்ரீராமர் வீதி உலா

22-04-2011 வெள்ளிக்கிழமை :: காலை ஸ்ரீ ஆஞ்சநேயர் உத்ஸவம். பார்த்து விட்டு, 10-15க்கு சிதம்பரம் கிளம்பி, 12 மணி ரயில் ஏறி, மாலை 6-15க்கு சென்னை எக்மோர் வந்து சேர்ந்தோம்.

இவ்வாறாக எங்கள் கவரப்பட்டு பயணம் இனிதாக, திருப்தியாக, மகிழ்ச்சியாக முடிந்தது. அப்பா - தாத்தா - கொள்ளுத் தாத்தா ஊர் பார்த்தது சந்தோஷமாக இருக்கிறது. அதுவும், தாத்தாவின் கோயில், தாத்தாவின் ராமர் உருவப் படம் பார்த்தது மனசுக்கு நிறைவாக இருக்கிறது.

எல்லாம் ஸ்ரீராமபிரான் - ஸீதம்மா அருள்.

ராஜப்பா11:20 AM
24-04-2011

Gruha Pravesam - 17 April 2011 (Arun)

2011-04-18T11:15:00.045+05:30

சென்னை அடையாரிலிருந்து 25 கிமீ தூரத்தில் OMR எனப்படும் பழைய மஹாபலிபுரம் ரோடில் (now, Rajiv Gandhi Salai) உள்ள படூர் என்னும் இடத்தில், அருண் ஒரு 2 BHK Flat க்கு முன்பதிவு செய்தான். இதற்கான பதிவு (Registration) 19-11-2009 அன்று திருப்போரூர் என்னும் ஊரில் (படூரிலிருந்து மஹாபலிபுரம் நோக்கி இன்னும் 10 கிமீ தூரம்) sub-registrar அலுவலகத்தில் நடந்தது (விவரங்கள் இங்கே)

வீடு கட்டி முடித்தபின் வீட்டிற்கான சாவி ஏப்ரல் 2011-ல் அருணிடம் வழங்கப்பட்டது. ஏற்கனவே க்ருஹ ப்ரவேஸத்திற்கான முஹூர்த்தம் ஃபிப்ரவரி 16 என நிச்சயிக்கப்பட்டு இருந்தது; ஆனால், சாவி கிடைக்காததால், முஹூர்த்தம் ஏப்ரல் 17, 2011 (ஞாயிற்றுக்கிழமை) என மீண்டும் நிச்சயிக்கப்பட்டது.

கிருஹப் ப்ரவேஸத்திற்கான வேலைகள் முழுமூச்சுடன் ஆரம்பிக்கப் பட்டன்; எல்லாரையும் ஃபோன் மூலமே அருண் - காயத்ரி அழைத்தனர். அருகிலுள்ள ஓரிருவரை மட்டும் நேரில் சென்று அழைத்தனர். சாஸ்திரிகள், உணவு ஏற்பாடுகள் செய்யப்பட்டன. புதிய உடைகள் வாங்கப்பட்டன. எல்லா ஏற்பாடுகளும் முடிந்தன, முஹூர்த்தமும் வந்தது.

ஏப்ரல் 16 (சனிக்கிழமை) புது வீட்டிற்கு காயத்ரி சென்று வீட்டைப் பெருக்கி, அலம்பி, கோலம் போட்டுவிட்டு வந்தாள். ஞாயிறு (17) காலை 4-15க்கே எழுந்து, குளித்து அருண் வீட்டிற்குப் போய் எல்லாருமாக 3 கார்களில் ப்டூர் போனோம். அஷோக் மட்டும் (பெங்களூரிலிருந்து) சனிக்கிழமை இரவு வந்தான். வயிற்று வலி காரணமாக நீரஜாவால் வர இயலவில்லை.

பாலு மாமா, மாமி அவர்கள் உறவினர்கள் 7-30க்கு வந்தனர். சாஸ்திரிகளும் வந்து, 7-40க்கு கோ-பூஜை வீட்டின் கீழ்தளத்தில் ஆரம்பித்தனர். பின்னர் எல்லாரும் 2-வது மாடியில் உள்ள புதுவீட்டினுள் வலதுகால் வைத்து நுழைந்தோம். ஹோமங்கள் ஆரம்பித்தன.

பின்னர் காயத்ரி பால் காய்ச்சினாள். ஹோமங்கள் முடியும்போது மணி 1000 இருக்கும்.

அடுத்து, உணவு. சுமார் 73 பேருக்கும் மேலாக வந்திருந்தனர். இலை போட்டு பரிமாறாமலும், buffet என சொல்ல முடியாமலும் லஞ்ச் வழங்கப்பட்டது. பால் பாயஸம், குலோப் ஜாமூன், புலவ், பச்சடி, சாம்பார் சாதம், வத்தல் குழம்பு, வடாம், ரசம், தயிர் சாதம், தயிர் வடை, உ.கிழங்கு கறி ஆகியவை பரிமாறப்பட்டன. நன்றாக ருசியாக இருந்தன.

வீட்டை ஒழித்து, சுத்தம் பண்ணி, அங்கிருந்து நாங்கள் (கடைசியாக) கிளம்பும்போது மணி 1:00. இவ்வாறாக, அருண் - காயத்ரியின் புது வீட்டு கிருஹப் ப்ரவேஸம் மிக நன்றாக நடந்தேறியது.

பத்மா, பிரகாஷ், ராஜேஸ்வரி, சரோஜா-அத்திம்பேர், ரமேஷ் மற்றும் குடும்பத்தினர், சுகவனம், சுதா-குடுமபம், விஜயராகவன், மாமி, பிரியா-ராஜேஷ், குழந்தை, கணபதி சுப்ரமணியம், மாமி, ஆகியோர் வந்தனர். பாலு மாமா பக்கத்திலிருந்து அவரது எல்லா உறவினர்களும் வந்தனர். மாமி பக்கத்திலிருந்து எல்லாரும் துறையூர் சென்று விட்டதால் ஒருவர் கூட வர இயலவில்லை.

சமையல் அறை, ஹால், இரண்டு அறைகள், இரண்டு குளியலறைகள் (ஒன்று தனியாக, இன்னொறு அறையினுள்) என வீடு சுமார் 850 ச அடியில் அமைந்துள்ளது. மொத்தம் 4 மாடிகள்; அருண் வீடு இரண்டாவது மாடியில் உள்ளது. லிஃப்ட் இருக்கிறது. பக்கத்து ஃப்ளாட்டில் காயத்ரியின் பெரியப்பா-பெரியம்மா (பாலு மாமாவின் அண்ணா) இருக்கப் போகிறார்கள். ஒருத்தருக்கு இன்னொருத்தர் நல்ல துணை.

படூர் கொஞ்சம் தூரம் (அடையாரிலிருந்து 25 கிமீ). நிறைய அடுக்கு மாடி கட்டிடங்கள் வந்த வண்ணம் உள்ளன.

அருண்-காயத்ரி-ஸௌம்யா-ஸ்ரீராம் புது வீட்டிற்கு வரும் மே மாஸ கடைசியில் குடி போவார்கள்.

விழா நல்லமுறையில் நடந்தேறியது ஆண்டவன் அருளே. அருணையும் அவன் குடும்பத்தையும் ஆண்டவன் ஆசீர்வதிக்க்கட்டும்

ராஜப்பா

11:15 மணி

18-04-2011

ஸ்ரீராமனின் கல்யாண குணங்கள் - வேளுக்குடி ஸ்ரீகிருஷ்ணன் ஸ்வாமிகள்

2011-04-01T10:00:00.001+05:30

வேளுக்குடி கிருஷ்ணன் ஸ்வாமிகள் சென்னை ஆழ்வார்பேட்டை ஆஸ்தீக ஸமாஜத்தில் இந்த 2011 மார்ச் 29-30-31 ஆகிய மூன்று தினங்கள் தினமும் மாலை 6-30க்கு உபன்யாஸங்கள் நிகழ்த்தினார். அவர் எடுத்துக் கொண்ட தலைப்பு :: “ஸ்ரீராமனின் கல்யாண குணங்கள்”

வால்மீகி முனிவர் ஆஸ்ரமத்திற்கு நாரதர் வந்தார்; அவரிடம் ஒரு பதினாறு கல்யாண குணங்களைப் பட்டியலிட்டு, இந்த 16 குணங்களும் ஒருவனிடத்தில் ஒரே சமயத்தில் இருக்குமா, அப்படியென்றால் யார் அந்த மனிதன் என்று சொல்ல முடியுமா என வால்மீகி கேட்டார்.

ஒரே வார்த்தையில் “ஸ்ரீ ராமன்” என நாரதர் பதிலளித்தார். இந்த 16 குணங்களையும் வேளுக்குடி தனக்கே உரித்தான தெளிய தமிழில் சலசலத்து ஓடும் காவிரியாக, பொங்கிப் பெருகும் கங்கையாக - வால்மீகியையும், கம்பரையும், ஆழ்வார்களையும் நம் கண் முன்னே நிறுத்தி விளக்கிச் சொன்னார்.

மிக அருமையாக இருந்தது. உபன்யாஸம் பண்ணிய 2 1/2 மணி நேரம் போனதே தெரியவில்லை.

ராஜப்பா
01-04-2011
காலை 1000 மணி

ஸ்ரீ வேளுக்குடி கிருஷ்ணன் ஸ்வாமிகள்

2011-03-26T17:30:00.002+05:30

வேளுக்குடி ஸ்ரீ கிருஷ்ணன் ஸ்வாமிகள் தமிழ்நாட்டிலும், இந்தியாவின் பல ஊர்களிலும் சென்று ஆன்மீக சொற்பொழிவுகள், உபன்யாஸங்கள் செய்து வருகிறார். இதன் அங்கமாக நேற்று அவர் ஹோசூர் சென்று உபன்யாஸம் செய்து வருகிறார். நேற்று, இன்று, நாளை (25,26,27 ஆகிய மூன்று தேதிகளில் மாலை 6 மணிக்கு)

உபன்யாஸம் செய்யும் இடம் சாவித்திரி வீட்டிலிருந்து நடக்கும் தூரத்தில் உள்ளது. சாவித்திரி நேற்று மாலை போயிருந்தாள்; இன்றும் போயிருப்பாள்.

சாவித்திரியும் ஹோசூரில் அவளது குழுவினரும் சேர்ந்து பஜனைகள், விசேஷ பூஜைகள், சஹஸ்ரநாமம் சொல்லுதல் இன்ன பிற ஆன்மீக விஷயங்களில் / தொண்டுகளில் ஈடுபடுவது எல்லாருக்கும் தெரியும்.

இவற்றை நடத்துவதற்காக சாவித்திரி வீட்டின் பக்கத்தில் ஒரு மாமி (புவனா மாமி) தன் வீட்டின் ஒரு பகுதியை கொடுத்துள்ளார். வருஷம் முழுதும் இங்கு பலவித பக்தி, ஆன்மீக சம்பந்தமான விழாக்கள் நடைபெறும். நானும் விஜயாவும் கூட சில பூஜைகளுக்கு சென்றுள்ளோம். BLOGம் எழுதியுள்ளேன். இந்த இடத்திற்கு “தபோவனம்” என பெயரிட்டுள்ளார்கள்.

வேளுக்குடி ஸ்ரீ கிருஷ்ணன் ஸ்வாமி ஹோசூர் வருகிறார் என்பது தெரிந்ததும், அவரை தபோவனத்திற்கு அழைத்து வணங்க வேண்டும் என சாவித்திரி மற்றும் குழு எண்ணியது.

வருவதற்கு ஒத்துக் கொள்வாரா என்பதே தெரியாத நிலையில், இவர்கள் முன் - வேலைகளை ஆரம்பித்துவிட்டார்கள். இடத்தை நன்கு அலம்பி, மெழுகி, கோலங்கள் போட்டு, ஸ்வாமி-அம்பாள் உருவப் படங்களை துடைத்து, குத்து விளக்கு போன்ற பூஜை சாமான்களை தேய்த்து, அலம்பி மெருகேற்றி .. . என வேலைகள் நீண்டன. இவற்றில் சாவித்திரியின் பங்களிப்பு நிறைய. நேற்று காலை 5, 6 மணி நேரம் இதில் செலவிட்டாள்.

நேற்று (வெள்ளி, 25) மாலை 9-30 க்கு அவரது உபன்யாஸம் நிறைவு பெற்றதும், அவரை அணுகி தங்கள் விருப்பத்தை தெரிவித்தார்கள். அவரும் உடனே ஒத்துக் கொண்டுவிட்டார்! நேற்று இரவோடு இரவாக மற்ற வேலைகளில் முழுகி விட்டனர்.

அவருக்கு வேஷ்டி, அங்கவஸ்திரம், ஷால் போன்றவை வாங்குவது, பூஜை செய்ய புஷ்பங்கள் வாங்குவது, அவற்றை மாலைகளாக தொடுப்பது, சக்கரை பொங்கல் போன்ற ப்ரஸாதங்கள் ஆர்டர் செய்வது, ஃபோட்டோக்ராஃபருக்கு சொல்லுவது, ஸ்வாமிக்கு நைவேத்யம் செய்ய ஏதாவது பணணுதல் etc etc நூறு விதமான வேலைகள். சாவித்திரி இரவு 2 மணி வரை இந்த வேலைகளில் ஈடுபட்டாள்.

இன்று (சனிக்கிழமை, 26) காலை 7, 7:30 க்கே தபோவன்ம் சென்று, ஸ்வாமி உருவப்படங்களை துடைத்து, குங்குமம், சந்தனம் இட்டு, தொடுத்த மாலைகளை அணிவித்து, விளக்குகள் ஏற்றி சாவித்திரியும் குழுவும் தயாரானார்கள். சாவித்திரியின் பங்கு இதில் அதிகம்.

வேளுக்குடி வந்ததும், அவரை பூரண கும்பம் வைத்து வரவேற்றனர். பின்னர் சிறிய பூஜை. ஷால் போர்த்தி அவரை வணங்கினர். இரண்டு நிமிஷங்கள் பேச அழைத்தனர். “நான் பேசவில்லை; நீங்கள் தினமும் பாராயணம் பண்ணும் ஸ்லோகங்கள், விஷ்ணு சஹஸ்ரநாமம் இவற்றை எல்லாரும் சேர்ந்து சொல்லுங்கள், நான் கேட்கிறேன்,” என்றாராம். உட்கார்ந்து உன்னிப்பாக கேட்டாராம். எல்லாருக்கும் ஒரே சந்தோஷம்.

வெளியில் எங்கும் அவர் சாப்பிடுவது கிடையாது (அவரது மனைவி எல்லா இடங்களுக்கும் சென்று தினமும் தன் கையால் சமைத்து போடுகிறாராம்) எனவே நிவேதனமான பால், பழங்களை அருந்தி விட்டு அவர் திரும்பினார். அவர் நடத்தும் கிஞ்சித்காரம் அறக்கட்டளைக்கு (ட்ரஸ்ட்) இவர்கள் ரூ 6000 க்கும் மேல் அளித்தனர்.

சாவித்திரிக்கு பரம திருப்தி, உள்ளம் முழுதும் சந்தோஷம். இவ்வாறு ஸ்வாமி கார்யங்களில் உள்ளார்ந்த முழு மனசுடன் ஈடுபடுவது எல்லாருக்கும் கிட்டாது; சாவித்திரிக்கு கொடுப்பினை இருக்கிறது. திருப்தியாக செய்கிறாள். சந்தோஷமாக இருக்கிறாள்.

ஸ்ரேயான் த்ரவ்யமயாத்-யஜ்ஞாத் ஜ்ஞான யஜ்ஞ: பரந்தப
ஸர்வம் கர்மாகிலம் பார்த்த ஜ்ஞானே பரிஸமாப்யதே

என்று கீதை ஞானகர்மஸந்யாஸ யோகத்தில் (4:33) கிருஷ்ண பகவான் அர்ஜுனனுக்கு சொல்லுகிறார். (திரவியம் கொண்டு செய்யப்படும் யஜ்ஞங்களை விட, பக்தியோடு செய்யப்படும் ஜ்ஞான யஜ்ஞங்கள் மிக சிறந்தவை). இது போன்று பகவானின் பணிகளில் தொண்டுகளில் தன்னை ஈடுபடுத்திக் கொள்வதே ஜ்ஞான யஜ்ஞம். ஆயிரம், லக்ஷம் என செலவு செய்து செய்யப்படும் த்ரவ்ய-மயாத் யஜ்ஞாத் (திரவியம் மயமான யஜ்ஞங்களை விட) இதுவே ஸ்ரேயாத் என்பது பகவானின் வாக்கு.

இதில் நான் ஒன்றும் பங்களிக்கவில்லை என்றாலும், இன்று என் மனசு முழுக்க சந்தோஷமாகவும், திருப்தியாகவும் உள்ளது.

சாவித்திரியும் எல்லாரும் நன்றாக இருக்கட்டும்.

ராஜப்பா
5-30 மாலை
26-03-2001

ஸ்ரீமத் பாகவதம் 10-வது ஸ்கந்தம் - ஸ்ரீ வேளுக்குடி கிருஷ்ணன் ஸ்வாமிகள்

2011-03-25T10:00:00.002+05:30

பாகவதம் 10-வது ஸ்கந்தம்

பாகவதத்தில் 9-வது ஸ்கந்தத்தின் “முன்னுரை”யை இங்கு படிக்கலாம். 9-வது ஸ்கந்தம் ஃபிப்ரவரி 9-ஆம் தேதியன்று துவங்கியது. இன்று (25-03-2011) காலை நிறைவு பெற்றது. வேளுக்குடி ஸ்ரீ கிருஷ்ணன் ஸ்வாமிகள் இன்று காலையே 10-வது ஸ்கந்தத்தை ஆரம்பித்தார்.

ஸ்ரீமத் பாகவதம் 9-வது ஸ்கந்தத்தில் ஸூர்ய வம்ஸமும், சந்திர வம்ஸமும் விளக்கிச் சொல்லப்பட்டன. அத்ரியின் வம்ஸத்தில் சந்திரன் => புதன் => புரூரவஸ் => ஸத்யவதி => விஸ்வாமித்திரர் => ஜமதக்னி => பரசுராமர் என நீள்கிறது.

விஸ்வாமித்திரருக்கு யயாதி என்ற பேரன் பிறந்தார். யயாதிக்கு யது, புரு, அநு என 3 பிள்ளைகள். புருவின் வம்ஸத்தில் திருதராஷ்டிரன், பாண்டு பிறந்தனர்; இவர்களுக்கு கௌரவர்களும், பாண்டவர்களும் பிறந்தனர். இவர்கள் வம்ஸம் மஹாபாரதத்தில் விரிவாக சொல்லப்படுகிறது.

அநுவின் வம்ஸத்தில் அதிரதர் பிறந்தார்; இவர்தான் பின்னால் கர்ணனை வளர்த்த தேரோட்டி.

யயாதியின் இன்னொரு மகனான யதுவிற்கு குகுரர், யஜமானர் என 2 பிள்ளைகள்.

குகுரருக்கு தேவகர், உக்ரஸேனர் பிள்ளைகள். தேவகருக்கு தேவகி என்ற பெண்; உக்ரஸேனருக்கு கம்ஸன் என்ற மகன். (தேவகியும் கம்ஸனும் அண்ணா, தங்கை)

யஜமானருக்கு சூரஸேனனும், சூரஸேனனுக்கு வஸுதேவர் என்ற மகனும், ப்ருதா, ச்ருதச்ரவஸ் என்ற 2 பெண்களும் பிறந்தனர்.

ப்ருதாவை குந்தி தேச ராஜாவிற்கு ஸ்வீகாரம் கொடுத்து விட்டனர். எனவே ப்ருதா, குந்தி என்ற பெயருடன் விளங்கினாள். குந்திக்கு கர்ணனும் பாண்டவர்களும் பிறந்தனர்.

ச்ருதச்ரவஸுக்கு சிசுபாலன் பிறந்தான்.

வஸுதேவர் தேவகியை கல்யாணம் பண்ணிக்கொண்டு கண்ணன் முதலான் 8 குழந்தைகளை பெற்றார். வஸுதேவர் - ரோஹிணிக்கு பலராமன் பிறந்தார். வஸுதேவர் - பௌரவீக்கு (3-வது மனைவி) ஸுபத்ரா பிறந்தாள்.

கண்ணனின் அத்தைகள் குந்திதேவி மற்றும் ச்ருதச்ரவஸ். எனவே அர்ஜுனனும், சிசுபாலனும் கண்ணனின் அத்தை பிள்ளைகள்.

கண்ணனின் தங்கையான ஸுபத்ராவிற்கும் அர்ஜுனனுக்கும் அபிமன்யு பிறந்தான். அபிமன்யுவின் மகன்தான் பரீக்ஷித்.

இவ்வாறாக 9-வது ஸ்கந்தத்தில் வம்ஸங்கள் விளக்கப் பட்டன.

இனி பாகவதத்தின் மிக முக்கிய 10 வது ஸ்கந்தம். இதில் கண்ணனின் பிறப்பும், வளர்ந்ததும் விரிவாக சொல்லப்படுகின்றன. பொறுத்திருந்து கேட்போம் - கண்ணனின் ஆரமுதை பருகுவோம் - அவனது அருளை அடைவோம்.

(பொதிகை டீவியில் திங்கள் முதல் வெள்ளி வரை காலை 6-30க்கு ஸ்ரீமத் பாகவதம் ஒளிபரப்பாகிறது. 2009 நவம்பர் 9-ஆம் தேதியன்று துவங்கியது. இன்று 358 வது பகுதி ஒளிபரப்பாகியது.)

ராஜப்பா
10:00 காலை
25-03-2011

Mylapore Ther 16March2011

2011-03-16T15:00:00.013+05:30

இது ஒரு Digital புகைப்பட blog.

மயிலாப்பூர் ஸ்ரீ கற்பகாம்பாள் ஸமேத ஸ்ரீ கபாலீஸ்வரர் கோயிலில் தற்போது பங்குனி ப்ரம்மோத்ஸவம் நடைபெற்று வருகிறது. இன்று புதன்கிழமை 16 மார்ச் 2011 தேர் உத்ஸவம்.

காலை 9-45க்கு நானும் விஜயாவும் மயிலாப்பூர் சென்றோம். அங்கு கண்ட சில காட்சிகளை காமிராவில் பதிந்து கொண்டேன். நீங்களும் பாருங்கள்:

RK Math ரோடில் கடை விரிக்கிறார்கள்

பக்கத்திலேயே மோர் தருகிறார்கள்

(Ramakrishna Math at the back)

ராமகிருஷ்ண மடத்திற்கு அருகில் மோர் உபசரிப்பு

இது தெற்கு மாட வீதி - மாவடு சீஸன்

தெற்கு மாட வீதியில் விஜயா தாக சாந்தி

கோயிலின் அருகில் ... காவல் அறிவிப்பு

கோயில் சன்னதி தெருவில் கிரி ட்ரேடர்ஸ்

ஸ்வாமி தேர் நிலைக்கே வந்து விட்டது.

இன்று 7 மணிக்கே புறப்பாடு ஆகியது.

இது கீழ வீதியில்.

ஸ்வாமி தேரின் இன்னொரு காக்ஷி

அம்பாள் மற்றும் முருகன் தேர்கள்.

கிழக்கு வீதியில்.

ஸ்வாமி தேரின் பின்புற காக்ஷி

கீழ வீதியில்

அம்பாள் தேர்

முருகன் தேர்

கீழ வீதி

கீழ வீதியில் கற்பகாம்பாள் மெஸ்

எதிரில் தயிர் சாதம் உபசரிப்பு

மீண்டும் தெற்கு மாட வீதி

மாவடு கொட்டி குவித்திருக்கிறார்கள்.

ராமகிருஷ்ண மட வீதியிலும், கோயிலைச் சுற்றியுள்ள மாட வீதிகளிலும் நிறையக் கடைகள். பல இடங்களில் அண்டாக்கள் நிறைய மோர் நிரப்பி எல்லாருக்கும் கொடுத்துக் கொண்டிருந்தனர். தயிர் சாதம், சக்கரைப் பொங்கல், ரவா கேஸரி அள்ளி அள்ளி கொடுத்தனர்.

எல்லா இடங்களும் உத்ஸவ கோலாகலமாக காணப்பட்டன.

நாளை (17 மார்ச்) 63-வர் உத்ஸவம் - சந்திப்போம்.

ராஜப்பா
16-03-2011
பகல் 3 மணி

போட்டோக்களில் ஏன் கூட்டமே தென்படவில்லை என நினைப்பவர்களுக்கு இதோ 17-ஆம் தேதி பேப்பரிலிருந்து ஃபோட்டோக்கள்

டைம்ஸ் ஆஃப் இந்தியா

Gruha Pravesam - 06 March 2011 (Arvind)

2011-03-07T10:00:00.072+05:30

அர்விந்த் - கிருத்திகாவின் புது வீட்டிற்கான கிருஹப் ப்ரவேஸம் நேற்று, 6 மார்ச் 2011 (ஞாயிற்றுக்கிழமை) வெகு விமரிசையாக நடந்தேறியது.

இரண்டு மாதங்களுக்கு முன்பு இதற்கான முஹூர்த்தம் குறிக்கப்பட்ட பிறகு அர்விந்தும் கிருத்திகாவும் சுறுசுறுப்பாக பணிகளை ஆரம்பித்தனர். பத்திரிகை அச்சடிப்பது முதல், சாஸ்திரிகள் ஏற்பாடு, உணவு ஏற்பாடு, புத்தாடைகள் வாங்குவது, விருந்தினர்கள் அழைப்பு போன்ற வழக்கமான வேலைகளை முடித்து 6-ஆம் தேதிக்கு தயாராகினர்.

4-ஆம் தேதி வெள்ளி காலை அஷோக்கும், நீரஜாவும் பங்களூரிலிருந்து வந்தனர். 5-ஆம் தேதி ஸ்ரீகாந்த் தில்லியிலிருந்து வந்தான். சதீஷும், ஸ்ருதியும் வந்தனர். 4-ஆம் தேதி இரவு முதலே வெளியிலிருந்துதான் சாப்பாடு.

5-ஆம் தேதி மாலை நீரஜாவும், கிருத்திகாவும் புது வீட்டிற்கு போய் கோலம் போட்டனர். அர்விந்த், கிருத்திகா, மற்றும் விஜயா விழாவிற்கு தேவைப்படும் எல்லா சாமான்களையும் எடுத்து வைத்தனர்.

6-ஆம் தேதி - முஹூர்த்த நாள். காலை 4 மணிக்கே எழுந்து குளித்து, 5-30 மணிக்கு புது வீட்டிற்குப் புறப்பட்டோம். அருண் காயத்ரி, குழந்தைகள் 6-15க்கு அங்கு வந்தனர். கிருத்திகாவின் பெற்றோரும் 6-15க்கு வந்து விட்டனர்.எல்லாருக்கும் அர்விந்த புத்தாடைகள் வாங்கிக் கொடுத்தான்; எல்லாரும் அணிந்து கொண்டோம்.

அதிதி தன் புது பட்டுப் பாவாடையில்

7 மணிக்கு கோ- பூஜையுடன் கிருஹப் ப்ரவேஸ விழா ஆரம்பித்தது. கிருத்திகா - அர்விந்த இருவரும் பசுவிற்கு பூஜை செய்த பிறகு, எல்லாரும் வலது கால் வைத்து, ஸ்வாமி படங்களை கைகளில் ஏந்தி, புது வீட்டில் நுழைந்தோம்.

கோ பூஜை

கிருஹப் ப்ரவேஸம்

பின்னர் காலைச் சிற்றுண்டி; பொங்கல், வடை. “ஓம் CATERERS". சரோஜா-அத்திம்பேர், சுகவனம், ரமணி, பத்மா மன்னி, இந்திரா, அகிலா, ஆகியோர் சிற்றுண்டியின் போதே வந்து விட்டனர். 30-35 பேர் சிற்றுண்டி சாப்பிட்டோம்.

ஸௌம்யா, அதிதி, ஸ்ருதி

அடுத்து, கிருத்திகா பால் காய்ச்சினாள். புது பாலை குடித்தோம்.

பால் காய்ச்சுதல்

அடுத்து கணபதி ஹோமம், நவக்ரஹ ஹோமம் நடைபெற்றன. 10-30 மணிக்கு நிறைவு பெற்றன. நன்றாக நடந்தது.

மேற்குறிப்பிட்ட (14 + 2 + 7) 23 பேரைத் தவிர, ஜெயராமன் குடும்பம், சுதா குடும்பம், விஜயராகவன், மாமி, ரமேஷ் குடும்பம், லலிதா - குமார், ஜனனி, குழந்தை, பிரபாகரன், மாமி என 41 உறவினர்களும்; TSGயின் நண்பர்களும், பெஸண்ட்நகர் வீட்டு நணபர்களும், அர்விந்த் - கிருத்திகாவின் அலுவலக நண்பர்களும் என நிறையப் பேர் வந்தனர். கிருத்திகாவின் இசை குரு ஸ்ரீமதி பாம்பே ஜெயஸ்ரீ அவ்ர்கள் வந்து வாழ்த்தினார். 150 பேருக்கு மேல் மதிய விருந்து சாப்பிட்டோம். பின்னர் எல்லாரும் கிளம்பினர்.

உறவினர்களில் ஒரு பகுதி

விழா நடந்த இடத்தை காலி செய்து, சாமான்களை பெஸண்ட்நகர் வீட்டிற்கு எடுத்துக் கொண்டு நாங்கள் திரும்பும்போது மணி 2-30.

கிருஹப் பிரவேஸம் மிக மிக நன்றாக நடந்தது. அர்விந்த், கிருத்திகா, விஜயாவின் கடும் உழைப்பு வீண் போகவில்லை. எல்லாம் ஆண்டவன் அருள். குழந்தைகள் ஸ்ரீராம், அதிதி, ஸௌம்யா விழாவில் மிகவும் உற்சாகத்துடன் இருந்தனர்.

குழந்தைகள்

பத்மா வீட்டிலிருந்து யாரும் வரவில்லை. சுந்தரேசன், சாவித்திரி, ரமா, வாசு, உஷா, காயத்ரியின் பெற்றோர், நீரஜாவின் பெற்றோர் ஆகியோர் தொலைபேசி மூலம் விசாரித்து வாழ்த்துக்கள் தெரிவித்தனர்.

மாலை ஸ்ரீகாந்த் தில்லி திரும்பினான். ஸ்ருதி காலேஜ் ஹாஸ்டலிற்கும், சதீஷ் தன் இருப்பிடத்திற்கும் திரும்பினர். அஷோக் - நீரஜா இரவு 11 மணி ரயிலில் பங்களூர் புறப்பட்டனர். அர்விந்த் - கிருத்திகா - அதிதி ஆகியோர் புது வீட்டிற்கு சென்று இரவு தூங்கினர்.

இவ்வாறாக, கிருஹப் ப்ரவேஸம் நல்ல முறையில் நடந்தேறியது. அடுத்து, அருண் - காயத்ரியின் புது வீடு கி்ருஹப் ப்ரவேஸம் ஏப்ரல் 17 2011, ஞாயிற்றுக் கிழமை என முஹூர்த்தம் குறிக்கப்பட்டுள்ளது.

ராஜப்பா
காலை 10:00 மணி
07-03-2011

ஸ்ரீமத் பாகவதம் - 339

2011-02-28T09:45:00.002+05:30

ஸ்ரீமத் பாகவதம் உபன்யாஸத்தின் 339-வது பகுதி இன்று (28 ஃபிப்ரவரி 2011) நடந்தது. இன்று ஸ்ரீராமர் ஜனனம் சொல்லப்பட்டது.

இக்ஷ்வாகு வம்ஸத்தில் பகீரதனுக்குப் பின்னர் வந்த அஜர் என்பவருக்கு தசரதன் பிறந்தார். ரிஷ்யசிருங்கர் மூலமாக தசரதன் செய்த புத்திரகாமேஷ்டி யாகத்தில் பாயஸக் குடம் வந்தது. அந்த பாயஸத்தை தசரதன் இரண்டாகப் பிரித்து ஒரு 1/2 பாகத்தை கௌஸல்யாவிற்கு கொடுத்தார்; மீதமிருந்த 1/2 பாகத்தை மீண்டும் இரண்டாக பிரித்து (அதாவது மொத்தத்தில் 1/4 பாகத்தை) கைகேயிக்கும், மீதமிருந்த 1/4 பாகத்தை இரண்டாக பிரித்து (1/8 பாகம்) இரண்டையும் ஸுமித்ரைக்கும் கொடுத்தார்.

கௌஸல்யாவிற்கு ஸ்ரீராமரும், கைகேயிக்கு பரதனும், ஸுமித்ரைக்கு லக்ஷ்மணன், சத்ருக்னன் ஆகியோரும் பிறந்தனர். குழந்தைகளுக்குப் பெயர் வைக்க வந்த வஸிஷ்டர் இரண்டு குழந்தைகள் (லக்ஷ்மணன், சத்ருக்னன்) அழுவதைக் கண்டார். ராமன் பக்கத்தில் தான் இல்லையென்று லக்ஷ்மணனும், பரதன் பக்கத்தில் தான் இல்லையென்று சத்ருக்னனும் அழுதனராம். ராமன் இருந்த அதே தொட்டிலில் லக்ஷ்மணனையும், பரதன் இருந்த தொட்டிலில் சத்ருக்னனையும் விட்டபிறகுதான் அழுகை ஓய்ந்ததாம்.

அன்று முதலே ராமனின் நிழலாக லக்ஷ்மணன் எப்போதும் ராமனின் அருகிலேயே இருந்து ராமனுக்குப் பணிவிடைகள் செய்வதையே தன் கடமையாக செய்துவந்தான் என்பது யாவரும் அறிந்ததே.

இன்று காலையில் வேளுக்குடி ஸ்ரீகிருஷ்ணன் ஸ்வாமிகள் ஸ்ரீராம ஜனனத்தை விவரிக்கும் போது மனசுக்கு என்ன நிம்மதியாக இருந்தது தெரியுமா? பக்தி பரவசத்தை அனுபவித்தால் தான் புரியும்.

ஸ்ரீராம சரித்திரம் இன்னும் தொடரும். எல்லாருக்கும் ராம-லக்ஷ்மண-ஜானகியின் அருளாசி கிட்டட்டும்.

ராஜப்பா
28-02-2011
காலை 9:45 மணி

ஸ்ரீ ஸத்யநாராயண வ்ரத பூஜை - 18.02.2011

2011-02-24T10:04:00.001+05:30

நீரஜாவும் அஷோக்கும் சில வருஷங்களாக ஸ்ரீஸத்ய நாராயண வ்ரத பூஜை அனுஷ்டித்து வருகிறார்கள். இந்த வ்ரதத்தை பற்றியும் அவர்கள் 29 மார்ச் 2010 அன்று பூஜை செய்த விவரத்தையும் இங்கு படிக்கலாம்.

இந்த (2011) வருஷம் அவர்கள் 18 ஃபிப்ரவரி 2011 (வெள்ளிக்கிழமை) அன்று இந்த பூஜையை செய்தனர். விஜயாவும் நானும் சென்னையிலிருந்து 17-ஆம் தேதி பிற்பகல் பெங்களூர் சென்றோம்.

பூஜைக்கான ஏற்பாடுகளை (சாமான்கள் வாங்குதல் போன்றவை) நீரஜாவும், அஷோக்கும் ஏற்கனவே செய்து முடித்திருந்தனர். 18-ஆம் தேதி மாலை 4 மணிக்கு வீட்டை மெழுகி, துடைத்து, ஸ்வாமி படத்தை எடுத்து வைத்து, அலங்கரித்து பூஜைக்குத் தயாராகினோம். நீரஜா எலுமிச்சம்பழ சாதம், ரசஞ்சாதம், தயிர் சாதம், உ.கிழங்கு கறி செய்தாள். மாமி, மாமா, ஸ்ரீவள்ளி ஆகியோர் 4-45க்கு வந்தனர். நைவேத்யத்திற்கு மாமி ரவாகேஸரி பண்ணி எடுத்து வந்தார்.

சாஸ்திரிகள் 5-45க்கு பூஜையை ஆரம்பித்தார்.சென்னை மயிலாப்பூரிலிருந்து நாங்கள் வாங்கிச் சென்ற புடவையை நீரஜா அணிந்து கொண்டாள். மிகவும் விரிவான பூஜை. ஸ்ரீவிஷ்ணு சஹஸ்ர 1008 நாமாவளியுடன் பூஜை 8-15க்கு நிறைவுற்றது. மாமியும், விஜயாவும் 1008 நாமாவளியையும் அவருடன் சேர்ந்து சொன்னார்கள்.

பூஜைக்கு தயாராகிறது

தீபாராதனை, நமஸ்காரத்திற்கு பின்னர் சாஸ்திரிகள் ஸ்ரீஸத்ய நாராயண வ்ரத மஹாத்மிய கதைகளை (கன்னடத்தில்) சொன்னார். இவ்வாறாக, இந்த வருஷமும் (2011) பூஜை வெகு சிறப்பாக நடந்தது. நீரஜாவையும் அஷோக்கையும் ஸத்ய நாராயணர் ஆசீர்வதிக்கட்டும். GOD Bless them both.

We returned to Chennai on 22nd Feb 2011.

rajappa

10:15 AM

24-02-2011

Karthik-Vasanth Upanayanam

2011-02-15T10:00:00.112+05:30

2011 ஃபிப்ரவரி 13, ஞாயிறு காலை 0700 மணிக்கு சாவித்திரியின் பேரன்களும், பாலகிருஷ்ணனின் (ரமேஷ்) புத்திரர்களுமான கார்த்திக் (13), மற்றும் கோகுலகிருஷ்ணன் (வஸந்த்) (7) இருவருக்கும் உபநயனம் வெகு சிறப்பாக நடந்தேறியது. அண்ணாநகர் 8வது மெயின் ரோடில் ஒரு மண்டபத்தில் விழா நடந்தது. உற்றார், உறவினர், நண்பர்கள் என நிறைய பேர் வந்திருந்து சிறுவர்களை ஆசீர்வதித்தனர்.

இனி தொடக்கத்திலிருந்து ...

2010-ல் ஆகஸ்ட் 19ஆம் தேதி சாவித்திரி எனக்கு ஃபோன் பண்ணி முஹூர்த்தம் குறித்துத் தருமாறு கேட்டாள்; நானும் பல நாட்கள் வேலை செய்து, 6 முஹூர்த்த நாட்களை தேர்வு செய்து அவளுக்கு செப்டம்பர் 10ஆம் தேதி தெரிவித்தேன். இந்த 6 நாட்களிலிருந்து அவள் 13 ஃபிப்ரவரி 2011 ஞாயிறு என்ற முஹூர்த்தத்தை முடிவு செய்தாள். ஆக, 5 மாதங்களுக்கு முன்பாக உபநயன வேலைகள் தொடங்கின.

முதலில் ரமேஷ் அண்ணாநகரில் ஒரு மண்டபத்தை முடிவு செய்தான். அடுத்து, பெசண்ட்நகரில் ஸ்ரீநிவாஸன் என்ற கேடரரை முடிவு செய்து நவம்பர் 15-ஆம் தேதி அவருக்கு முன்பணம் கொடுத்தேன். சாவித்திரியும் ரமேஷும் தங்கள் வேலைகளை (பத்திரிகை அடித்தல், PURCHASES etc) துவங்கினார்கள். ஃபிப்ரவரியும் வந்தது.

08-02-2011:: கணேஷும் ஸ்ரீதேவியும் அமெரிக்காவிலிருந்து வந்தனர்; 10ஆம் தேதி இரவு சென்னை வந்தனர்.

11-02-2011 வெள்ளிக்கிழமை:: இன்று ஸமாராதனை பண்ணினாள். ரமேஷ் வீட்டிலேயே இது நடந்தது. சாவித்திரி குடும்பத்தை தவிர நாங்கள் இருவர், சுகவனம், ரமா (ஹைதராபாதிலிருந்து இன்று காலை வந்தாள்), ஸ்ருதி ஆகியோர் கலந்து கொண்டோம். சீர் பக்ஷணங்களை அங்கு கொண்டு செல்ல வேண்டியிருந்ததால், நாங்கள் ரமேஷ் வீட்டிற்கு ”கால்-டாக்ஸியில்” சென்றோம். விஜயாவும், ரமாவும் ஸ்ரீலலிதா ஸஹஸ்ரநாமம் படிக்க, விஜயவாணியும், ஸ்ரீதேவியும் பூஜை பண்ணினார்கள்.

ரமேஷ் வீட்டில் ஸமாராதனை

சாவித்திரியும், விஜயவாணியும் சமையல் செய்தனர். சாப்பாட்டிற்கு பிறகு 2 மணிக்கு நாங்கள் கிளம்பி, 4 மணிக்கு வீடு வந்து சேர்ந்தோம்.

12-02-2011 சனிக்கிழமை :: இன்று உதக சாந்தி மற்றும் நாந்தி. நானும் விஜயாவும் விடியலில் எழுந்து, பஸ் 47A பிடித்து காலை 8 மணிக்கு மண்டபத்திற்கு வந்தோம். சாவித்திரி குடும்பம், சுகவனம், ரமா, சதீஷ் ஆகியோர் அங்கு 5 நிமிஷங்கள் முன்னதாக வந்தனர். பின்னர், சரோஜா, அத்திம்பேர், மங்களம் வந்தனர். மாலை சுந்தரம் அண்ணாவும், அவர் மகன் பாஸ்கரனும் நெய்வேலியிலிருந்து வந்தனர்.

உதகசாந்தி, 12-02-2011

உதக சாந்தியும், நாந்தியும் சிறப்பாக நடந்தன. 9 சாஸ்திரிகள் வந்து நடத்திக் கொடுத்தனர். காலை டிஃபன், மதியம் / இரவு சாப்பாடு நன்றாக இருந்தன. மண்டபமும் வசதியாக இருந்தது. 9-10 அறைகள் இருந்தன. சௌகரியமாக தூங்கினோம்.

13-02-2011 ஞாயிறு :: இன்று ப்ரஹ்மோபதேஸ முஹூர்த்தம். விடியற்காலை 4 மணிக்கே எழுந்து ரெடியானோம். 5-15 க்கு சாஸ்திரிகள் வந்து ஆரம்பித்தார். முதலில் குமார போஜனமும், பின்னர் உபநயனமும் நடந்தன. அடுத்து ப்ரஹ்மோபதேஸம். கார்த்திக்கிற்கு அவன் தகப்பனார் ரமேஷும், சின்னவன் வஸந்த்திற்கு அவன் சித்தப்பா கணேஷும் ப்ரஹ்மோபதேஸம் செய்தார்கள். அப்போது மணி சரியாக காலை 7-00.

குமார போஜனம்

சாவித்திரி குடும்பம் (7 பேர்), சரோஜா-அத்திம்பேர் (2), நாங்கள் (2), சுகவனம் (1), ஜெயராமன் குடும்பம் (4), மங்களம், சுதன் (2), ரமா, சதீஷ் (2), ரவி (தில்லியிலிருந்து ஃப்ளைட்டில் வந்தான்), ஸ்ருதி, அருண் குடும்பம் (4), அர்விந்த் குடும்பம் (3), சுதா (4), (மொத்தம் GRS Family 33 பேர்). லலிதா-குமார், சேலம் கோபு அண்ணா, சொர்ணம் அக்கா-அத்திம்பேர், சுகவனம், நெய்வேலியிலிருந்து சுந்தரம் அண்ணா, பாஸ்கர், காயத்ரியின் பெற்றோர் பாலசுப்ரமணியம், மாமி, கிருத்திகாவின் பெற்றோர் கணபதி சுப்ரமணியன், மாமி ஆகியோரும் வந்தனர். ஸ்ரீதேவியின் பெற்றோர் பெங்களூரிலிருந்து வந்தனர்.

ஹோசூர், கடலூர், திருச்சி, தொட்டியம் ஆகிய ஊர்களிலிருந்து பல பேர் வந்தனர். 130-க்கும் மேலாக காலை உணவிற்கு வந்தனர். நல்ல வருகை. காலை டிஃபனுக்கு பின்னர் நிறைய பேர் திரும்பிவிட்டனர். பகல் உணவிற்கு சுமார் 77 பேர்கள் சாப்பிட்டனர்.

ப்ரஹ்மோபதேஸம்

ஆக, விழா மிக மிக சிறப்பாக, GRANDஆக நடந்தேறியது. சாவித்திரியின் ஐந்து மாஸ உழைப்பும், ஸ்ரத்தையும், பங்களிப்பும் வீண் போகவில்லை. HATS OFF TO SAVITHRI. ரமேஷும், ரமாவும், சுகவனமும், கார்த்திக்கும், நன்கு உழைத்தனர், ஸ்ரீராமருக்கு அணில் செய்த உதவிபோல விஜயாவும், நானும் எங்களால் முடிந்ததை செய்தோம்.

வந்த உறவினர்களில் ஒரு பகுதி

மண்டபத்தை காலி செய்து, 2 மணிக்கு நாங்களும் 3-30க்கு சாவித்திரி, ரமா ஆகியோரும் கிளம்பினோம். 15-02-2011 செவ்வாய்க் கிழமை காலை சாவித்திரி, கணேஷ், ஸ்ரீதேவி ஆகியோர் காரில் ஹோசூர் / பெங்களூர் திரும்பினர்.

இவ்வாறாக, கார்த்திக்-வஸந்த உபநயனம் நடந்து முடிந்தது. எல்லாம் ஆண்டவன் அருள்.

ராஜப்பா
15-02-2011
காலை 10:00 மணி

ஸ்ரீமத் பாகவதம் - 9-வது ஸ்கந்தம் - வேளுக்குடி கிருஷ்ணன் ஸ்வாமிகள்

2011-02-09T10:00:00.004+05:30

**
வேளுக்குடி ஸ்ரீ கிருஷ்ணன் ஸ்வாமிகள் நேற்று (08-02-2011) பாகவதத்தின் 8-வது ஸ்கந்தத்தை நிறைவு செய்தார். (29-12-2010 அன்று இந்த ஸ்கந்தத்தை ஆரம்பித்தார்.) 8-வது ஸ்கந்தத்தில் முக்கியமாக கஜேந்திர மோக்ஷமும், வாமன அவதாரமும், ஓங்கி உலகளந்த திரிவிக்ரமன் அவதாரமும் சொல்லப்படுகின்றன.

இன்று, புதன்கிழமை 09-02-2011; காலையில் 9-வது ஸ்கந்தம் சொல்ல ஆரம்பித்துள்ளார். இந்த ஸ்கந்தத்தில் முதலில் ஸூர்ய வம்ஸம் சொல்லப்படுகிறது. அதிதி தேவிக்கும் - காச்யபருக்கும் பிறந்தவர் விவஸ்வான் (ஸூர்யன்) இவரது புத்திரர் சிராத்ததேவர். இவரை வைவஸ்வதன் என்று அழைப்பார்கள் (வைவஸ்வத மநு) இவருடைய புத்திரர் இக்ஷ்வாகு.

ஞானகர்மஸந்யாஸ யோகத்தை அர்ஜுனனுக்கு விளக்கவந்த ஸ்ரீகிருஷ்ண பரமாத்மா இக்ஷ்வாகுவின் வம்ஸத்தை சொல்லுகிறார் :: (கீதை 4வது அத்தியாயம் முதல் 3 ஸ்லோகங்கள்)

இமம் விவஸ்வதே யோகம் ப்ரோக்தவான் அஹம் அவ்யயம் |
விவஸ்வான் மனவே ப்ராஹ மனுர் இக்ஷ்வாகவே அப்ரவீத் ||

(அழிவற்ற இந்த யோகத்தை நான் விவஸ்வானுக்கு பகர்ந்தேன். விவஸ்வான் மனுவிற்கு மொழிந்தான். மனு இக்ஷ்வாகுவிற்கு உரைத்தான்)

(இவ்வாறு பரம்பரையாக வந்துள்ள இந்த யோகம் ... .... 2வது ஸ்லோகம்)

இக்ஷ்வாகுவின் வம்ஸத்தில் ஸத்யவ்ரதர் (த்ரிசங்கு), ஹரிச்சந்திரன், பகீரதன், தசரதன், பின்னர் ஸ்ரீராமபிரான் ஆகியோர் தோன்றினர்.

சிவனை நோக்கி கடுந்தபஸ் செய்த பகீரதனின் தவ பலனால் கங்கை பூமிக்கு கொண்டுவரப்பட்டாள் - கபில ரிஷியால் சாபமிடப்பட்ட தன் 60000 முன்னோர்களை பகீரதன் இந்த கங்கை ஜலத்தினால் உயிர்ப்பித்தான்.

அடுத்து, ஸ்ரீராம காதை சொல்லப்படுகிறது. சித்திரை மாஸம், புனர்வஸு நக்ஷத்திரம், நவமி திதியில் ஸ்ரீராமர் அவதரித்தார். ஸ்ரீராமபிரான்-ஸீதையின் வரலாறு ஒவ்வொரு குழந்தைக்கும் கூட தெரியும்.

ஸ்ரீ ஸீதை பிராட்டியின் முன்னோர் வம்ஸமும் சொல்லப்படுகிறது. ஸீதாவிற்கு அந்தப் பெயர் வந்த காரணமும், வைதேஹி, மைதிலி, ஜானகி என்ற பெயர்க் காரணங்களும் விளக்கப்படுகின்றன.

ஸ்ரீராம காவியத்திற்குப் பிறகு, சந்திர வம்ஸம் சொல்லப்படுகிறது. பிரஹ்மாவின் புத்திரர் அத்ரி; பின்னர் சந்திரன், புதன், புரூரவஸ் என வம்ஸம் போகிறது. பின்னர் ஸத்யவதி; அடுத்து விஸ்வாமித்திரர் => யயாதி =>> புரு என வம்சம் நீளுகிறது.

புருவின் வம்ஸத்தில் பரத மஹாராஜா =>> பின்னர், பாண்டவர்கள், கௌரவர்கள். =>> பின்னர் பரீக்ஷித்.

யயாதி வம்ஸத்தில் தோன்றியவர் ஸ்ருஷ்ணி =>> வஸுதேவர் =>> ஸ்ரீகண்ணன்.

இவ்வாறே 9-வது ஸ்கந்தத்தில் உக்ரஸேனர், தேவகீ, கம்ஸன், குந்தி, சிசுபாலன், பலராமர், ஸுபத்ரா, போன்றோரின் வம்ஸங்களும் சொல்லப்படுகின்றன.

பொறுத்திருந்து தினமும் கேட்போம் - ஸ்ரீராமன், கண்ணனின் அருளைப் பெறுவோம்.

(பொதிகை டீவியில் திங்கள் முதல் வெள்ளி வரை காலை 6-30க்கு ஸ்ரீமத் பாகவதம் ஒளிபரப்பாகிறது. 2009 நவம்பர் 9-ஆம் தேதியன்று துவங்கியது. இன்று 326-வது பகுதி ஒளிபரப்பாகியது.)

ராஜப்பா
09-02-2011
காலை 10 மணி

ஸூர்ய தர்சனம் 06-02-2011

2011-02-06T10:46:00.002+05:30

ஸூர்ய தர்சனத்தைப் பற்றி மஹாகவி ஏதேனும் எழுதியுள்ளாரா என சற்றுமுன் தேடினேன்; எழுதாமல் இருப்பாரா? இதோ அவரது எழுத்தில்:

“பரிதியே பொருள் யாவிற்கு முதலே, - பானுவே, பொன்செய் பேரொளித் திரளே, ”

“கடலின் மீது கதிர்களை வீசிக் கடுகி வான்மிசை ஏறுதியையா
படரும் வானொளி யின்பத்தைக் கண்டு பாட்டுப் பாடி மகிழ்வன புட்கள் ..”

இன்று (06-02-2011, ஞாயிறு) காலை 6-40க்கு வங்கக் கடலிலிருந்து எழும்பிய ஸூரியனின் பொன்னிற தகத் தகவென்று ஒளிவீசும் அந்த அற்புதக் காட்சியை கண்டு மனம் பறி கொடுத்தேன். தினம் தினம் பார்த்தாலும் சலிக்காத, மனசுக்கு நிம்மதி தரும் இயற்கையின் பேரழகு அது. எத்தனை கோடி இன்பம் வைத்தாய், இறைவா!

ஏதோ நான் மட்டும்தான் ஸுரிய தர்சனத்தை கண்டு மகிழ்கிறேன் என்று எண்ணியிருந்தேன் - இன்று காலை சுமார் 10 பேரை பார்த்தேன் - எல்லாரும் ஸூரியனின் பொன்செய் பேரொளித் திரளில் மனம் மயங்கி ஸூரியனையே பார்த்துக் கொண்டு இருந்தனர். இன்னும் 10 பேர் ஸூரியனைக் குறித்து ஸ்லோகங்கள் (ஆதித்ய ஹ்ருதயம்?) சொல்லிக் கொண்டிருந்தனர். நேற்று காலை முன்பின் தெரியாத ஒருவர் காரிலிருந்து இறங்கி ஓடிவந்து எங்கள் பக்கத்தில் நின்று “ஓ, What a beauty! Fantastic", என ஆங்கிலத்தில் என்னிடம் சொன்னார்; தினமும் வருவாராம்.

”அகிலம் முழுமைக்கும் பிரகாசம் தருகின்ற, ஸுரியனின் ஒளி என்னிடத்திலிருந்துதான் வருகிறது” - கீதையில் ஸ்ரீ கிருஷ்ணன் கூறியது. ஸூரியனைப் பார்க்கும் போது, வணங்கும் போது கீதையின் இந்த ஸ்லோகத்தை தான் நான் சொல்லிக் கொண்டிருப்பேன்.

ராஜப்பா
காலை 10:45 மணி
06-02-2011

Forty Years since Jan 1971

2011-01-31T11:00:00.018+05:30

31 ஜனவரி 1971 அன்று காஞ்சிபுரத்தில் எங்கள் கல்யாணம் காஞ்சிபுரத்தில் நடந்தது. இன்று 40-வது ஆண்டு விழா கொண்டாடுகிறோம்.

1971-ல் கல்யாணத்தின் போது நம் அம்மா-அப்பா, அண்ணா-மன்னி, KVS அத்திம்பேர் இருந்தனர். இவர்களையும் சேர்த்து அன்றைக்கு நம் குடும்பத்தில் 32 பேர்தான். எல்லாரும் கல்யாணத்திற்கு வந்திருந்தனர்.

கடலூரிலிருந்து விடியலில் கிளம்பி, செங்கல்பட்டில் இறங்கி, ப்ளாட்ஃபாரத்திலியே உட்கார்ந்து இட்லி சாப்பிட்டு, பின்னர் வேறு ட்ரெயின் மாறி காஞ்சிபுரம் அடைந்து, குதிரை வண்டிகளில் மண்டபம் சென்றது நினைவிருக்கலாம். கல்யாணதிற்கு முதல் நாள் மாப்பிள்ளை அழைப்பன்று ஸ்ரீகாந்த் “தொலைந்து” போய் திரும்பி வந்ததும் நினைவிருக்கும்.

திரும்பியவுடன், பத்மா அக்கா வீட்டில் தடபுடலாக விருந்து ஒன்று நடந்தது. 1971-ல் நான் பூனாவில் வேலை பார்த்து வந்தேன்; மே - ஜூனில் விஜயா பூனா வந்தாள். அம்மாவும்,அப்பாவும் வந்தனர். 1972 ஜூலையில் அருண் (பம்பாய், சாண்டாக்ரூஸில்) பிறந்தான். அடுத்து அஷோக் 4 மார்ச் 1975 அன்று சென்னை மயிலாப்பூரிலும், 1 அக்டோபர் 1977 அன்று அர்விந்த ஹைதராபாத் காஞ்சன்பாக்கிலும் பிறந்தனர்.

1962-ல் பூனா சென்றுவிட்ட நான் பன்னிரண்டு வருஷம் கழித்து 1974 மார்ச்சில் ஹைதராபாத் சென்றேன் (சென்றோம்). அங்குதான் அருண்-அஷோக்-அர்விந்த் ஸ்கூல், காலேஜ் முடித்தனர். விஜயா B Ed படித்து டிகிரி வாங்கி 1983-ல் ஸ்கூல் டீச்சராக வேலையில் சேர்ந்தாள்.

எனக்கு வயசு அறுபது ஆனவுடன், 2001 ஆகஸ்ட் 31-ஆம் தேதியன்று வேலையிலிருந்து ஓய்வு பெற்றேன். விஜயாவும் 2001 டிசம்பரில் தன்னுடைய டீச்சர் வேலையை விட்டாள். 2001 டிசம்பரில் சென்னை வந்து செட்டில் ஆனோம். எங்கள் சென்னை வாழ்க்கை முதலில் கீழ்ப்பாக்கத்தில் அஸ்பிரான் கார்டனிலும், அடுத்து ராஜா அண்ணாமலைபுரத்தில் கற்பகம் அவென்யூவிலும், தற்போது பெசண்ட்நகரிலும் நடக்கிறது.

2000 அக்டோபரில் அருண்-காயத்ரிக்கும், 2004 ஃபிப்ரவரியில் அஷோக்-நீரஜாவிற்கும், 2004 ஜூனில் அர்விந்த்-கிருத்திகாவிற்கும் கல்யாணங்கள் நடந்தன. 2006-ல் ஸௌம்யாவும், அதிதியும், 2009-ல் ஸ்ரீராமும் பிறந்தனர்.

1991-ல் நாங்கள் கோயம்பத்தூரில் வீடு கட்டினோம். 2009-ல் அதை விற்றுவிட்டோம். 17 பாபுராவ் தெருவில் இருந்ததும் 39 வருஷங்களாக நாம் இருந்ததுமான நம்முடைய அம்மா-அப்பாவின் வீட்டை 1993-ல் விற்றோம். 2008-ல் அஷோக்-நீரஜா பெங்களூரில் சொந்தவீடு கட்டிக் கொண்டனர். அருண-காயத்ரி, அர்விந்த்-கிருத்திகா இருவரின் வீடுகளும் முடியும் தறுவாயில் உள்ளன; இந்த மே-ஜூனில் அவர்கள் (நாங்களும்) சொந்த வீடுகளுக்கு குடி போய்விடுவார்கள் என எண்ணுகிறேன்.

40 வருஷங்களாக விஜயாவும் நானும் கடந்து வந்த பாதையை திரும்பிப் பார்த்தால் ஒரு பிரமிப்பு எழுகிறது - 40 வருஷங்களா ஆகிவிட்டன? இந்த வருஷங்களில் நல்ல விஷயங்களே நிறைய நடந்துள்ளன; எல்லாவற்றுக்கும் பகவானின் அருளும், ஆசிகளும்தான் காரணம்.

1983-ல் நம் அம்மாவும், 1986-ல் அப்பாவும், 1989-ல் அண்ணாவும், 2009-ல் பெரிய மன்னியும், 2008-ல் பெரிய அத்திம்பேரும், 2007-ல் கிரிஜாவும் காலமானார்கள் - இவை இந்த 40 வருஷங்களில் நடந்த சில துக்க சமாசாரங்கள்.

இன்று அவனது திருவடிகளில் விழுந்து நமஸ்கரித்து, அவனது அருளையும் ஆசிகளையும் மீண்டும் வேண்டுகிறோம்.

ஓம் நமோ நாராயணாய. ஓம் நமோ பகவதே வாசுதேவாயா.

ராஜப்பா
11.00 காலை
31 ஜனவரி 2011

முக்கியமான பின்குறிப்பு:

40-வது ஆண்டுவிழாவை நாங்கள் நேற்று (30-01-2011) ஞாயிறன்றே கொண்டாடினோம். அஷோக்-நீரஜா பெங்களூரிலிருந்து வந்தனர். நாங்கள் 11 பேர், சரோஜா-அத்திம்பேர், காயத்ரியின் பெற்றோர், கிருத்திகாவின் பெற்றோர், ஸதீஷ் ஆகிய 15+3 பேரும் பகல் விருந்தை (அடையாறு) சங்கீதாவில் சாப்பிட்டோம்.

அருண் முதலானோர் எனக்கு ஒரு CANON காமிராவும், விஜயாவிற்கு முத்துமாலை, தோடும் பரிசளித்தனர். ஸௌம்யா, அதிதி, ஸ்ரீராமிற்கு நாங்கள் ட்ரெஸ் வாங்கி அளித்தோம்.

நேற்றைய விழா மிக நன்றாக இருந்தது. இன்று (31) இரவு விருந்து காயத்ரி பண்ணினாள்; ஸூப், நிறைய காய்கள் சேர்த்து சாம்பார் சாதம், த்யிர் சாதம், காரட் பாயஸம் - ருசித்து, ரசித்து சாப்பிட்டோம்.

ரா.

Vishnu - Jayakrishna Upanayanam

2011-01-26T10:15:00.003+05:30

Upanayanam of Vishnu (s/o Suresh - Vaishali) and Jayakrishna (Sudhakar - Revathi) was performed at Thane, Mumbai on 24 Jan 2011. Udaga Santhi and Naandhi functions were performed the previous day (23 Jan 2011).

Though we two, Saroja-Athimber, Savithri, Rama had booked in advance our train tickets to go to Thane, none of us could go for various reasons. Sundaresan - Manni and others were upset but it was unavoidable. Only Sugavanam, and Subha - Magesh with children (from Pune) attended the function.

God bless Vishnu, Jayakrishna and others.

Rajappa
10:15 AM
26-01-2011

இலந்தம் பழம்

2011-01-25T11:15:00.023+05:30

Inspired from an article (INDIAN JUJUBE) in today's (25th Jan) New Indian Express newspaper.

இலந்தம்பழம்.

“எலந்த பயம், எலந்த பயம் ..” என்ற பழைய தமிழ் சினிமாப் பாட்டு நினைவுக்கு வரட்டும். மிக எளிமையான, அதே சமயம் மிக ருசியான ஒரு பழம். ஸ்ரீராமனுக்கு சபரி கொடுத்த பழம்.

சிறுவயதிலிருந்தே எனக்கு மிகவும் பிடித்த பழம். ஸ்டாராபெர்ரி, கிவி போன்ற வெளிநாட்டுப் பழங்கள் முதல் தட்டிலும், ஆப்பிள், ஆரஞ்சு, திராக்ஷை, அன்னாசி போன்ற பழங்கள் இதற்கு அடுத்த தட்டிலும் உள்ள பழங்களாக இருக்கலாம்; ஆனாலும், இலந்தம் பழத்திற்கு என்னைப் போன்று தனி ரசிகர்கள் உண்டு.

BHER என்று ஹிந்தியிலும் REGI என்று தெலுங்கிலும் அழைக்கப்படும் இது, பெரிய சைஸிலும் கிடைக்கிறது. பெரிய சைஸ் பழம் அவ்வளவு ருசியாக இருக்காது. இலந்தம் பழத்தை சாப்பிடும் முன், பழத்தினுள் சிறு worms இருக்கிறதா என பார்த்து, worms இல்லாத பழங்களை சாப்பிடவேண்டும். அந்த இனிப்பும், புளிப்பும் கலந்த சுவை பிரமாதமாக இருக்கும். சிலர் மிளகாய்த் தூள், உப்பு பிசறி இலந்தம்ப்ழத்தை சாப்பிடுவார்கள். பழத்தை இளம்சூடு வெந்நீரில் நன்றாக அலம்பி சாப்பிடுவது நல்லது.

நான் வேலை பார்த்த DRDL-ல் இலந்த மரங்கள் நிறைய இருந்தன; சீஸனில் தினமும் 100-200 என பறித்து வந்து என்னுடைய assistants எனக்குக் கொடுப்பார்கள். பல நாட்கள் பழங்களை வீட்டிற்கு கொண்டுவந்து, அருண், அஷோக், அர்விந்த், விஜயா ஆகியோர் சேர்ந்து சாப்பிடுவோம்.

அந்த ருசிதானோ என்னவோ, இப்போதும் கடைகளில் எங்கு எப்போது பார்த்தாலும் இலந்தம் பழத்தை அர்விந்த் வாங்கி விடுவான். சமீபத்தில் வைத்தீஸ்வரன் கோயிலுக்குச் சென்று திரும்பும்போது, வழியில் காரை நிறுத்தி இலந்தம் பழங்களை நிறைய வாங்கினான். நேற்றும் எங்கிருந்தோ வாங்கி வந்தான்.

இலந்தம் பழத்தை கொட்டை நீக்கி, வெயிலில் உலர்த்தி, புளி, மிளகாய், உப்பு சேர்த்து விழுதாக அரைத்து, சிறு வடைகளாக தட்டி, மீண்டும் வெயிலில் காய வைத்து எடுத்தால் - ருசியான இலந்தம் வடை கிடைக்கும்; 20 -25 நாட்களுக்கு கெடாமல் இருக்கும். (மயிலாப்பூர் அம்பிகா அப்பளம் கடையில் இந்த வடை மிக பிரபலமானது)

இலந்தம்பழத்தில் ”Glutomic” அமிலம் உள்ளது. இது மூளையைச் சுறுசுறுப்பாக்கும். வைட்டமின் ஏ உயிர்ச்சத்து இலந்தம்பழத்தில் ஏராளமாக உள்ளது. சுண்ணாம்புச் சத்தும் நிறையவே இருக்கிறது. எனவே எலும்பு, பற்கள் உறுதி பெற அடிக்கடி இலந்தப்பழத்தை சாப்பிடலாம். வயிற்றுப்போக்கு, சீதபேதி, கீழ்வாயுப்பிடிப்பு, நீரிழிவு, மலச்சிக்கல், முதலியவற்றிற்கு இப்பழம் நல்ல மருந்து என நம் மருத்துவ நூல்கள் கூறுகின்றன.

ராஜப்பா
25-01-2011
காலை 11:15 மணி

சூரிய உதயம்

2011-01-24T10:30:00.019+05:30

சூரியோதயம்.

பெஸண்ட்நகர் வந்ததிலிருந்தே ஒரு வருஷத்திற்கும் மேலாக கிட்டத்தட்ட தினம்தோறும் காலையில் தவறாமல் பீச்சில் walk போவது எனது வழக்கமானது. பாகவதம் கேட்டுவிட்டு 6-45க்குப் பிறகுதான் கடலோரம் செல்வேன். எனவே சூரியோதயத்தைப் பார்க்க வேண்டும் என்ற எனது ஆசை நிறைவேறவில்லை.

இந்த மாசமாவது சூரிய உதயத்தை பார்த்து விட உறுதி கொண்டேன். சனிக்கிழமை, ஜனவரி 22ஆம் தேதி காலை 6-15க்கே விஜயாவும் நானும் வீட்டை விட்டு கிளம்பினோம். 6-36க்குத்தான் உதயம் என பேப்பரில் படித்ததால், 6-30 வரை பீச்சில் நடந்தோம்.

இந்த வருஷம் சென்னையில் “குளிர்” கொஞ்சம் அதிகமாகவே இருந்ததால். காலை 6-15 மணிக்கு குளுகுளுவென்று நன்றாக இருந்தது. 6-30க்கு ஒரு இடத்தில் உட்கார்ந்து உதயத்திற்காக காத்திருந்தோம். 6-34க்கு அடிவானத்தில் சிகப்பு வண்ணம் தோன்ற ஆரம்பித்தது. அன்று மேகங்கள் இருந்ததால், சூரியனின் முதற் கிரணங்கள் 6-40க்குத்தான் புலப்பட்டன.

6-45க்கு தக தகவென சிகப்பு நிற சூரியன் கடலிலிருந்து கிளம்பியது - பரவசமான ஒரு காக்ஷி. வானமே ஒளிமயமானது.

என்னுடைய ஃபோன் காமி்ராவிலிருந்து ..

6-50 வரை சூரிய உதயத்தை ரசித்துவிட்டு, உள்ளத்திலே மகிழ்ச்சி பொங்க நடையை தொடர்ந்தோம்.

அடுத்த நாள், ஞாயிறு, 23ஆம் தேதியும் இவ்வாறே காலை 6-15க்கு கடற்கரை சென்று சூரிய உதயத்தை 6-40 க்கு ரசித்தோம்.

இயற்கையின் அழகே தனிதான். மனதை கொள்ளை கொள்ளும் பிரமிக்க வைக்கும் அழகு.

எத்தனை கோடி இன்பம் வைத்தாய், இறைவா ...

ராஜப்பா
24-01-2011
காலை 10:30 மணி

மயிலாப்பூர் கோயில்கள்

2011-01-18T20:20:00.001+05:30

சுமார் 2 வருஷங்கள் ஆகியிருக்கும் என எண்ணுகிறேன் - மயிலாப்பூர் ஸ்ரீ ஆதி கேஸவனை தரிஸித்து. இன்று (18-01-2011) போனோம்.

மாலை 4-30க்கு கிளம்பி, கோயிலுக்குப் போனோம். முதலில் ஸ்ரீ வீர ஆஞ்சநேயரை தரிசித்துக் கொண்டோம். பின்னர், ஸ்ரீ வேதாந்த தேஸிகர் கோயிலுக்குச் சென்றோம். பளிச்சென்று விளக்குகள் போட்டு, பெயிண்ட் அடித்து கோயிலே ஜொலித்தது.

ஹயக்கிரீவர், ஸ்ரீநிவாஸப் பெருமாள், அலமேலு மங்கா தாயார், கருடாழ்வார், ஆண்டாள் ஆகியோரை தரிசித்துக் கொண்டு, அருகிலுள்ள ஸ்ரீ ஆதிகேஸவப் பெருமாள் கோயிலுக்குச் சென்றோம்.

மிகப் பழமையான கோயில். மரகதவல்லி தாயார்.பேயாழ்வாரின் புனித ஸ்தலம். கேஸவப் பெருமானின் கோயில் குளத்தில் அவதரித்தார் என்பது வரலாறு. எல்லா சன்னதிகளிலும் தரிசித்துக் கொண்டோம். என்னுடைய நீண்ட நாள் விருப்பம் நிறைவேறியது.

அடுத்து, ஸ்ரீ கற்பகாம்பாள் ஸமேத கபாலீஸ்வரர் கோயிலுக்குச் சென்றோம். கூட்டம் அதிகமில்லை. நல்ல தரிசனம் கிடைத்தது.

சில கடைகளுக்குச் சென்றுவிட்டு, வீடு திரும்பியபோது மணி 7-15.

ராஜப்பா
மாலை 8:20 மணி
18-01-2011

தங்கத்தேர் இழுத்தோம் - 2011

2011-01-14T21:00:00.038+05:30

இன்று (14-01-2011) வெள்ளிக்கிழமை மாலை ஸ்ரீ மருந்தீஸ்வரர் கோயிலில் நாங்கள் தங்கத்தேர் இழுத்தோம். இது அருண்-காயத்ரியின் வேண்டுதல். 6-45க்கு நான், விஜயா, கிருத்திகா, அதிதி, சதீஷ் ஆகியோர் காரில் கோயிலுக்கு. கிளம்பினோம். மருந்தீஸ்வரர் - திரிபுரசுந்தரி அம்மன் கோயில் பழமையான கோயில்.

அங்கு, அருண், காயத்ரி, ஸௌம்யா, ஸ்ரீராம் ஆகியோரும், பாலு மாமா, மாமி, ரமணா, அர்ச்சனா, அவர்கள் குழந்தை, மீனாவின் குழந்தை, அவள் மாமனார், மாமியார் (மீனா வரவில்லை), காயத்ரியின் இரண்டு சித்தப்பாக்கள், கணேஷ், சுகவனம், சுதா, சந்தர், தனுஷ், தர்ஷிணி, சந்தரின் அம்மா, சரோஜா, ராஜி மாமி, கிரிஜா மாமி (இவர்கள் இருவரும் சரோஜாவின் அபார்ட்மெண்டில் வசிப்பவர்கள்) ஆகியோர் வந்தனர்.

7-30 மணிக்கு தேர் ஆயத்தமானது. சுக்கிரவார அம்மனை தேரில் ஏற்றி கற்பூர தீபாராதனைக்கு பின் தேர் இழுத்தல் துவங்கியது. மொத்தம் 4 உபயதாரர்கள். ஒவ்வொருவரும் 1/4 சுற்று இழுக்கவேண்டும்; அருண் இரண்டாவதாக இழுத்தான்; நாங்களும் சேர்ந்து கொண்டோம்.

இழுத்து முடிந்து, அர்ச்சனை, தீபாராதனைக்கு பின்னர் கேஸரி பிரஸாதம் வழங்கப்பட்டது. அங்கேயே உட்கார்ந்து சாப்பிட்ட பின்னர் எல்லாரும் வீடு திரும்பினோம்.

முன்னதாக 2003 மே மாதம் சாவித்திரி தன் 60-வயது பூர்த்திக்காக வடபழனி கோயிலில் தேர் இழுத்தாள்; அடுத்து 27 மார்ச் 2009-ல் அருண் காயத்ரி வடபழனி கோயிலில் தேர் இழுத்தார்கள். விவரம் இங்கு படிக்கலாம்.

ராஜப்பா
14-01-2011
இரவு 9 மணி

மார்கழி - 2010_11

2011-01-14T11:20:00.005+05:30

இந்த வருஷம் (2010-11) மார்கழி மாதம் டிசம்பர் 16-ஆம் தேதியன்று துவங்கியது. அன்று தொடக்கம் நானும் விஜயாவும் தினம் தினம் விடியற்காலையில் எழுந்து, குளித்து கோயில்களுக்குச் சென்று ஈஸ்வரனையும், விநாயகரையும், மற்ற தெய்வங்களையும் நமஸ்கரித்து வருகிறோம்.

மார்கழி மொத்தம் 30 நாட்களில், 4 நாட்கள்தான் கோயிலுக்கு. போக இயலவில்லை. பெரும்பாலான நாட்களில் சுடச்சுட வெண்பொங்கல் / சக்கரைப் பொங்கல் பிரஸாதம் கிடைக்கப் பெற்றோம்.

இந்த வருஷம் சென்னையில் குளிர் (வழக்கத்தைவிட) கொஞ்சம் அதிகம். அந்தக் “குளிரில்” நடந்து செல்வதே மிகப் பெரிய இனிய அனுபவமாக இருந்தது.

இன்றோடு (ஜன 14) மார்கழி நிறைவு பெறுகிறது. இரவு 8-30 மணி சுமாருக்கு தை பிறக்கிறது. இனி கோயில்கள் வெறிச்சோடி இருக்கும், ஸ்வாமிக்கு அபிஷேகம் முதலானவை தாமதமாகத்தான் நடக்கும்.

எல்லாருக்கும் மனங்கனிந்த பொங்கல் வாழ்த்துக்கள்.

கண்ணைத் துயின்று அவமே காலத்தைப் போக்காமல்   விண்ணுக்கு ஒருமருந்தை வேத விழுப்பொருளைக் கண்ணுக்கு இனியானைப் பாடிக் கசிந்துள்ளம் உருக இந்த மார்கழியில் எங்களை ஆசீர்வதித்தது போலவே, மீண்டும் அடுத்த வருஷமும் அதற்குப் பின்பும், இதே போன்று மார்கழியில் விடியற்காலையில் எழுந்து இறைவனை சேவித்து நமஸ்கரிக்க எங்களுக்கு ஆரோக்கியம் அருள அந்த மாதவனை கேஸவனை பிரார்த்திக்கிறேன். ஆசீர்வதிக்கட்டும்.

சிற்றஞ்சிறு காலே வந்துன்னைச் சேவித்து உன்
      பொற்றாமரை அடியே போற்றும் பொருள் கேளாய்
பெற்றம் மேய்த்துண்ணும் குலத்தில் பிறந்து
       நீ குற்றேவல் எங்களைக் கொள்ளாமல் போகாது
இற்றைப் பறை கொள்வான் அன்று காண் கோவிந்தா
      எற்றைக்கும் ஏழேழ் பிறவிக்கும் உன்தன்னோடு
உற்றோமே வோம் உமக்கே நாம் ஆட்செய்வோம்
      மற்றை நம் காமங்கள் மாற்றேலோர் எம்பாவாய்.

ராஜப்பா
மார்கழி 30 (ஜன 14, 2011)
11:20 காலை

SRINIVASA KALYANAM - Vishakha Hari

2011-01-04T11:10:00.017+05:30

ஸ்ரீநிவாஸ கல்யாணம் - விஷாகா ஹரி உபன்யாஸம் DVD

நேற்று, ஜனவரி 3-ஆம் தேதி, இந்த டீவிடீ_யை மயிலாப்பூர் கிரி டிரேடர்ஸில் வாங்கினேன் (ரூ 99/-) இந்த டீவிடீ மூன்று நாட்கள் முன்புதான் டிசம்பர் 31-ஆம் தேதியன்று வெளியிடப்பட்டது.

ஸ்ரீமதி விஷாகாவின் இன்னொரு அருமையான உபன்யாஸம். B Ananthakrishnan on Violin, Arjun Ganesh on Mridangam, Trichy Murali on Ghatam.

வைஷ்ணவர்களின் 108 திவ்ய தேசங்களில், முக்கியமானவை மூன்று - ஸ்ரீரங்கம் (வைஷ்ணவம் வளர்ந்த ஊர்), காஞ்சிபுரம் (பிறந்த ஊர்), திருமலா (வைஷ்ணவத்தின் புகலிடம்). இவற்றில் திருமலாவில் குடி கொண்டுள்ள ஸ்ரீநிவாஸனைப் பற்றியது இந்த உபன்யாஸம்.

“பரம யோகிகளுக்கு மட்டுமே வைகுண்டத்தில் நீ தரிஸனம் கொடுத்து அருள் பாலிக்க வேண்டுமா? எளியவர்களுக்கும் நீ தரிஸனம் கொடுக்க வேண்டாமா?” என பகவானை நாரதர் வேண்ட, “ஸரி, நீயே ஒரு இடத்தை காண்பி,” என பகவான் சொன்னார்.

“தொண்டை மண்டலத்தில் ஒரு இடம் உள்ளது; அது இருட்டாக மிகவும் க்ஷீணித்து, நலிந்து போயிருக்கும் ஒரு இடம், அங்கு நீங்கள் எழுந்தருள வேண்டும்,” என நாரதர் சொன்னார்.

அதுதான் திருவேங்கடம் என்றும் திருமலா என்றும் அழைக்கப்படும் இடம். முதலில் ஆதிசேஷன் சப்தகிரியாக (ஏழு மலைகளாக) அங்கு அவதரித்தார். ஆதிசேஷன் பெயரில் சேஷாத்திரி, கருட பகவான் பெயரில் கருடாத்ரி, வேங்கடவனுக்காக வேங்கடாத்ரி, பகவான் நாராயணனின் பெயரில் நாராயணாத்ரி, வ்ருபாஸுரனுக்காக வ்ருஷபாத்ரி, வேதங்களுக்காக வேதாத்ரி எனப்படும் வ்ருஷாத்ரி, அஞ்சனையின் புதல்வனாக இந்த ஊரில் அவதரித்த ஆஞ்சநேயர் பெயரில் அஞ்சனாத்ரி என ஏழு மலைகள்.

ஸ்ரீ சேஷசைல கருடாசல வேங்கடாத்ரி
நாராயணாத்ரி வ்ருஷபாத்ரி வ்ருஷாத்ரி முக்யாம்
ஆக்யாம் த்வதீய வசதே ரநிசம் வதந்தி
ஸ்ரீ வேங்கடாசல பதே தவ சுப்ரபாதம் என்கிறது ஸ்ரீவெங்கடேஸ ஸுப்ரபாதம்.

தொண்டை மண்டல ராஜாவாக இருந்த தொண்டைமான் சக்ரவர்த்திக்கு, மாடு மேய்க்கும் ஆயர்கள் தினமும் பால் கொண்டு சென்று சமர்ப்பிப்பது வழக்கம். ஒரு நாள் பால்குடங்களை எடுத்து சென்றபோது, வழியில் ஒரு புற்றின் அருகே பால்குடங்கள் தானாகவே உடைந்து பால் அந்த புற்றினுள் போனது. அதே சமயம், அந்த ஊரில் இருந்த ஒரு விவசாயியின் நிலத்தில் வராஹன் (பன்றி) வந்து, அவனையும் இந்த புற்றிற்கு கொண்டுவந்தது. அதிசயத்தை ராஜாவிடம் சொன்னான். ராஜாவின் கனவிலும் பகவான் நாராயணன் தோன்றி அந்தப் புற்றினுள் தான் இருப்பதாகவும் தனக்கு அங்கேயே கோயில் கட்டுமாறும் சொல்லியிருந்தபடியால், ராஜா அங்கு வந்து பால் அபிஷேகம் செய்து விக்ரஹத்தை வெளியில் எடுத்து, கோயிலை நிர்மாணித்தார். அதுதான் ஸ்ரீவேங்கடேஸ்வரன் கோயில். பின்னர் க்ருஷ்ணதேவ ராயர் போன்ற அரசர்கள் இதை புதுப்பித்தும், பெரிசு பண்ணியும் இன்று நாம் வணங்கும் கோயிலாக ஆகியுள்ளது.

இந்த வராஹன்தான் கோயிலில் முதலில் தோன்றியவர்; எனவே இன்றைக்கும் கோயிலில் ஸ்ரீவராஹனுக்குத்தான் முதல் நைவேத்தியம். நாமும் முதலில் வராஹனை வேண்டிக் கொண்டுதான் பின்னரே வேங்கடேஸ்வரனைத் தரிஸிக்க வேண்டும்.

பல ஆண்டுகள் கழித்து, மலைக்கு கீழே ஆகாசராஜன் என்னும் ராஜா ஆண்டு வந்தார். இவருக்கு அகஸ்திய தீர்த்தம் என்னுமிடத்தில் ஒரு நாள் தாமரை புஷ்பத்தின் மேல் ஒரு பெண்குழந்தை கிடைத்தாள். தாமரைக்கு “அலர்” என இன்னொரு பெயர் உண்டு; எனவே இந்தக் குழந்தை “அலர் மேல் மங்கை”, எனவும் “பத்மாவதி” (பத்மம் = தாமரை) எனவும் அழைக்கப்பட்டாள்.

தெலுங்கு மொழியில் அலமேலுமங்கா என அழைக்கப்பட்ட இவள் மிக அழகிய இளம்பெண்ணாக ஆனபோது, ஸ்ரீநிவாசனை ஒருமுறை பார்த்து அவன் மீது மையல் கொண்டாள். ஸ்ரீநிவாசன் சார்பாக சுகர் சென்று அரசனிடம் பெண் கேட்டார்.

பின்னர் பத்மாவதி தாயாருக்கும், ஸ்ரீநிவாசப் பெருமானுக்கும் கீழ் திருப்பதியான தி்ருச்சானூரில் திருக்கல்யாணம் நடந்தது.

வழக்கம்போல விஷாகா ஹரி தன்னுடைய தேன்குரலில் த்யாகராஜ பெருமானையும், பாபநாசம் சிவனையும், முத்துஸ்வாமி தீக்ஷிதரையும், முக்கியமாக அன்னமய்யாவையும் பாடினார்.

உபன்யாசம் மிக இனிமை; 3 மணி நேரம் போனதே தெரியவில்லை. கதை சொல்லும் அவரது நேர்த்தியில், அந்த வர்ணனையில், ஆங்காங்கே அன்னமய்யாவின் இன்னிசைப் பாடல்களை அவர் பாடும் தேன் மழையில் சொக்கினேன், கட்டுண்டேன்.

இதோ ஒரு அன்னமய்யாவின் பாடல்

ஸ்ரீமன் நாராயண ஸ்ரீமன் நாராயண
ஸ்ரீமன் நாராயண நீ ஸ்ரீபாதமே சரணம்

கமலா சதீ, முக கமல, கமல ஹித!
கமல ப்ரியா, கமலேக்ஷனா!
கமலாசன ஹித, கருட கமன ஸ்ரீ!
கமல நாப நீ பத கமலமே சரணம்!
(ஸ்ரீமன் நாராயண)

பரம யோகிஜன பாகதேயஸ்ரீ
பரம புருஷா பராத்பரா!
பர மாத்மா பரமாணு ரூபஸ்ரீ
திருவேங்கடகிரி தேவா சரணம்!
(ஸ்ரீமன் நாராயண)
அன்னமய்யாவின் இந்த அற்புத பாடலை MS அம்மாவின் குரலில் கேட்டு இன்புறுங்கள்.

ராஜப்பா
காலை 11-10 மணி
04 ஜனவரி 2010

The celebrated harikatha artist Vishakha Hari is back with a new discourse on the much loved story of Srinivasa’s kalyanam with Padmavathi. A fascinating story of how Lord Srinivasa / Balaji came to marry Princess Padmavathy, daughter of Akasa Raja, beginning with the story of Lord Srinivasa himself.

A story the young and old would love to hear over and over again – especially if it is told by Vishaka Hari – combining words, music and beautiful lyrics to create a unique experience for the viewer. This exciting new DVD will be released by Vishakha Hari at Brahma Gaana Sabha at 6pm on the last day of the year 2010. The first copy was offered to Lord Vinayaka and the DVD will be released with a small prayer.

from Indiainfoline

Vaithisvaran Koil - 2010

2010-12-30T18:45:00.015+05:30

வைத்தீஸ்வரன் கோயில்

எங்கள் குடும்பத்தினர் 11 பேரும் (குழந்தைகள் உட்பட) வைத்தீஸ்வரன் கோயிலுக்கு போக திட்டமிட்டு, இரண்டு கார்களில் செல்வதாக எண்ணம்.

அஷோக், நீரஜா இருவரும் பெங்களூரிலிருந்து வியாழன் டிசம்பர் 23 (2010) அன்று இரவு சென்னை வந்தனர். மறுநாள் காஞ்சிபுரம் சென்றோம். அடுத்த நாள் (சனிக்கிழமை, 25-12-2010) காலை இரண்டு கூட்டாக வை.கோயில் புறப்பட்டோம். சென்னையிலிருந்து சுமார் 230 கிமீ தூரத்தில் உள்ளது. ECR roadல் பயணித்தோம்.

அருண் காரில், அருண் குடும்பமும், அஷோக்-நீரஜாவும் 6-45க்கு கிளம்பினர். பிச்சாவரம் சென்றுவிட்டு, எங்களுடன் சேர்ந்து கொள்வதாக ப்ளான். அர்விந்த், கிருத்திகா, அதிதி, விஜயா, நான் ஆகியோர் காலை 11-15க்கு அர்விந்த் காரில் (LINEA) கிளம்பினோம்.

புதுச்சேரியை பகல் 2 மணிக்கு அடைந்து, அங்கு HOTEL SURGURU (SV Patel Road) வில் சுவையான லஞ்ச் சாப்பிட்டோம் (ரூ 83/-). அங்கிருந்து 2-45க்கு கிளம்பி, சிதம்பரத்தை 4-20 க்கு அடைந்தோம். அங்கு அருண் ஆகியோர் எங்களுடன் சேர்ந்து கொண்டனர்.

ஸ்ரீ நடராஜர் கோயிலை சுற்றிப் பார்த்தோம். நல்ல தரிஸனம் கிடைத்தது. மாலை ஏழு மணிக்கு சிதம்பரத்தை விட்டு கிளம்பி, வைத்தீஸ்வரன் கோயிலுக்கு இரவு 8-20 க்கு சென்றோம். சிதம்பரத்திலிருந்து 24 கிமீ தூரத்தி்ல், சீர்காழிக்கு அடுத்து இந்த ஊர் உள்ளது.

பாலாம்பிகா லாட்ஜில் 4 அறைகள் கேட்டிருந்தோம் - அறை எண் 101, 102 (கீழே), மற்றும் 106, 107 (முதல் மாடியில்). வாடகை ரூ 500/- அறை எண் 101-ல் நாங்கள் இருவர், 102-ல் அர்விந்த், 106-ல் அஷோக், 107-ல் அருண் ஆக தங்கினோம். இட்லி, உப்புமாவிற்கு ஏற்கனவே சொல்லியிருந்தோம்; தயாராக இருந்தது - எல்லாரும் சாப்பிட்டு விட்டு தூங்கினோம்.

முன்னதாக சாவித்திரி, ரமேஷ் குடும்பம் திருச்சியிலிருந்து இரவு 8-30க்கு வைத்தீஸ்வரன் கோயிலுக்கு காரில் வந்தனர். அவர்கள் தைலா லாட்ஜில் தங்கினர்.

மறுநாள், ஞாயிற்றுக்கிழமை (26-12-2010) காலை எழுந்து, சுடசுட வெந்நீரில் குளித்து, 8-15 க்கு கோயில் சென்றோம். ஸ்ரீ துரை குருக்களை சந்தித்து, அவர் மூலமாக வைத்தியநாத ஸ்வாமி, தையல்நாயகி அம்பாள், விநாயகர், முத்துக் குமாரஸ்வாமி, அங்காரகன் ஆகிய ஐவருக்கும் தனித்தனியாக அர்ச்சனை செய்தோம். சாவித்திரி இந்த 5 ஸ்வாமிகளுக்கும் அபிஷேகம் செய்வித்தாள் (கட்டணம் ரூ 4000.00)

இங்கு ஸ்வாமியும் அம்பாளும் மருத்துவ சக்தி படைத்தவர்கள் என்ற நம்பிக்கை இருப்பதால், மக்கள் கூட்டம் கூட்டமாக் வந்து வேண்டிக் கொள்கிறார்கள். பிரஸாதமாக் இங்கு கொடுக்கப்படும் திருச்சாந்து உருண்டை பல மருத்துவ குணங்கள் கொண்டது எனவும், பல நோய்களை குணப்படுத்த வல்லது எனவும் நம்பிக்கை. இந்தக் கோயிலில் உப்பு, மிளகு சமர்ப்பிப்பதும், குளத்தில் வெல்லம் கரைப்பதும் விசேஷம். இது ஒரு நவக்ரக கோயில் (அங்காரகன், செவ்வாய்). ஸ்ரீ ராமரும், ஸ்ரீ லக்ஷ்மணரும் இந்த இடத்தில் ஜடாயு பக்ஷிக்கு இறுதி சடங்குகள் செய்ததாக ஆழ்ந்த நம்பிக்கை உள்ளது. ஜடாயு குண்டமும் இங்கு உள்ளது. இந்தக் கோயிலுக்கு வந்து ப்ரார்த்திப்பதால் எல்லா நோய்களும் தீர்க்கப் படுகின்றன.

11-45 க்கு எல்லாம் நிறைவு பெற்று அறைக்குத் திரும்பினோம். நிறைய பிரஸாதங்கள் (புளியோதரை, எலுமிச்சம்பழ சாதம், தயிர் சாதம், சக்கரைப் பொங்கல்) கொடுத்திருந்தனர். சாப்பிட்டு விட்டு, அறைகளை காலி பண்ணி, பகல் 12-45 க்கு வைத்தீஸ்வரன் கோயிலை விட்டுப் புறப்பட்டோம்.

சிதம்பரம், கடலூர், புதுச்சேரி வழியாக திண்டிவனம் சேரும்போது மாலை 5 மணி. அங்கு கார்களை நிறுத்தி தோசை சாப்பிட்டோம். 5-45 க்கு கிளம்பி, சுமார் ஒரு மணி நேரம் பயணித்தோம்.

அங்கு ஒரு அரசியல் கட்சியின் “மாநாடு” ஆரம்பிப்பதாக இருந்தது; தமிழ்நாட்டின் பல பகுதிகளிருந்தும் தொண்டர்கள் கூட்டம் கூட்டமாக பலவித வண்டிகளில் வந்த வண்ணம் இருந்தனர். போக்குவரத்து முற்றிலும் நின்றுவிட்டது. நன்றாக மாட்டிக் கொண்டோம். நல்ல வேளையாக குழந்தைகள் மூவரும் (ஸௌம்யா, அதிதி, ஸ்ரீராம்) எங்கள் காரிலேயே இருந்தனர், அதுவும் கோயில் பிரஸாதம் மீதியும் எங்கள் காரில்தான் இருந்தது. குழந்தைகளுக்கு அதை ஊட்டியவுடன் அவர்கள் எங்கள் மடியிலேயே தூங்கி விட்டனர்.

அர்விந்த் கார் சுமார் 300 மீட்டர் முன்னதாக மாட்டிக் கொண்டிருந்தது; அதற்கும் 500 மீ முன்பாக ரமேஷின் கார் நின்றிருந்தது. அர்விந்த் காரிலிருந்து அஷோக் இறங்கி வந்து, எங்கள் காரை தேடி கண்டு பிடித்து, எங்கள் காரிலிருந்து (தூங்கிக் கொண்டிருந்த) அதிதியை தூக்கிச் சென்றான் !! Thrilling adventure.

கடைசியாக, ஒருவழியாக தாம்பரம் வரும்போது இரவு 11 மணி. சுமார் 4 அல்லது 4 1/2 மணி நேரம் மாட்டிக் கொண்டிருந்தோம். கடவுள் அருளில், அசம்பாவிதம் எதுவும் நிகழவில்லை; ஏதேனும் ஆகியிருந்தால் ... ? நினைக்கவே குலை நடுங்குகிறது.

இரவு 11-15 க்கு வீடு வந்து இட்லி, தோசை, சேவை சாப்பிட்டோம். (க்ருத்திகாவின் அப்பாவிடம் போன் மூலம் விஷயம் சொல்லி, அவர் வாங்கி வைத்திருந்தார்.) களைத்துப் போய் தூங்கினோம்.

இவ்வாறாக, எங்கள் வைத்தீஸ்வரன் கோயில் விஜயம் திருப்தியாக நிறைவேறியது.

ராஜப்பா
30-12-2010
மாலை 6-45 மணி

IMPORTANT PHONE NUMBERS at Vaithisvaran Koil
DURAI GURUKKAL : 04364 - 279220, 94435 64347

BALAMBIKAI LODGE: 94435 64604 (Mr RAMESH)
THAILA LODGE : 99448 86682 (Mr ANAND)
VISWA LODGE : 94444 32665