Mylapore temple Ther and 63var Uthsavam
06-04-2009 திங்கட்கிழமை அன்று காலை மயிலாப்பூர் கோயிலில் தேர்த் திருவிழா நடைபெற்றது. விஜயாவும் நானும் 10-15க்கு சென்றபோது, தேர் வடக்குமாட வீதியில் இருப்பதாக அறிந்தோம். வடக்கு மாட வீதிக்குச் சென்று தேரில் உலா வந்த ஸ்வாமி, அம்மன், முருகன் ஆகியோரை தரிசித்தோம்.
கூட்டம் அதிகமாக இருந்தது. நிறைய இடங்களில் சக்கரைப் பொங்கல், வெண்பொங்கல், புளியோதரை, மோர் ஆகியவற்றை கொடுத்துக் கொண்டே இருந்தனர். வெயில் கொளுத்தியதால், தெருவில் தண்ணீரை ஊற்றிக்கொண்டே போனார்கள்; இந்த வருஷம் ஒரு தண்ணீர் லாரியை ஏற்பாடு செய்து அதிலிருந்து நீர் கொட்டுமாறு செய்திருந்தார்கள் - நல்ல யோசனை.
07-04-2009 செவ்வாய்க்கிழமை மதியம் 3 மணிக்கு 63 நாயன்மார்கள் ஊர்வலம். இதை பார்ப்பதற்கு லலிதாவும், குமாரும் ஆவடியிலிருந்து காலை 11-45க்கு வந்தனர். சாப்பிட்ட பிறகு 3-15க்கு அவர்கள் 2 பேர், நாங்கள் 2 பேர், சதீஷ் ஆகிய 5 பேரும் கோயிலுக்குப் புறப்பட்டோம். கடைகளை வேடிக்கை பார்த்துக் கொண்டே ராமகிருஷ்ண மடம் தெரு, தெற்கு மாட வீதி வழியாக கோயில் கோபுரம் போனோம். கீழ வீதிக்குச் சென்று ஸ்வாமி, அம்மன், முருகன் ஆகியோரைத் தரிசித்தோம்.
சரியான கும்பல். Stampede-ல் மாட்டிக்கொள்ள இருந்தேன்; தப்பித்தேன். திரும்ப கூட்டத்தில் இடிபட்டுக்கொண்டே, தெற்கு மாட வீதிக்கு வந்தோம். அங்கு நாயன்மார்களை தரிசித்துக் கொண்டோம். மீண்டும் Stampede! ஒரு வழியாக ஆதம் தெருவிற்குள் நுழைந்தோம், மூச்சு விட முடிந்தது.
இன்றைய விழாவிற்கு 2 லக்ஷத்திற்கும் அதிகமானோர் வந்ததாக போலீஸ் கூறுகிறது; இருக்கும் - என்ன கூட்டம்!!
சாலையர் தெரு RK Mutt Road-ஐ சந்திக்கும் இடத்திலிருந்து கீழ வீதி சன்னதி வரை நாங்கள் நடந்தோம் - பத்தடிக்கொன்றாக எவ்வளவு இடங்களில் அன்னதானம், இனிப்புகள், எவ்வளவு இடங்களில் மோர், ஜூஸ், ரோஸ் மில்க் - ஓ, என்னாலேயே நம்ப முடியவில்லை! குமாரும், லலிதாவும் பார்த்து அசந்து விட்டார்கள்.
ராமகிருஷ்ண மடம் வாசலில் டிரம், டிரம்மாக கெட்டி மோர்; நாங்கள் 5 பேரும் ஆளுக்கு 3 டம்ளர் மோர் குடித்தோம். அவ்வளவு வெயில். பின்னர் இன்னொரு இடத்தில் பிஞ்சு வெள்ளரி, VHP-யினர் வழங்கிய பானகம் சாப்பிட்டோம். ஆதம் தெரு முனையில் அப்போதுதான் வீட்டில் பண்ணி ஒரு பெரிய்ய்ய டிரம் நிறைய, முழங்கை வழிவார நெய், முந்திரி, திராட்சை அள்ளிக் கொட்டிய மணமணக்கும் ரவா கேசரி - இரண்டு பெண்கள் தொன்னை தொன்னையாக கொடுக்க ஆரம்பித்தார்கள். நாங்கள் அங்கேயே சாப்பிட்டு விட்டு, 3 தொன்னை கேசரியை குழந்தைகளுக்கு டப்பாவில் போட்டு கொண்டுபோனோம்.
எல்லாரும் ஒருமுறை இந்த 63-வர் உத்ஸவத்தை கண்டு இன்புறவேண்டும்.
ராஜப்பா
08-04-2009
பகல் 1 மணி
06-04-2009 திங்கட்கிழமை அன்று காலை மயிலாப்பூர் கோயிலில் தேர்த் திருவிழா நடைபெற்றது. விஜயாவும் நானும் 10-15க்கு சென்றபோது, தேர் வடக்குமாட வீதியில் இருப்பதாக அறிந்தோம். வடக்கு மாட வீதிக்குச் சென்று தேரில் உலா வந்த ஸ்வாமி, அம்மன், முருகன் ஆகியோரை தரிசித்தோம்.
கூட்டம் அதிகமாக இருந்தது. நிறைய இடங்களில் சக்கரைப் பொங்கல், வெண்பொங்கல், புளியோதரை, மோர் ஆகியவற்றை கொடுத்துக் கொண்டே இருந்தனர். வெயில் கொளுத்தியதால், தெருவில் தண்ணீரை ஊற்றிக்கொண்டே போனார்கள்; இந்த வருஷம் ஒரு தண்ணீர் லாரியை ஏற்பாடு செய்து அதிலிருந்து நீர் கொட்டுமாறு செய்திருந்தார்கள் - நல்ல யோசனை.
07-04-2009 செவ்வாய்க்கிழமை மதியம் 3 மணிக்கு 63 நாயன்மார்கள் ஊர்வலம். இதை பார்ப்பதற்கு லலிதாவும், குமாரும் ஆவடியிலிருந்து காலை 11-45க்கு வந்தனர். சாப்பிட்ட பிறகு 3-15க்கு அவர்கள் 2 பேர், நாங்கள் 2 பேர், சதீஷ் ஆகிய 5 பேரும் கோயிலுக்குப் புறப்பட்டோம். கடைகளை வேடிக்கை பார்த்துக் கொண்டே ராமகிருஷ்ண மடம் தெரு, தெற்கு மாட வீதி வழியாக கோயில் கோபுரம் போனோம். கீழ வீதிக்குச் சென்று ஸ்வாமி, அம்மன், முருகன் ஆகியோரைத் தரிசித்தோம்.
சரியான கும்பல். Stampede-ல் மாட்டிக்கொள்ள இருந்தேன்; தப்பித்தேன். திரும்ப கூட்டத்தில் இடிபட்டுக்கொண்டே, தெற்கு மாட வீதிக்கு வந்தோம். அங்கு நாயன்மார்களை தரிசித்துக் கொண்டோம். மீண்டும் Stampede! ஒரு வழியாக ஆதம் தெருவிற்குள் நுழைந்தோம், மூச்சு விட முடிந்தது.
இன்றைய விழாவிற்கு 2 லக்ஷத்திற்கும் அதிகமானோர் வந்ததாக போலீஸ் கூறுகிறது; இருக்கும் - என்ன கூட்டம்!!
சாலையர் தெரு RK Mutt Road-ஐ சந்திக்கும் இடத்திலிருந்து கீழ வீதி சன்னதி வரை நாங்கள் நடந்தோம் - பத்தடிக்கொன்றாக எவ்வளவு இடங்களில் அன்னதானம், இனிப்புகள், எவ்வளவு இடங்களில் மோர், ஜூஸ், ரோஸ் மில்க் - ஓ, என்னாலேயே நம்ப முடியவில்லை! குமாரும், லலிதாவும் பார்த்து அசந்து விட்டார்கள்.
ராமகிருஷ்ண மடம் வாசலில் டிரம், டிரம்மாக கெட்டி மோர்; நாங்கள் 5 பேரும் ஆளுக்கு 3 டம்ளர் மோர் குடித்தோம். அவ்வளவு வெயில். பின்னர் இன்னொரு இடத்தில் பிஞ்சு வெள்ளரி, VHP-யினர் வழங்கிய பானகம் சாப்பிட்டோம். ஆதம் தெரு முனையில் அப்போதுதான் வீட்டில் பண்ணி ஒரு பெரிய்ய்ய டிரம் நிறைய, முழங்கை வழிவார நெய், முந்திரி, திராட்சை அள்ளிக் கொட்டிய மணமணக்கும் ரவா கேசரி - இரண்டு பெண்கள் தொன்னை தொன்னையாக கொடுக்க ஆரம்பித்தார்கள். நாங்கள் அங்கேயே சாப்பிட்டு விட்டு, 3 தொன்னை கேசரியை குழந்தைகளுக்கு டப்பாவில் போட்டு கொண்டுபோனோம்.
எல்லாரும் ஒருமுறை இந்த 63-வர் உத்ஸவத்தை கண்டு இன்புறவேண்டும்.
ராஜப்பா
08-04-2009
பகல் 1 மணி
Comments