Rules for Selection of Maasyam and UNAM Days

ஊனம் மாஸியங்களுக்கான விதிகள்.

ஊனங்கள், மூத்த கர்த்தாவின் ஜன்ம நக்ஷத்திரம், செவ்வாய், வெள்ளி, சனி, பிரதமை, சஷ்டி, ஏகாதசி, சதுர்த்தி, நவமி, சதுர்த்தசி ஆகிய தினங்களில் பண்ணக் கூடாது.

சரியான நாள் கிடைக்காவிட்டால், குறிப்பிட்ட காலத்தின் கடைசீ நாளில் எதையும் பார்க்காமல் பண்ண வேண்டும்.

27 ஊனம் -- 28 * 29 * 30 ஆகிய மூணு நாட்களில் ஒன்றை மேலே உள்ள விதிகளின்படி அநுசரித்து தேர்ந்தெடுத்து பண்ண வேண்டும்.

சோதகும்பம் பண்ணும் நாள் ஊனத்துக்கு பொருத்தமாயிருந்தால் ஊனத்தை அந்த நாளில் வைத்துக் கொள்ளலாம்.

உதாரணமாக -- வியாழன் மாஸ்யம் அல்லது ஆப்திகம், புதன் சோதகும்பம், செவ்வாய் ஊனம் என்று ஏற்பட்டால், செவ்வாய் சோதகும்பம், புதன் ஊனம், வியாழன் மாஸ்யம் (அ) ஆப்திகம் என மாற்றிக் கொள்ளலாம்.

45 ஊனத்திற்கு த்ரைபக்ஷகம் எனப் பெயர். இதை 40 நாளுக்கு மேல் 45 நாட்களுக்குள் மேல்கண்ட விதியை அநுசரித்து தேர்வு செய்யவும்.

6ம் மாஸ ஊனம், இறந்த தினம் உட்பட 170க்கு மேல் 180 நாட்களுக்குள் ,அடுத்த திதி-மாஸ்யத்திற்கு 1 நாள் முன்னதாக விதிப்படி தேர்வு செய்யவும்.

ஊன ஆப்திகம் 341 முதல் 345 நாட்களுக்குள் 1 நாள் தேர்வு செய்யவும். சில மாதங்களில் ஒரே திதி இரண்டு முறை வரும் பக்ஷத்தில் ஸ்ராத்த திதியில் மாஸ்யத்தையும், சூன்ய (அதிக) திதியில் அதிக மாஸிகமாகவும் பண்ண வேண்டும்.



# 1 சோதகும்பம் என்பது மாஸ்யம் (அ) ஆப்தீகத்திற்கு முதல் நாள் செய்ய வேண்டிய ஸ்ராத்தம்.

# 2 திதி மாஸ்யம் என்பது ஒவ்வொரு மாஸத்திலும் வரும் இறந்த திதியன்று செய்ய வேண்டிய ஸ்ராத்தம்.

# 3  ஊனம் என்பது “திதி மாஸியத்திற்கு” முன்பாக , அதாவது சோதகும்பத்திற்கு முதல் நாள் செய்ய வேண்டியது.


ராஜப்பா
12-10-2013
11:30 காலை