முருங்கைக் கீரை

முருங்கைக் கீரையில் (drumstick) நிறைய இரும்புச்சத்து, கால்ஷியம், பொட்டாஷியம் இன்னும் பல தாதுக்கள் நிரம்பியிருப்பதை அறிவோம். மிக முக்கியமான் மருந்து சத்துக்கள் அடங்கியது.

ஆனால் --- முருங்கைக் கீரையை வாங்கி அதை "ஆய" ஆரம்பித்தால், அனுமார் வால் மாதிரி நீண்....டு கொண்டே போகும். காம்புகளை எடுத்து, ஒவ்வொரு இலையாக ஆய்வதற்குள் ... "அப்பாடா" என்று ஆகிவிடும். "ஏண்டா வாங்கினோம்" என்று கூட தோன்றும். ஒருவழியாக (ஐந்து அல்லது ஆறு மணி நேரத்திற்குப் பின்னர்) ஆய்ந்து முடித்து, அலம்பி பாத்திரத்தில் போட்டு சமைக்க ஆரம்பித்தால், சமைக்கவும் நீண்....ட நேரம் ஆகும்.

ஆனால் --- சமைக்கும்போதே கீரையின் மணம் எட்டு ஊருக்கு பரவும். சமைத்த பின்னர் இதன் அளவு மிகவும் கொஞ்சமாக குறைந்துவிடும். 5 - 6 மணி ஆய்ந்த உழைப்பிற்கு பலன் இவ்வளவுதானா எனக் கேட்கத்தோன்றும்.

ஆனால் --- தட்டிற்கு அது வந்த உடனேயே காலியாகிவிடும். என்ன அருமையான ருசி.

எனக்கு மிகவும் பிடித்த கீரை முருங்கைக்கீரை.

ப.பருப்பு போட்டு பண்ணும் மசியல், அடைமாவில் ஒரு கைப்பிடி முருங்கை இலையைப் போட்டு அடை வார்ப்பது, நெய் காய்ச்சும்போது, கடைசியில் கொஞ்சம் இலைகளைப் போடுவது -- இவற்றைத் தவிர, வேறு ரெசிபிக்கள் எழுதவும்.

இன்று (25-11-2008) காலை ஒரு கட்டு கீரை வாங்கினோம் (10/-) மூன்று மணி நேரம் ஆகிவிட்டது; இன்னும் 30% கூட ஆய்ந்தபாடில்லை.

குழந்தை அதிதியும் மிக உற்சாகமாக கீரை ஆய்ந்து கொடுத்தாள் - இன்று கீரையின் ருசி இன்னும் அதிகமாக இருக்கப்போகிறது.

ராஜப்பா

25-11-2008 காலை 11 மணி