Skip to main content

Posts

Showing posts with the label Marina beach

மெரீனா கடற்கரை (5) Marina Beach

நேற்று மாலை (22-ஜனவரி) நாங்கள் மெரீனா கடற்கரை சென்றோம். திருவான்மியூரில் பஸ்ஸுக்காக 20-25 நிமிஷங்கள் காக்க வேண்டியிருந்தது. இங்கிருந்து திருவல்லிக்கேணி உழைப்பாளர் சிலை வரை பஸ் டிக்கெட் ரூ 13.00 . அங்கு இறங்கி நடக்க ஆரம்பித்தோம். சமீபத்தில் நெருப்புக்கு இரையான சேப்பாக் அரண்மனை - தற்போது ”எழிலகம் ” - இருளில் மூழ்கியிருந்தது. உழைப்பாளர் சிலை மெரீனா கடற்கரை மிக ரம்மியமாக, அழகாக இருக்கிறது. ஒரு பக்கம் வங்கக்கடல், இன்னொரு பக்கம் 300 வருஷ தொன்மையான வரலாற்றுப் புகழ்பெற்ற கட்டிடங்கள். நடக்க பளபளக்கும் நடைபாதை. எங்கும் ஒளி வெள்ளம். ஓ, மெரீனாவின் அழகே தனிச் சிறப்புதான். அதுவும் நேற்று மெல்லிய குளிர் காற்று இதமாக வீசிக் கொண்டிருந்தது. விவேகானந்தர் இல்லத்திற்கு (ICE HOUSE) எதிரில் 15 நிமிஷங்கள் அமர்ந்து ஆர்ப்பரிக்கும் அலைகளை ரசித்தோம். பின்னர் காந்திஜி சிலை நோக்கி நடந்தோம். VIVEKANANDAR ILLAM [ICE HOUSE] இன்னும் 4 நாளில் வர இருக்கும் குடியரசு தின விழாவிற்காக காந்திஜி “எண்ணெய் தேய்த்து குளித்து” பளபள என ஜொலித்தார். விழாவிற்கான ஏற்பாடுகள் வேகமாக நடந்து கொண்டிருந்தன. “செந்தமிழ் நா...

மெரீனா பீச்

மெரீனா பீச் போக மே மாதம் 8ஆம் தேதியன்று நான் எடுத்துக் கொண்ட முதல் முயற்சி பிசுபிசுத்துப் போனது. இங்கு படிக்கவும்  அடுத்த முயற்சியாக நேற்று (25 மே) மாலை மீண்டும் பஸ் நிறுத்தத்தில் 1/2 மணி நேரம் நின்றோம். நொந்து போய், வீடு திரும்ப பத்து அடிகள் எடுத்து வைத்தபோது 21-D வந்தது, அதுவும் காலியாக. அரைமணி நேரத்தில் நாங்கள் ராணி மேரிக் கல்லூரி வாசலில் இருந்தோம். காமராஜர் சாலையை (Beach Road) குறுக்காக கடந்து பீச் பக்கம் போய் நடக்க ஆரம்பித்தோம். மிகவும் அழகிய, சுத்தமான நடைபாதை பளபளத்தது. இரண்டு கிமீ நடந்த பின்னர் கொஞ்சம் உட்கார்ந்தோம். கண்ணகி சிலை நிறுத்தத்தில் பஸ் பிடித்து வீடு திரும்பினோம். மெரீனா பீச் நிஜமாலுமே மிக அழகாக புதுப்பிக்கப்பட்டிருக்கிறது. துணை முதல்வர் திரு ஸ்டாலினுக்கு நன்றிகள். LightHouse-லிருந்து சிவானந்தா சாலை வரை (அல்லது அதையும் தாண்டி) பளபளக்கும் நடைபாதை உள்ளது. உட்கார, குழந்தைகள் ஓடியாடி விளையாட நிறைய இடங்கள் இருக்கின்றன. நீணட நெடிய புல்தரைகள் பச்சைக் கம்பளமாக விரிந்திருக்கின்றன. நீங்களும் போய்ப் பாருங்கள்.   ராஜப்பா 10 மணி 26-05-2010

மெரீனா கடற்கரை (4)

நேற்று (17-10-2009) காலை 6-45க்கு நான் மெரீனா கடற்கரை சென்றேன். வானொலி நிலைய்த்திலிருந்து நடக்க ஆரம்பித்து, கண்ணகி சிலையையும் தாண்டி கொஞ்ச தூரம் நடந்த பின்னர், திரும்ப கண்ணகி சிலைக்கு வந்து, பஸ் பிடித்து வீடு திரும்பினேன். நல்ல நடை. இன்று ஞாயிறு (18-10-2009) காலை 6-30க்கு கிளம்பி, பஸ்ஸில் கண்ணகி சிலை வரை சென்று, அங்கிருந்து நடக்க ஆரம்பித்து, Napier bridge, ஜார்ஜ் கோட்டையைத் (Fort St George) தாண்டி ரிஸர்வ் வங்கி வரை நடந்தேன். பின்பு அங்கிருந்தே பஸ் ஏறி வீடு திரும்பினேன். ராஜப்பா காலை 0930 18-10-2009

மெரீனா கடற்கரை (3)

மெரீனா கடற்கரையில் நடப்பதைப் பற்றி இதுவரை இரண்டு பதிவுகள் எழுதியுள்ளேன்; பின்பு புது ஷூ வாங்கியதையும் எழுதினேன். இன்று (12-09-2009) சனிக்கிழமை காலை 0610 க்கே மெரீனா சென்றேன்; விஜயாவும் வந்தாள். கலங்கரை விளக்கத்திலிருந்து தமி ழர் பண்பாட்டுச் சின்னம் கண்ணகி சிலை வரை 35 நிமிஷங்கள் நடந்தபின்னர் பஸ்ஸில் வீடு திரும்பினோம். ராஜப்பா 12-09-2009 1000 மணி

பல வருஷங்களுக்குப் பிறகு ...

பல வருஷங்களுக்குப் பிறகு - அது இருக்கும் 14,1 5 வருஷங்கள் அல்லது அதற்கும் மேல் - நேற்று (8-9-2009) நான் ஷூ வாங்கினேன் !! நீண்ட நாட்களாகவே தினமும் காலையில் 7 மணிக்கு நடப்பதை (walking) வழக்கமாகக் கொண்டுள்ளேன். சமீபத்தில் மெரீனா கடற்கரையிலும் நடக்க ஆரம்பித்தேன் (என்னுடைய blog படிக்க). என்னைத் தவிர மற்ற எல்லாரும் (10 வயசிலிருந்து 90 வயசு வரை, ஆண்கள் மற்றும் பெண்கள்) மெரீனாவில் நடக்கும் போது காலில் ஷுவுடன் நடப்பதாக என் மனத்தினுள் ஒரு குறுகுறுப்பு. எனவே நானும் ஷூ கட்சியில் சேர்ந்து விட்டேன் - இன்று காலை புது ஷுவுடன் நடந்தேன் !! ராஜப்பா 10:15 மணி 09-09-09

மீண்டும் மெரீனா ...

இன்று (5-9-2009) காலை நான் மீண்டும் மெரீனா கடற்கரை சென்றேன். கலங்கரை விளக்கம் பஸ் நிறுத்தத்தில் ஏழு மணிக்கு இறங்கி, கண்ணகி சிலை வரை நடந்தேன். சரியாக 30 நிமிஷங்கள் ஆகின்றன. இன்று வெயில் அவ்வளவாக இல்லை. நடக்க நன்றாக இருந்தது. கடலும் தகதகவென பிரகாசித்தது. பஸ் பிடித்து வீடு திரும்பினேன். இன்னொரு இனிமையான காலைப் பொழுது. மெரீனா கடற்கரையும், ஸ்ரீ கபாலீஸ்வரர் கோயிலும் சென்னைக்கு புகழ் சேர்க்கும் இரண்டு அணிகலன்கள்; இரண்டுமே மயிலாப்பூரில். ராஜப்பா 11:00 மணி, 05-09-2009

மெரீனா கடற்கரை

ரொம்ப நாட்களாகவே எனக்குள் ஒரு ஆசை - மெரீனா கடற்கரை ஓர நடைபாதையில் நடக்க வேண்டும் என்பதே என் ஆசை. 2005-ல் கற்பகம் அவென்யூவிற்கு வந்ததுமுதல் இந்த ஆசை மீண்டும் துளிர்விடத் துவங்கியது. மாலை வேளைகளில் பலமுறை சென்றிருக்கிறேன்; காலை வேளையில்?இன்றுவரை போக இயலவில்லை. இன்று (30-08-2009) காலை 6-40க்கு பீச்சுக்கு கிளம்பினேன்; 6 மணிக்கே போக வேண்டும் என்ற என் எண்ணம் 40 நிமிஷம் பின்தங்கிவிட்டது. 6-50க்கு உழைப்பாளர் சிலை அருகில் இறங்கி, கண்ணகி சிலை வரை திருப்தியாக நடந்தேன். நடைபாதையை பளபளவென்று பண்ணியிருக்கிறார்கள். மனித இனத்தின் “kaleidoscope" என்று சொல்வார்களே, அதை - பலதரப்பட்ட மனிதர்களை அங்கு பார்க்க இயலும். நடக்க முடியாத வயதானவர்கள், காதில் iPod-டுடன் ஓடும் இளைஞர்கள், இளைஞிகள் சிரித்து பேசி விளையாடும் குழந்தைகள், கடல் மணலையே படுக்கையாக உறங்கும் ஏழைகள், கப்பல் போன்ற கார்களில் வரும் பணக்காரர்கள். மேலே தகதகவென காலை சூரியன், வங்கக் கடல் வீசும் லேசான கொண்டல் காற்று, சென்னை இன்னும் முழுதாக விழித்துக் கொள்ளாததால் ஆரவாரமற்ற காமராஜர் சாலை - ஓ, மிக ரம்மியமான சூழ்நிலை. 45 நிமிஷங்கள் நடந்தபின்னர், பஸ் பி...